Pinali a Njou‐Mboro‐Pinali 2:39 - Féké Testament 1947

³⁹ Baï bina gonjaka on ba baï toul baï, tèn goune baïli, da baï an njoukouli bon on ko̱ mi kaou dita, yé njoukouli bon on kéng ko̱ Nanjou Ouone na ma di kli.

Pinali a Njou‐Mboro‐Pinali 2:39 ပူးပေါင်းရင်းမြစ်များ

Romainli 8:30

Da kli on ko̱ kème sane ka tang ambèl, kème ndé di kli kéng; da kli on ko̱ kème di, kème ndé nding kli gui guédék kéng; da kli on ko̱ kème nding kli gui guédék; kème ndé hi jonafèn hi kli kéng.

Éphésienli 4:4

Kli‐mone ba mbéo bo̱l, da Esprit mbéo bo̱l, mahana ko̱ mi ndé di oui jing oliya mbéo kéng ka baïnjaka on ko̱ kème di oui.

Pinali a Njou‐Mboro‐Pinali 15:8

Da Ouone ko̱ mi toutou go̱ra njoukouli bon, kème sa bongbaï hi kli, ko̱ kème ndé hi Saint‐Esprit hi kli mahana ko̱ kème ti hi na jinguèl,

1 Titili Takarata a Pierre ko̱ dé 5:10

Da Ouone a ndingna mbo̱l bon, kè on ko̱ mi di oui baï yana jonafèn kambèlè amè ka bila Christ, afal on ko̱ oui to̱ko̱ssé gounfènakè, yé kè fènè ma nding an ouime gui guédék, ka njèrèn oui, ka pou mone baï.

Apocalypse 19:9

Da kè sa hi mi: Mo dé bi takarata: Jangnandaï mi ba baï akli on, ko̱ mi di kli baï sona loukou laka bina waïn voulou a Goune badoua! Da kè sa hi mi: Fèn aïnli ba gba baïnjaka a Ouone.

2 Pierre 1:3

Ko̱ na ko̱ njèran a Ouone mi hi fènli bon hi na, on ko̱ hi yana da pèngna baïnjaka a Ouone ka mboro touna nè, kè on ko̱ di na jinguèl ka mboro dodok jonafèn da mbonatoul amè,

Hébreuli 9:15

Da baï on kè ba njou‐vonabaï baï to̱ko̱na féké bina gonjaka an none hana baï njoukou mbéo mi hou, baï chona séla guingnali on ko̱ klime nding an bo̱ko̱ titili bina gonjaka an none hana, mono on kli on ko̱ kème di kli mi ma baï jingna bina gonjaka a fèn yanapélé kambèlè.

Apocalypse 17:14

Yé kli on ma rou béré kira Goune badoua, da Goune badoua ma gnèrèn kli baï njéna, baï ko̱ kè ba Nanjou a nanjouli, da Nanjoukaou a nanjoukaouli, da kli on ko̱ jing nè, kli on ko̱ Ouone di kli da sane kli, da lodok, yé kli gnèrèn baï njéna kéng.

2 Pierre 1:10

Mono baï on, yindi, oui nza go̱ro̱ baï nyèta baï touna dina a baï tane ka babaï, da baï touna mboro on ko̱ Ouone sane hi oui ka babaï; baï ko̱ tokoré ouime nding fèn aïnli oui ma bèn ya.

2 Tim 1:9

Kè on ko̱ mi kou na, da di na jing dina on ko̱ ba tangna fofoto ko̱ mi tane ti ba mboro pina na ya, da ka titilikè ka ba mboro dodok badinafèn nè, jing ndingna mbo̱l, ko̱ kème hi na ka bila Christ‐Jésus ka titilikè ambèl hi name mossona koukoula.

Éphésienli 1:18

mono on an none a go̱ro̱ baï mi bourou baï ko̱na guèl bèlta, baï an ouime tou fèn on ko̱ ba fèn oliya baï ko̱ kème di oui, da an ouime tou fèn on ko̱ ba nguèra jonafèn an fèn yana pélé nè ka bila njou‐lana‐bilaouli,

Romainli 11:29

Baï ko̱ toul ndo̱ko̱li a Ouone da dina on ko̱ kème di njoukouli mi tane ma baï komonakè ya.

Hébreuli 3:1

Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.

1 Corinthienli 7:14

Baï wa on ko̱ mi tane ga la bilaou ya, an Ouone mi walè bi baï nè fènè, baï toula waïn nè, da waïn on ko̱ mi tane ga la bilaou ya Ouone mi walè bi baï nè fènè, baï toula wa nè; maléba tokoré mi tane ti on ya yé goune baïli ba dakame; da kassénaï kli ba tangna fofoto.

2 Thessalonicienli 1:11

Mono baï on, ko̱ name hiou Ouone kon toul baï kéng guèbassoko, baï an Ouone na mi ko̱ oui mabong dina on ko̱ kème di oui, da kème boufal bèla fèn ndingna nèli bon ko̱ mi na hang‐è bèlta tèn pina tounassaon abaï jing njèran nè.

Romainli 9:24

Na mini, ko̱ kème ndé di na kéng tane ti ba an wora Juifli ka ho̱ko̱ kli ya, da ndé tèn an wora Gentili kéng.

Romainli 9:4

ko̱ ba njou‐Israëli, akli on ko̱ féré tèn ba dodok goundi da jing jonafèn, da bina gonjaka an none hana, da koungna guingna, da hiouna Ouone, tèn bina gonjakali,

Pinali a Njou‐Mboro‐Pinali 15:14

Yindi, oui la baï ni! Simon mi to̱ko̱ bongkè hi na ka mboro on ko̱ Ouone mi gui jinguèl guè ko̱na pime pouli baï sana njoukouli an woro kli baï toul ling‐è.

Pinali a Njou‐Mboro‐Pinali 15:3

Da mono église mi ba kli bi domboro da klime sé. Kli ta ka bil sél koukoula an guèl Phénicie da kan bil sél koukoula an guèl Samarie, ka to̱ko̱ bongbaï toula mèran gentili on ko̱ mi komo mboro kli, ka hi jangnandaï nyèta hi yindi bon.

Pinali a Njou‐Mboro‐Pinali 14:27

Da ko̱ klime kan soko tou, ka ndoï jing hana, kli to̱ko̱ bong fènli bon on ko̱ Ouone mi nding jing kli, da ko̱ kème bourou mboro tounassaon hi pime pouli tou.

Pinali a Njou‐Mboro‐Pinali 10:45

Da kli on ko̱ mi i gassa ko̱ la bilaou da ko̱ gui jing Pierre, laou kli mi sè siya, baï ko̱ mi ndé mèn toul ndo̱ka Saint‐Esprit kon toula mèran gentili kéng.

Éphésienli 2:12

da ka name o̱kèo̱ oui kaou tane Christ, da ouime wal jing fènli an pou a Israël, da oui ba goni‐njou?-?kouli jing baï bina gonjaka an none hana, tane oliya da tane Ouone an mona njou‐koukoula aïn.