Pinali a Njou‐Mboro‐Pinali 26:18 - Féké Testament 1947

¹⁸ baï boura none kli an klime ma baï kina go̱ro̱ kli ka mboro yilime da ta gui takanafèn, da ka mboro bo̱ko̱ njèran Satan baï guèna mona Ouone, an klime ma baï jingna yèngna bi mboro békéfènli, da fèn yanapélé an wora kli on ko̱ Ouone mi wal bi baï nè fènè ka mboro tounassaon ni.

Pinali a Njou‐Mboro‐Pinali 26:18 ပူးပေါင်းရင်းမြစ်များ

1 Titili Takarata a Pierre ko̱ dé 2:9

Da oui ba mèrèn on ko̱ Ouone mi sane tou, oui ba njou‐pina gangna sacrificateurli, tangna fofoto pime pouli, dodok njoukouli a Ouone, an ouime to̱ko̱ guédék on a kè on ko̱ di oui tèn gui kala an bil yilime, da gui mona kakaïya takanaguèl amè.

Éphésienli 1:18

mono on an none a go̱ro̱ baï mi bourou baï ko̱na guèl bèlta, baï an ouime tou fèn on ko̱ ba fèn oliya baï ko̱ kème di oui, da an ouime tou fèn on ko̱ ba nguèra jonafèn an fèn yana pélé nè ka bila njou‐lana‐bilaouli,

Éphésienli 5:8

Baï ko̱ jinguèl oui ba yilime, da kassénaï oui ba takanafèn ka bila Nanjou. Oui sé mahana ka goundi a takanafèn!

Pinali a Njou‐Mboro‐Pinali 20:32

Da kassénaï mè yèng oui bi ndo̱ka Ouone, da baïnjaka ndingna mbo̱l nè, on ko̱ mi ma baï pouna mone baï, da hi fèn yanapélé hi oui an wora kli on bon ko̱ Ouone mi wal bi baï nè fènè.

2 Corinthienli 4:6

Baï ko̱ ba Ouone on mi ko̱ sa jinguèl: Yé takanafèn ma tèn ka cha an bil yilime! kè on ko̱ mi cha an bil go̱ro̱ na, baï takana tounafèn a jonafèn a Ouone an nona Jésus‐Christ.

Saint Jean 8:12

Mono, Jésus mi sa hi kli ba aféké, ka sa: Mè ba takanafèn a njou‐koukoulali; kè on ko̱ mi gui fali, kè ma sé ka yilime ya, da kème jing takanafèn a yana.

Saint Luc 1:79

Baï chana kon toula kli ko̱ mi kaou an bil yilime an bo̱ko̱ tétéme houl, Da baï mira bo̱ko̱ na sé guè mboro go̱ro̱ iki.

Éphésienli 4:18

Yilime mi fo̱ko̱ro̱ cho̱kna kli, da klime wal mone kli jing yana a Ouone, baï ko̱ laou kli mi tane tou fèn ya, da go̱ro̱ kli mi na wang,

2 Corinthienli 6:14

Oui tane gna hola bi hana jing njou‐kaouna ka ndouri ko̱ mapélékè ya, baï ko̱ ndingna guédék ma vo jing séla guingna ane dé? maléba takanafèn mi joukourou hana jing yiriguèl ane dé?

2 Corinthienli 4:4

kli on ko̱ mi tane ga la bilaou ya, ko̱ ouone a saka naï mi foukourou kèrafèn akli, baï an klime tane ma baï ko̱na takanafèn bèlabaï a jonafèn a Christ ya, on ko̱ ba tétéme a Ouone.

Titili Takarata a Jean ko̱ dé 3:8

Kè on ko̱ mi nding békéfèn, kè ba a zabolo, baï ko̱ zabolo mi ti nding békéfèn jinguèl ka titilikè. Baï on mi ko̱ Goune a Ouone mi gui baï bona pina a zabolo.

Pinali a Njou‐Mboro‐Pinali 2:38

Da Pierre mi sa hi kli: Oui hèkè békéfèn abaï, da oui mbéo mbéo bon mi ya baptême ka bil ling a Jésus‐Christ baï jingna yèngna bi mboro békéfèn abaïli; da yé oui ma ya toul ndo̱ko̱ Saint‐Esprit.

