Pinali a Njou‐Mboro‐Pinali 22:14 - Féké Testament 1947

¹⁴ Da kème sa: Ouone a tangko nali mi wal mo bi baï kaouna mara fal toulè, da baï ko̱na Njou‐guédék, da la baï on ko̱ tèn ka njakè.

Pinali a Njou‐Mboro‐Pinali 22:14 ပူးပေါင်းရင်းမြစ်များ

Galateli 1:12

baï ko̱ mème tane ga ya on an ndo̱ka njoukouli ya, maléba njoukouna mbéo mi tane ga to̱ko̱ on hi mi ya, da ba Jésus‐Christ fènè mi ko̱ wéré nonkè hi mi.

1 Corinthienli 15:8

Da afal on bon, kème ndé tèn an noni kéng, mahana ka tèna goune.

1 Corinthienli 9:1

Mè tane ti ba goune gangna ya lé? Mè tane ti ba njou‐mboro‐pina ya lé? Mè tane ko̱ Jésus, Nanjou na jinguèl ya lé? Oui tane ti ba pina ni ka bila Nanjou ya lé?

Pinali a Njou‐Mboro‐Pinali 26:16

Da mo ourou siya ka o toul bo̱ko̱; baï ko̱ mème tèn gui mono baï bina mo ba njou‐ndingna bakara da njou‐sana bongbaï toul fèn aïnli ko̱ mome ko̱ tou, da fènli on ko̱ yé mè ma kaïn tèn jing rou guè mono.

Pinali a Njou‐Mboro‐Pinali 9:15

Da Nanjou mi sa hi nè: Mo sé fèno, baï njoukou aïn ba mè mi ko̱ sane nè ba ami fèni, baï yana ling ni sé guè nona mèran pime pouli da nanjoukaouli, tèn goundi a Israël;

Titili Takarata a Jean ko̱ dé 2:1

Lélé goune nili, mè dé fèn aïnli bi takarata hi oui baï an ouime tane nding békéfèn ya. Da tokoré njoukouna mi nding békéfèn name jing Njou‐hiouna Baba baï toula an bèl monè, ko̱ ba Jésus‐Christ, kè ko̱ ba njou‐guédék.

Romainli 1:1

Paul, koï a Jésus‐Christ, ko̱ Ouone mi di nè ba njou‐mboro‐pina, da walè bi baï bèlabaï a Ouone,

Pinali a Njou‐Mboro‐Pinali 9:17

Da Ananias mi sé, da ri guè bil voulou, ka goukou ndo̱kè toula Saul, ka sa: Yine ni Saul, Nanjou Jésus, kè on ko̱ mi tèn nono an domboro on ko̱ mo nding baï guina, kème ko̱ pi mi baï an mome ko̱ guèl, ka mba ka Saint‐Esprit.

Pinali a Njou‐Mboro‐Pinali 7:52

Guème an woro prophèteli mi ko̱ tangko baïli tane ga sène nè ya lé? Kli i kli on ko̱ mi to̱ko̱ bongbaï toul guina Njou‐guédék, kè on ko̱ ouime gui njou jo̱lèli da njou‐ina nèli kassénaï.

1 Corinthienli 11:23

Baï fèn on ko̱ Nanjou fènè mi hi mi mème ndé do̱li hi oui kéng, mono Nanjou Jésus, ka hangnachoung on ko̱ Judas mi jo̱lè kème bi mapa,

Pinali a Njou‐Mboro‐Pinali 24:14

Da fèn on mè sa bi kala hi mo ko̱, ka Mborakè on ko̱ klime bi ling‐è ba tènrèn baï, mono mè hiou ba Ouone a tangko nili, ka la bilaou a fènli bon on ko̱ mi dé an bil guingna, da fènli bon on ko̱ mi dé an bil prophèteli,

Pinali a Njou‐Mboro‐Pinali 22:18

da mème ko̱ Nanjou ko̱ mi sa hi mi: Mo ourou siya gada, ka tèn kala koukoulion ka ourou an pou Jérusalem, baï kli ba jinabo̱ko̱ bongbaï no on ko̱ mome to̱ko̱ ka ling ni tane tiya.

Pinali a Njou‐Mboro‐Pinali 13:17

Ouone a njoukou aïnli an Israël mi sane tangko nali, da kème hi ling kli ti ko̱ klime bi an pou Égypte, da kème téne kli tèn kala ka bassana bassane nè.

Pinali a Njou‐Mboro‐Pinali 5:30

Ouone a tangko nali mi tome Jésus aïn ko̱ ouime bara nè bi di, da i nè.

Saint Jean 15:16

Tane ga ti ba ouime ko̱ nza mi ya; da ba mème ko̱ nza oui, da sane oui tèn kala tou, baï an ouime sé, ka lé lénakè, da léna abaï ma na bi, da fèna on ko̱ ouime oui jing Baba, ka ling ni, yé kè ma hi oui.

Tite 1:1

Paul, koï a Ouone, da njou‐mboro‐pina a Jésus‐Christ ka mboro tounassaon akli on ko̱ Ouone mi sane kli, baï an klime tou babaï on nguite ko̱ mi na ka mboro pèngna bong njaka Ouone,

2 Tim 1:1

Paul, njou‐mboro‐pina a Christ‐Jésus, baï kaouna mara fal toula Ouone, ka mboro bina gonjaka a yana on ko̱ mi na ka bila Christ‐Jésus,

Galateli 1:15

Da ko̱ on mi bi wélé toula Ouone, kème wal mi bi ka titilikè, ko̱ ma ni mi mboung mi, da kème di mi ka mboro ndingna mbo̱l amè,

2 Corinthienli 5:21

Kè on ko̱ mi tane ga tou békéfèn bo̱ko̱ mbéo ya Ouone mi nding nè tèn ba békéfèn baï toula, baï an name gui guédék a Ouone ka bilè.

1 Corinthienli 15:3

Baï ko̱ titili fènli bon ko̱ mème sa mboura hi oui, mème hi ba fèn on hi oui ko̱ mème ndé ya kéng, ko̱ Christ mi hou baï toul békéfèn nali, mahana ko̱ Takarata a Ouone mi sa;

1 Titili Takarata a Pierre ko̱ dé 2:22

Kè on ko̱ tane ga nding békéfèn bo̱ko̱ mbéo ya, Da kli tane ga jing rokonafèn an njakè ya.

Pinali a Njou‐Mboro‐Pinali 22:15

Baï ko̱ yé mo ma tèn ba njou‐sana bongbaï nè hi njoukouli bon toul fènli bon on ko̱ mome ko̱ da la tou.