Pinali a Njou‐Mboro‐Pinali 2:40 - Féké Testament 1947

⁴⁰ Da kème sa bongbaï toul baïnjaka nyèta, da kème wara kli, ka sa: Oui yèng an Ouone mi kou oui an wora mèran njoukou aïnli ko̱ mi sé maï maï.

Pinali a Njou‐Mboro‐Pinali 2:40 ပူးပေါင်းရင်းမြစ်များ

Philippienli 2:15

Mono on, an ouime ma baï kaouna ka rongo ka nding pan bil, ko̱ ba goundi a Ouone guédék, an wora mèrèn njoukouli ko̱ mi sé maï maï, da laou kli mi na bang, da oui cha an wora kli an koukoula aïn mahana ka mèssè,

1 Timothée 4:16

Mo pèng mono fèno, tèn to̱ko̱nafèn no, ka laïbi jing fèn aïnli, ko̱ jing pina on, yé mo ma kou mono fèno tèn kli on ko̱ mi la baï no.

Éphésienli 4:17

Mono fèn on ko̱ mème sa, da mème sa bongbaï ka bila Nanjou an ouime tane sé mahana ka gentili ba aféké ya, ko̱ klime sé jing béké kèrafèn bo̱on an laou kli.

2 Corinthienli 6:17

Mono baï on, Oui tèn kala an woro kli, Ka kaou ka toul, Nanjou mi ko̱ sa; Oui tane hèdi fèn dakame hana mbéo ya, Da yé mè ma ya oui,

Saint Matthieu 17:17

Da Jésus mi féré sa, ka sa: O! mèran njoukou aïnli ko̱ kaou ka ba ndouri, da sé maï maï, yé mè kaou jing oui bongkè di ane dé? da yé mè panran oui bo̱ko̱ ro̱ko̱ ane dé? Mo ya nè gui moni.

Saint Matthieu 16:4

Béké mèran njou‐maïnli mi nza ba fèn to̱ko̱nakè, da hina fèn to̱ko̱nakè hana mbéo hi kli tane tiya, wara fèn to̱ko̱nakè a Jonas ya. Da kème yèng kli ka ourou.

Galateli 5:3

Ka babaï mè sa ba aféké toula njoukouli on bon ko̱ mi i gassa, dadaon baï kli baï bouna fal guingna bon.

Pinali a Njou‐Mboro‐Pinali 28:23

Da ko̱ klime kèn namkè hi nè tou, kli gui nyèta guè monè an bil voulè. Da kème to̱ko̱ saon baï on hi kli, ka sa bongbaï toul bilkaou a Ouone, ka wara kli an toul baï a Jésus ko̱ mi dé an bil guingna Moïse da mi dé an bil prophèteli tinassaonkè ka toula pélé bo̱l tèn bèlaléou.

Saint Matthieu 23:33

Oui choïli, oui mèran a béké choïli; yé oui ngou barabaï a guèl hèlè mahana ka fèn lé?

1 Titili Takarata a Pierre ko̱ dé 5:12

Mè pi goune takarata aïn ndo̱ka Silvain, kè on an noni ba yine na lodok. Mè wara oui, ka sa bongbaï ko̱ on ba gba ndingna mbo̱l a Ouone; oui laïbi ona jing rou.

1 Thessalonicienli 2:11

Oui ndé toutou fèn ko̱ name nding jing oui mane mbéo mbéo bon, mahana ko̱ baba mi nding jing dodok goune nèli fènè.

2 Corinthienli 5:20

Mono on, na ba njou‐mboro pinali a Christ, mabahana ko̱ Ouone mi wara oui jing njaka na, name sa jo̱jo̱ baï ka bil ling a Christ: Oui ko̱ ndo̱ko̱ baï fal hana jing Ouone.

Pinali a Njou‐Mboro‐Pinali 20:24

Da mè tane ga ko̱ yana ni mahana ka bèlafèn an noni ya, baï ko̱ yé mè ma baï tèna sèkèrè mboro ni, jing ndingna bakara on ko̱ Nanjou Jésus mi hi mi, baï sana bongbaï toul bèlabaï ndingna mbo̱l a Ouone.

Saint Luc 21:36

Da oui zèng guèbassoko ka sa jo̱jo̱ Ouone baï jingna njèran ka pènrèn fèn aïnli bon ko̱ nding baï guina, da oui o an bo̱ko̱ nona Goune a njoukou.

Saint Marc 8:38

Baï ko̱ njoukouna ko̱ mi nding chonron baï touli da baï toul baïnjaka nili an wora mèrèn béké njou‐maïn aïnli, yé Goune a njoukou ma ndé nding chonron baï toulè kéng, ka name on ko̱ kème guè an bil jonafèn a Baba nè jing tangna fofoto angeli.

Pinali a Njou‐Mboro‐Pinali 20:21

Mè sa bongbaï hi Juifli da Grecli toul hèkèna békéfèn aklili hi Ouone da toul tounassaon an Nanjou na Jésus‐Christ.

Saint Jean 21:25

Da Jésus mi ndé nding fèn afékéli nyèta kéng; da tokoré mi dé bon bi takarata, mè kèrè ka touya guèl tane ga ti an koukoula aïn mane ya, baï takarata aïnli ko̱ klime dé.

Pinali a Njou‐Mboro‐Pinali 20:11

Da ko̱ Paul mi kaïn féré hé sé ba aféké, ka haou mapa da son, da sa mboura hi kli bo̱l tèn toulapélé da kème ourou.

Pinali a Njou‐Mboro‐Pinali 20:9

Da bala goune hana ko̱ ling‐è ba Eutychus, mi kaou njaka fenêtre, name mi ba nè ta. Da baï ko̱ Paul mi pane sana mboura bongkè dita, name mi ba nè maïya tou, da kème lé gui tiya an bil voulou on ko̱ mi kane hana mane doukè saï. Kli bi nè bi siya ba houlkè.

Pinali a Njou‐Mboro‐Pinali 20:2

Da ko̱ kème sèrè mane sél koukoula an ndourou bon, ka wara kli jing baïli nyèta, kè gui kan guèl Grèce.

Pinali a Njou‐Mboro‐Pinali 15:32

Da Jude kira Silas, baï ko̱ kli fèn kli ba prophèteli kéng, klime wara yindi jing baïnjakali nyèta, da mone kli mi pou kli.

Pinali a Njou‐Mboro‐Pinali 10:42

Da kème sa bi njaka na baï sana mboura bèlabaï hi njoukouli, da baï sana bongbaï ko̱ ba kè mini ko̱ Ouone mi badi ka walè bi ba Njou‐Walabaï an kli on ko̱ yan da an kli on ko̱ hou.

Saint Matthieu 12:34

Oui mèran béké choïli, ka mboro hane, ouime sa toul bèla fènli, ko̱ oui ba békékèli lé? baï ko̱ njaka njoukou mi sa baï toul fèn on ko̱ mi mba go̱rè.

Saint Luc 16:28

baï ko̱ yine nili makaou dioui yo̱, an kème wara kli, baï an kli kéng mi ko̱ gui guèl to̱ko̱nassé aïn ya.

Pinali a Njou‐Mboro‐Pinali 4:36

Da Joseph kè on ko̱ njou‐mboro‐pinali mi bi ling‐è ba Barnabas, ling on mi sa ba goune wara njoukou, Lévite ko̱ tèn an koua Chypre,