Titili Takarata a Jean ko̱ dé 5:19

Name toutou ko̱ na ba a Ouone da koukoula aïn bon mi na an bo̱ko̱ njèran a njou‐békékè.

Titili Takarata a Jean ko̱ dé 1:9

Tokoré name hèkè békéfèn nali bi kala, kè ba lodok da guédék baï yèngna bi mboro békéfèn nali ka tourou békéfèn na bon guèfal.

Pinali a Njou‐Mboro‐Pinali 20:21

Mè sa bongbaï hi Juifli da Grecli toul hèkèna békéfèn aklili hi Ouone da toul tounassaon an Nanjou na Jésus‐Christ.

Saint Luc 24:47

Da kli ma tissaon an pou Jérusalem baï sana mboura hèkèna da kona békéfèn pa ka bi ling‐è, hi pime pouli bon.

Apocalypse 21:27

Da békéfèn mbéo mi ma baï guina an bilkè gounfènakè ya, maléba kè ko̱ sène fèn da ba wo̱ko̱; da ba kli on bo̱l ko̱ kè dé ling kli bi bil takarata yana a Goune badoua on.

1 Titili Takarata a Pierre ko̱ dé 2:25

Baï jinguèl oui wa domboro mahana ka badouali. Da kassénaï oui féré gui mona njou‐kora da Njou‐onatoul laou baïli.

Hébreuli 11:6

Baï ko̱ tane tounassaon, njoukou tane ma ya, an Ouone mi ko̱ nè bèl monè ta; baï ko̱ kè on ko̱ mi guè mona Ouone, ba baï nè an kème la nè bi laou‐è ko̱ kè makaou, da ko̱ kè ba njou‐hina toul ndo̱ko̱ hi kli on ko̱ nza nè.

Pinali a Njou‐Mboro‐Pinali 13:47

Baï ko̱ Nanjou mi sa bi njaka na on: Mè bi mo jinguèl ba takanafèn a pime pouli, Mono, mo ma baï tèna ba njou hina yana‐baï‐toul bo̱l tèn sèkèrè guèl ndèk an koukoula aïn.

Pinali a Njou‐Mboro‐Pinali 15:9

da Ouone tane ga ko̱ na ka toul jing kli ya, baï ko̱ kème tourou go̱ro̱ kli ka mboro tounassaon.

Pinali a Njou‐Mboro‐Pinali 5:31

Ouone mi bi ling‐è ti guè siya an mboro wonron ndo̱kè, baï tèna ba zaworo da Njou‐yana‐baï‐toul baï hina njou‐Israël baï hèkèna békéfèn, da baï jingna yèngna bi mboro békéfènli.

Saint Jean 9:5

Da mono, ko̱ mème pane jing njou‐koukoulali, mè ba takanafèn a njou‐koukoulali.

Saint Jean 3:19

Da walabaï aïn ba mini, ko̱ takanafèn mi gui mona njou‐koukoulali tou, da njoukouli mi sé hang yilime ta takanafèn, baï ko̱ pina kli mi bèlya.

Titili Takarata a Jean ko̱ dé 2:12

Lélé goundi, mè dé takarata hi oui baï ko̱ mi yèng bi mboro bekéfèn abaïli tou baï toul ling‐è.

1 Titili Takarata a Pierre ko̱ dé 1:4

baï an name jing fèn yana pélé on ko̱ poume ya, maléba ti dakame ya, da ko̱ tane yéli ya, ko̱ mi pèng nonkala baï abaï.

Saint Jean 17:17

Mo wal kli bi baï no fèno ka mboro babaï: baïnjako̱ ba babaï.

Saint Luc 1:77

Baï to̱ko̱na mboro yana‐baï‐toul hi njoukou nèli, Da mboro kona békéfèn klili pa,

Jude 1:1

Jude koï a Jésus‐Christ da yine a Jacques mi dé takarata aïn hi kli on ko̱ Ouone di kli tèn kala tou, da ko̱ Ouone Baba mi sé hang kli nyèta, da kè pèng kli ka bila Jésus‐Christ.

