Pinali a Njou‐Mboro‐Pinali 3:17 - Féké Testament 1947

¹⁷ Da kassénaï yindi, mè toutou ko̱ ouime nding on baï ko̱ ouime pane ka tane ga tou ya, ndé mahana ka zaworo abaïli kéng.

Pinali a Njou‐Mboro‐Pinali 3:17 ပူးပေါင်းရင်းမြစ်များ

Saint Luc 23:34

Da Jésus sa: Baba, mo yèng bi mboro békéfèn akli, baï ko̱ klime tane tou fèn ko̱ klime nding ya. Da kli wal la nè ka rou mbadé rou.

Pinali a Njou‐Mboro‐Pinali 13:27

Baï kli on ko̱ bi an pou Jérusalem, da zaworo klili, baï ko̱ kli tane ga tou Jésus ya, da tane ga la baï a prophèteli ya, on ko̱ klime kèn ka name sabbatli bon, kli bi nonkè kala ka babaï ka mboro kona barabaï toulè.

1 Corinthienli 2:8

cho̱kna on ko̱ zaworoli a saka naï hana mbéo mi tane ga tou ya, baï ko̱ tokoré klime ti toutou on jinguèl kli tane ga bara Nanjou a jonafèn bi di‐croix ya.

Saint Jean 16:3

Da yé kli ma nding fèn aïnli, baï ko̱ klime tane ga tou Baba jinguèl ya, da tane ga tou mi ya.

1 Timothée 1:13

tongna on ko̱ mè ba njou‐poukounafèn jinguèl, da njou‐to̱ko̱nassé hi njoukouli, tèn njou‐pongna njoukouli. Da mème jing haïo baï ko̱ mème nding on tane tounafèn da ka kaouna ka ndouri.

2 Corinthienli 3:14

da kèrafèn akli mi foukourou. Baï ko̱ bo̱l tèn kassénaï ko̱ klime kèn takarata a tang bina gonjaka an none hana jinguèl, mbé voile on mi pane jing kèrafèn akli, baï ko̱ klime tane ga ko̱ fèn on ko̱ mi fan tou ka bila Christ ya.

Romainli 11:2

Ouone mi tane ga njomo njoukou nèli ya, kli on ko̱ kème toutou kli ka tang ambèl, maléba oui tane ga tou baï on ko̱ Takarata a Ouone mi sa ka njaka Élie ya lé? ka mboro on ko̱ kème hiou Ouone kon toula Israël, ka sa:

Pinali a Njou‐Mboro‐Pinali 26:9

Ka babaï, mè ndé bi hang ni jinguèl kéng fèni baï ndingna fènli nyèta ka pong ling a Jésus an pou Nazareth.

Pinali a Njou‐Mboro‐Pinali 7:40

ko̱ klime sa hi Aaron: Mo mosso ouondi hi na baï séna dambèl hi na; baï Moïse aïn ko̱ mi téne na tèn kala an guèl Égypte, na tane ga tou fèn on ko̱ nding nè ya.

Saint Jean 7:52

Klime féré sa, ka sa hi nè: Mo ba njoukou an guèl Galilée kéng lé? Mo nza da mo ma ko̱ ko̱ prophète ba tèna ka guèl Galilée tane tiya.

Philippienli 1:22

Da tokoré mème kaou ka none ka naïn‐mone ndingna pina ni mi lé lénakè, mono mème tane tou fèn on ko̱ laou ni mi ji name rou ya.

Saint Luc 23:13

Da Pilate mi di loukou sacrificateurli da zaworoli da njoukouli bon, baï an klime ndoï gui,

Saint Jean 15:21

Da yé kli ma nding fèn aïnli bon hi oui, baï toul ling ni, baï ko̱ klime tane ga tou kè on ko̱ pi mi ya.

Pinali a Njou‐Mboro‐Pinali 22:5

Da zaworo sacrificateur tèn sarang a tangchidoli bon, mi ndé sa bong baï ni kéng. Mème ya takarata an ndo̱ko̱ kli baï séna guè mona yindi, baï séna guè pou Damas baï yana kli bon on ko̱ mème jing kli an ndourou, da gna kli gui pou Jèrusalem baï to̱ko̱nassé hi kli.

Pinali a Njou‐Mboro‐Pinali 28:21

Da kli sa hi nè: Njoukou hanali an guèl Judée mi tane ga pi takarata baï sana baï toulo̱ hi na ya, da yindi an ndourou mi tane ga to̱ko̱ béké baï hana maléba sana baï bèlya kon toulo̱ ya.

Éphésienli 4:18

Yilime mi fo̱ko̱ro̱ cho̱kna kli, da klime wal mone kli jing yana a Ouone, baï ko̱ laou kli mi tane tou fèn ya, da go̱ro̱ kli mi na wang,