Pinali a Njou‐Mboro‐Pinali 24:16 - Féké Testament 1947

¹⁶ Baï on mi ko̱ mè joung hang ni baï kaouna ka laou‐tounafèn ni tang guèbassoko an nona Ouone tèn nona njoukouli.

Pinali a Njou‐Mboro‐Pinali 24:16 ပူးပေါင်းရင်းမြစ်များ

Pinali a Njou‐Mboro‐Pinali 23:1

Da Paul mi ènrèn njou‐walabaïli mbilïli, ka sa: Yindi mè kaou an nona Ouone ka bèla laou‐tounafèn bo̱l tèn kassénaï.

1 Timothée 1:5

Da hina bina baïnjaka on ba sénahang ko̱ mi gui ka tangna go̱ro̱, da bèla laou‐tounafèn tèn tounassaon ka babaï.

2 Corinthienli 4:2

Da name pong fèn chonron on ko̱ mi nding ka foli tou, da name tane ga sé jing bounabong ya, da tane ga vaïnfèn jing baïnjaka Ouone ya. Da ka ba mboro sana babaï bi kala an nona ro̱kè, da name sa baï na fèna bèlta an nona Ouone kon laou‐tounafèn a njoukouli bon.

Hébreuli 10:22

An name guè monè jing go̱ro̱ on ko̱ na ka babaï, on ko̱ mi mba jing tounassaon, da kè wèn séme kon toul go̱ro̱ na baï toura béké laou‐tounafèn na tang da kè tourou kli‐mona ka bèla mbi,

Romainli 2:15

baï ko klime to̱ko̱ bong fèn ndingna a guingna on, ko̱ mi dé an go̱ro̱ kli tou, da laou‐tounafèn kli mi ndé sa bongbaï an bil go̱ro̱ kli kéng, da kèrafèn kli mi to̱ko̱ békéfèn kli hi kli, maléba mi paribaï kli jing hana.

2 Corinthienli 1:12

Baï ko̱ jangnandaï na mini, laou‐tounafèn na mi ko̱ sa bongbaï ko̱ ka tangna go̱ro̱ fofoto da déléng a Ouone da tane ti jing chokna a naïn‐mone da jing ba ndingna mbo̱l a Ouone, name sé an koukoula aïn, da ta nyèta guèbambèl an none baï.

1 Titili Takarata a Pierre ko̱ dé 3:21

Gba mèrèn mbi on mi kou oui kassénaï on kéng, on mi sa ba yana baptême, ko̱ tane ti ba toura dakame an naïn‐mone ya, da ba sana bongbaï a bèla laou tounafèn an nona Ouone, ka mboro tomnahoul a Jésus‐Christ, an woro houli,

Tite 1:15

Fènli bon mi tangta jing kli on ko̱ tangta; da akli on ko̱ mi tèn ba fèn dakame, da kaou ka ndouri, fènli bon mi na ba dakame da laou kèrafèn akli tèn laou‐tounafèn akli mi na ba dakame.

1 Corinthienli 4:4

Baï ko̱ mème tane ga tou baï mbéo an touli ya, da tane ti ba baï on mi ko̱ mème gui guédék ya lé. Da kè on ko̱ mi foul saon ni ba Nanjou.

1 Titili Takarata a Pierre ko̱ dé 3:16

Da oui kaou jing bèla laou‐tounafèn, baï on ko̱ klime sa bèlya kon toul baï, chonron ma sé kli on ko̱ poukou bèla mboro séna a baï ka bila Christ.

1 Titili Takarata a Pierre ko̱ dé 2:19

Baï fèn aïn ba ndingna mbo̱l ko̱ njoukouna mi bou toulè rou an bil to̱ko̱nassé, to̱ko̱nassé on an bil fèn on tane ro̱ko̱kè, baï laou‐tounafèn an nona Ouone.

Hébreuli 13:18

Oui hiou Ouone kon toula, baï na toutou ko̱ laou‐tounafèn na na bèlta ka ji séna ka mboro on mane jing fènli bon.

Hébreuli 9:14

Yé séme a Christ, kè on ko̱ hi monè fènè hi Ouone tane bila gounfènakè ya, ka mboro Esprit kambèlè, ma baï féna laou‐tounafèn abaï bèl honta ya lé, baï yèngna pina ko̱ hou da baï ndingna bakara hi Ouone ko̱ yan lé?

2 Tim 1:3

Mè kaou koukoula hi Ouone, kè on ko̱ mème nding bakara hi nè jing laou‐tounafèn tang fofoto, mahana ko̱ tangko nili mi ti nding bakara hi nè jinguèl, baï ko̱ mème bi hang ni toulo̱ da sa jo̱jo̱ Ouone ka hangnachoung tèn séssé.

1 Thessalonicienli 2:10

Oui ba njou‐touna bong baïli da Ouone mi ndé tou bongkè kéng, ko̱ name jing tangna go̱ro̱ fofoto da séna ama ba guédék ka rongo, an none baï on ko̱ mi la bilaou.

1 Timothée 3:9

Kli pèng didissi baï a tounassaon jing laou‐tounafèn ko̱ mi na tang fofoto.

1 Timothée 1:19

Mo pèng tounassaon jing bèla laou‐tounafèn baï ko̱ njoukou hanali mi bo mbora kli tou, baï toul tounassaon, mahana ka kombone ko̱ mi bine an bil mbi.

Romainli 9:1

Mè sa babaï ka bila Christ, mè tane ga ba wo̱ko̱ ya. Laou‐tounafèn ni mi sa bongbaï jing mi ka bila Saint‐Esprit;

1 Corinthienli 10:32

Oui tane bou ba fèn bèna hi Juifli, maléba hi Grecli, maléba hi église a Ouone ya.