TAKARATA A JACQUES KO̱ DÉ 2:5

Oui la yine nili on ko̱ mème sé hang baï ta: Ouone mi tane ga sane kli on ko̱ ba foïna njoukouli an wora njou‐koukoulali baï an kli on mi nguèrè jing tounassaon ya lé, da kli ba njou‐yanapéléli an bilkaou on ko̱ kème bi gonjaka hi kli on ko̱ mi sé hang‐è lé?

Hébreuli 10:14

Baï kè ka mboro sacrifice mbéo, kè mosso kli gui guédék kambèlè, kli on ko̱ kè wal kli bi baï nè fènè.

Galateli 3:14

Mono on, an samnafèn a Abraham mi gui toula mèran gentili ka bila Christ‐Jésus, an name jing bina go̱njaka a Esprit fènè ka mboro tounassaon.

Saint Luc 24:45

Da afal kè bourou laou kli an klime tou saon Takarata a Ouone.

2 Tim 2:26

Da kli ma kèrè fal mone kli tangta, ka ourou an ndaou a zabolo, baï ko̱ kème ba kli baï ndingna fèn on ko̱ mi na mara fal toulè.

Éphésienli 2:8

Baï ko̱ ka mboro ndingna mbo̱l mi ko̱ oui kou tou ka mboro tounassaon, da fèn on mi tane ti ba abaï fèn baï ya, on ba toul ndo̱ka Ouone,

Éphésienli 1:11

Name ndé tèn ba njou‐yana péléli ka bilè kéng, baï ko̱ mi ti sane na ka tang ambèl ka mboro badinafèn nè ko̱ kème nding fènli bon ka bong kèrafèn nè ko̱ mi na mara fal toulè,

1 Corinthienli 1:30

Da mbo̱lkè mi oui kaou ka bila Christ‐Jésus, ko̱ jing Ouone kème nding nè tèn cho̱kna, da guédék, da njèran baï wala na bi baï nè fènè, tèn fèn chona baï toula.

Saint Luc 4:18

Esprit a Nanjou makaou touli, Baï ko̱ kème same mi baï sana mboura bèlabaï hi foïna njoukouli; Kè pi mi baï haïna laou kli on ko̱ mi ho̱ko̱ tou,

Saint Luc 2:32

Takanafèn baï chana kon toula mèran gentili, Da jonafèn a njou‐Israëli, njoukou noli.

Saint Matthieu 4:16

Njoukou aïnli ko̱ kaou an yilime, Klime ko̱ loukou takanafèn; Da kli on ko̱ kaou an bilkaou da bo̱ko̱ tétéme a houl, Takanafèn tèn gui mone kli tou.

Hébreuli 10:10

Ka mboro kaouna mara fal toulè kè sane na bi kala baï nè fènè, mbo̱l sacrifice a kli‐mona Jésus‐Christ, bo̱ko̱ mbéo baï kambèlè.

Hébreuli 9:15

Da baï on kè ba njou‐vonabaï baï to̱ko̱na féké bina gonjaka an none hana baï njoukou mbéo mi hou, baï chona séla guingnali on ko̱ klime nding an bo̱ko̱ titili bina gonjaka an none hana, mono on kli on ko̱ kème di kli mi ma baï jingna bina gonjaka a fèn yanapélé kambèlè.

Éphésienli 5:14

Baï toul baï on kème sa: Mo tome, mo on ko̱ na name, Mo tome an wora houli, Da yé Christ ma taka guèl an toulo̱.

Éphésienli 1:14

on ko̱ ba fèn banabo̱ko̱ fèn yanapélé na bo̱l tèn name on ko̱ Ouone mi cho dodok fèn nèli baï jonafèn nè.

Éphésienli 1:7

Da an bilè ko̱ name jing fèn chona na, ka mboro séme monè, da yèngna bi mboro békéfèn nali ma bong nguèra ndingna mbo̱l nè,

Galateli 3:2

Mè ji an ouime sa bongkè ka njaka baï toul fèn aïn mbéo bo̱l hi mi: Oui ya Esprit ka mboro ndingna pina a guingna jinguèl, maléba ka ba mboro lana sana mboura tounassaon lé?

