Pinali a Njou‐Mboro‐Pinali 5:12 - Féké Testament 1947

¹² Da njou‐mboro‐pinali mi nding fèn to̱ko̱nakèli tèn fèn sakamli nyèta ka ndo̱ko̱ kli an wora njoukouli, njou‐lana‐bilaouli mi kaou jing laou mabahana, an po̱ko̱ro̱ voul Salomon.

Pinali a Njou‐Mboro‐Pinali 5:12 ပူးပေါင်းရင်းမြစ်များ

Pinali a Njou‐Mboro‐Pinali 19:11

Da Ouone mi nding kakaïya fèn sakamli ka ndo̱ka Paul,

2 Corinthienli 12:12

Ka babaï léna fènli bon baï to̱ko̱na njou‐mboro‐pina mi wéré nonkè bi kala an woro baï jinguèl jing laïnabi ka mboro fèn to̱ko̱nakèli, da ka mboro fèn sakamli tèn ka mboro njèran pinali.

Hébreuli 2:4

Ouone mi ndé to̱ko̱ jing kli kéng, ka mboro fèn to̱ko̱nakèli da fèn sakamli, da njèran pinali toutoul, toutoul, da ka mboro toul ndo̱ka Saint‐Esprit, ko̱ kè wal hi kli ko̱ kaou mara fal toulè.

Pinali a Njou‐Mboro‐Pinali 14:3

Da mono on, klime kaou pou Icone bongkè dita, da sa mboura ndo̱t ka bila Nanjou, ko̱ mi sa bongbaï toul baïnjaka ndingna mbo̱l nè da kème jiji an fèn to̱ko̱nakèli, da fèn sakamli mi nding ka ndo̱ko̱ kli.

Romainli 15:19

Jing njèran a fèn to̱ko̱nakèli tèn fèn sakamli ka mboro njèran a Esprit a Ouone, mono on mè tissaonkè an pou Jérusalem da an bil sél koukoula afékéli ko̱ mi diya an bèlkè bo̱l tèn an guèl Illyrie, da mè sa mboura toul bèlabaï a Christ yaïli manguèl bon.

Pinali a Njou‐Mboro‐Pinali 3:11

Da ko̱ kè dèn Pierre da Jean, laou a njoukouli bon mi sé siya, da kli ngou gui mone kli an bo̱ko̱ po̱ko̱ro̱ temple on ko̱ lingkè ba Salomon.

Saint Jean 10:23

Da Jésus mi sèrè an bil temple, an bo̱ko̱ po̱ko̱ro̱kè ko̱ lingkè ba Salomon.

Pinali a Njou‐Mboro‐Pinali 4:30

Da mo ndara ndo̱ko̱ ka haï mona njoukouli, da nding fèn to̱ko̱nakèli tèn fèn sakamli mbo̱l ling a tangna fofoto Goune no Jésus.

Pinali a Njou‐Mboro‐Pinali 1:14

Kli on bon ka laou mabahana mi pane laïnabi hiouna Ouone jing hana, jing waïnli, da Marie ma a Jésus, da jing yine nèli.

Saint Marc 16:20

Da klime sé, ka sa mboura manguèl bon. Da Nanjou mi nding pina jing kli ka mboro njèran pinali ko̱ mi gui fal, mi to̱ko̱ ko̱ baïnjaka ba babaï. Amen.

Pinali a Njou‐Mboro‐Pinali 16:18

Da kème nding on ma name nyèta. Da Paul mi tanta, ka ki ènrèn da sa hi esprit on: Mè sa bi njako̱ ka bil ling a Jésus‐Christ baï tèna kala an bilè. Da esprit on mi tèn kala ka mbé l’heure o̱kèo̱.

Pinali a Njou‐Mboro‐Pinali 9:40

Da Pierre mi téne kli bon tèn sé kala, da kème houkou ka hiou Ouone; kè ki monè guè mona houl aïn, ka sa: Tabitha, mo ourou siya! Da kème bourou nonè, da ko̱ kème ko̱ Pierre, kè ourou siya ka kaou.

Pinali a Njou‐Mboro‐Pinali 9:33

Da kéme jing njoukou mbéo ling‐è ba Enée, kè on ko̱ mi na bou bil to̱ko̱ mane saka difala‐saï jing jangma yawè.

Pinali a Njou‐Mboro‐Pinali 2:46

Da klime gali gui guè bil temple name bon, ka pane laïnabi ka laou mabahana, ka haouna mapa an bil voul klili, klime son laka jing hana ka wala, tèn kaouna vo ka go̱ro̱ mbéo bo̱l,

Saint Jean 4:48

Jésus sa hi nè: Tokoré ouime ko̱ fèn‐to̱ko̱nakeli maléba fèn sakamli ya, oui ba lana bilaou tane tiya.

Pinali a Njou‐Mboro‐Pinali 28:9

Da ko̱ kème nding on tou, gara njoukouli on bon ko̱ mi ndé na jangma kéng an koua on, mi gui monè da mone kli mi haï tou,