Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Pinali a Njou‐Mboro‐Pinali 2:46 - Féké Testament 1947

46 Da klime gali gui guè bil temple name bon, ka pane laïnabi ka laou mabahana, ka haouna mapa an bil voul klili, klime son laka jing hana ka wala, tèn kaouna vo ka go̱ro̱ mbéo bo̱l,

အခန်းကိုကြည့်ပါ။ ကော်ပီ




Pinali a Njou‐Mboro‐Pinali 2:46
25 ပူးပေါင်းရင်းမြစ်များ  

Da name bon, an bil temple da an bil voul klili, kli laïbi to̱ko̱na fèn da sa mboura bèlabaï toula Jésus ko̱ kè fènè ba Christ.


Da kli pane laïnabi pèngna to̱ko̱nafèn a njou‐mboro‐pinali da kaou vo jing hana mbéo baï haouna mapa da hiouna Ouone.


Da ka titili name semaine, ko̱ name ndoï jing hana baï haouna mapa, Paul mi sa mboura on hi kli ko̱ mi na hang‐è baï ko̱ guèlapélé kème ji oura, da kème sa baï bongkè dita bo̱l tèn hangnachoung loukou.


Baï ko̱ jangnandaï na mini, laou‐tounafèn na mi ko̱ sa bongbaï ko̱ ka tangna go̱ro̱ fofoto da déléng a Ouone da tane ti jing chokna a naïn‐mone da jing ba ndingna mbo̱l a Ouone, name sé an koukoula aïn, da ta nyèta guèbambèl an none baï.


Da kème ya kli gui bil voulè, ka hi laka hi kli, ka jangndaï nyèta tèn voulè bon, baï ko̱ klime la bilaou a Ouone tou.


Oui njou‐bakarali, oui la baï akli on ko̱ ba nanjou abaïli ka mboro naïn‐mone jing fènli bon, oui nding baï nona kli ka ho̱kè ya, mahana ko̱ ma bi wélé toula njoukouli, da oui nding jing go̱ro̱ baï ka babaï, baï ko̱ oui mi ngou waou nona Nanjou.


maléba kè on ko̱ mi wara, dadaon an kème bi hang‐è ba toul warafèn amè; maléba kè on ko̱ mi hi fèn, dadaon an kème hi ka laou‐è; maléba kè on ko̱ mi obong fèn, dadaon an nonè mi sènta jing rou. Kè on ko̱ mi nding haïo, dadaon an kème nding ka wala.


Da kli kaou an bil temple guèbassoko ka jone Ouone.


Da mème ngou waou, baï ko̱ ka touya mahana ko̱ choï mi mong Ève jinguèl jing bounabong nè, mono on laou‐kèrafèn abaï mi bo ka mboro kaouna tangna fofoto jing Christ.


Da ko̱ klime la baï aïn, kli sé guè bil temple ka toulapélé da to̱ko̱fèn. Da zaworo sacrificateur mi gui jing njoukouli on ko̱ jing nè, da klime di njou‐walabaïli da tangchidoli a goundi Israël bon baï ndoïna, da klime pi sé guè voul‐jo̱bo̱ baï yana kli gui.


Da Pierre kira Jean mi hé sé guè jing hana baï séna bil temple, ka l’heure hiouna Ouone: ko̱ l’heure mi mane difala‐nèng.


Da baï mi gui mahana ka on, ko̱ kème kaou table jing kli, baï sona laka kè ya mapa; ka same, da kè haou mapa, ka hi kli.


Lampe a kli‐mone ba nono. Da mono on, tokoré nono mi ko̱ guèl bèlta, yé kli‐mono bon mi ndé mba ka takanafèn;


Oui njou‐bakarali, oui la baï akli on ko̱ ba nanjou baïli ka mboro naïn‐mone jing ngouna waou tèn to̱na mone, da oui nding jing laou baï ka babaï, mahana ka baï toula Christ,


Da oui hi toul ndo̱ko̱ toul fèn on ko̱ mana an bil baï, da mono fènli bon tang ta jing oui.


Kopo samnafèn on ko̱ name same, on ba vona jing go̱ro̱ mbéo ka séme a Christ ya lé? Mapa on ko̱ name haou, on ba vona jing go̱ro̱ mbéo ka kli‐mona Christ ya lé?


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