Galateli 2:20

Mè hou an di‐croix jing Christ tou, da tane ti ba mè on mi ko̱ yan ba aféké ya, da ba Christ mi ko̱ yan an bili; da yana on ko̱ mème yan jing naïn‐mone kassénaï, mè yan ka ba tounassaon on, ko̱ mi na an bila Goune a Ouone, kè on ko̱ mi sé hang ni ta, ka hi monè fènè baï touli.

1 Corinthienli 1:2

name pi takarata aïn hi église a Ouone ko̱ mi bi an pou Corinthe, kli on ko̱ Ouone mi wal bi fènè tou, ka bila Christ‐Jésus, ko̱ mi di kli ba njou‐lana‐bilaouli, mabahana jing kli on bon ko̱ mi di ling a Nanjou na Jésus‐Christ manguèl bon, Nanjou akli tèn ama:

Romainli 8:17

Da tokoré na ba goundi a Ouone, na ba goune yana fèn péléli; goune yana fèn péléli a Ouone, da ndo̱ko̱ba yana fèn péléli jing Christ; tokoré name ndé to̱ko̱ssé jing nè, mono on, na ma ndé ya jonafèn mabahana jing nè kéng.

Pinali a Njou‐Mboro‐Pinali 26:23

ko̱ yé Christ fènè ma to̱ko̱ssé da baï ko̱ kè ba titili njoukou ka mboro tomnahoulkèli, kè ma baï to̱ko̱na takanafèn hi Juifli, da ndé tèn mèran pime pouli kéng.

Pinali a Njou‐Mboro‐Pinali 10:43

Prophèteli bon mi ndé sa bongbaï nè, baï ko̱ ka mboro ling‐è njoukouli mbéo mbéo bon on ko̱ mi la bilaou‐è, yé kli ma jing yèngna bi mboro békéfèn aklili.

Pinali a Njou‐Mboro‐Pinali 3:19

Mono on, oui hèkè békéfèn abaï ka komo mboro baï, an Ouone mi taka békéfèn baïli bon guèfal, da ka name vona go̱ro̱ mi gui ka mona Nanjou gui mone baï,

Saint Jean 9:39

Da Jésus mi sa: Mè gui koukoula aïn baï wala baï, da an kli on ko̱ tane ga ko̱ guèl ya, mi ko̱ guèl, da an kli on ko̱ mi ko̱ guèl, mi féré tèn ba njou‐foukoura.

Saint Jean 4:14

da njoukouna ko̱ mi njo mbi on ko̱ mème hi nè, yé po̱ko̱ mbi ba ina nè ba aféké tane tiya, da mbi on ko̱ mème hi nè ma tèn ba toutoung mbi bi bilè, ko̱ ma ou kan yana kambèlè.

Saint Jean 4:10

Jésus mi féré sa, ka sa hi nè: Tokoré mome toutou toul ndo̱ka Ouone, da toutou kè on ko̱ mi sa hi mo: Mo bana mbi an mème njo! yé mo ti ndou mbi jing nè ti dambèl, da kè ma hi mbi yana hi mo.

Saint Matthieu 4:10

Da Jésus sa hi nè: Mo sé kaïn ni, Satan! Baï ko̱ mahana ko̱ mi dé: Mo hiou ba Nanjou, Ouone no, ka nding bakara hi ba kè ka ho̱kè.

Pinali a Njou‐Mboro‐Pinali 26:19

Baï on, o nanjoukaou Agrippa, mè tane ga pong ya, baï lana baï on ko̱ mi gui mahana ka lo̱la an nonkala;

Éphésienli 5:11

da oui tane vo ka go̱ro̱ mbéo jing pina a yilime, ko̱ mi tane lé lénakè ya, da ta on oui sa kon toul kli.

Éphésienli 6:12

Baï ko̱ name tane rou béré jing séme tèn naïn‐mone ya, da jing ba gangna pouli da jing njèranli, da jing zaworoli ko̱ mi na gangna an yilime on an koukoula aïn, tèn jing esprit wilkè a békéfèn an guèl an siya.