Pinali a Njou‐Mboro‐Pinali 2:38 - Féké Testament 1947

³⁸ Da Pierre mi sa hi kli: Oui hèkè békéfèn abaï, da oui mbéo mbéo bon mi ya baptême ka bil ling a Jésus‐Christ baï jingna yèngna bi mboro békéfèn abaïli; da yé oui ma ya toul ndo̱ko̱ Saint‐Esprit.

Pinali a Njou‐Mboro‐Pinali 2:38 ပူးပေါင်းရင်းမြစ်များ

Pinali a Njou‐Mboro‐Pinali 22:16

Da kassénaï baïfèn da mome kaou zada lé? Mo ourou siya, ka ya baptême, da tourou békéfèn noli guèfal ka mboro dina ling a Nanjou.

Saint Marc 16:16

Kè ko̱ mi la bilaou da ya baptëme ma kou, da kè ko̱ tane la bilaou ya, barabaï ma lé toulè.

Pinali a Njou‐Mboro‐Pinali 8:12

Da ko̱ klime la bilaou baï a Philippe ko̱ kème sa mboura bèlabaï toul bilkaou a Ouone ka ling a Jésus‐Christ, wonron njoukouli tèn waïnli mi ya baptême.

Saint Luc 24:47

Da kli ma tissaon an pou Jérusalem baï sana mboura hèkèna da kona békéfèn pa ka bi ling‐è, hi pime pouli bon.

1 Titili Takarata a Pierre ko̱ dé 3:21

Gba mèrèn mbi on mi kou oui kassénaï on kéng, on mi sa ba yana baptême, ko̱ tane ti ba toura dakame an naïn‐mone ya, da ba sana bongbaï a bèla laou tounafèn an nona Ouone, ka mboro tomnahoul a Jésus‐Christ, an woro houli,

Pinali a Njou‐Mboro‐Pinali 10:48

Da kème sa bi njaka kli baï yana baptême ka bil ling a Nanjou. Da mono klime sa jo̱jo̱ nè an kème kaou jing kli ma name hanali.

Pinali a Njou‐Mboro‐Pinali 3:19

Mono on, oui hèkè békéfèn abaï ka komo mboro baï, an Ouone mi taka békéfèn baïli bon guèfal, da ka name vona go̱ro̱ mi gui ka mona Nanjou gui mone baï,

Romainli 6:3

Maléba oui tane ga touya, na bon ko̱ mi ya baptême ka bila Christ‐Jésus ka ba mboro houlè mi ko̱ name ya baptême ya lé?

Saint Matthieu 4:17

Ka name o̱kèo̱ Jésus tissaon baï sana mboura, ka sa: Oui hèkè békéfèn abaï, baï ko̱ bilkaou a nonkala hèdi tou.

Saint Matthieu 3:2

Oui hèkè békéfèn abaï, baï ko̱ bilkaou a nonkala mi hèdi tou.

Pinali a Njou‐Mboro‐Pinali 17:30

Mono ka saka tounafèn ya, Ouone mi ko̱ on na bo̱on, da kassénaï kème sa hi njaka njoukouli manguèl bon baï hèkèna akli.

Pinali a Njou‐Mboro‐Pinali 20:21

Mè sa bongbaï hi Juifli da Grecli toul hèkèna békéfèn aklili hi Ouone da toul tounassaon an Nanjou na Jésus‐Christ.

Pinali a Njou‐Mboro‐Pinali 26:20

da mème ti to̱ko̱ bongbaï aïn hi njoukouli an pou Damas ti dambèl, da afal tèn njoukouli an pou Jérusalem kéng tèn bil sél koukoula an guèl Judée bon, da ndé tèn mèran pime pouli kéng, ba an klime hèkè békéfèn kli da ki go̱ro̱ kli guè mona Ouone, jing ndingna pina on ko̱ mi mapélékè hèkèna békéfènli.

Saint Matthieu 28:19

Da on, oui sé ka mosso njou‐séna bongli an bil pime pouli bon, ka nding baptême hi kli, ka bil ling a Baba da ka Goune tèn ka Saint‐Esprit,

Pinali a Njou‐Mboro‐Pinali 26:18

baï boura none kli an klime ma baï kina go̱ro̱ kli ka mboro yilime da ta gui takanafèn, da ka mboro bo̱ko̱ njèran Satan baï guèna mona Ouone, an klime ma baï jingna yèngna bi mboro békéfènli, da fèn yanapélé an wora kli on ko̱ Ouone mi wal bi baï nè fènè ka mboro tounassaon ni.

Tite 3:5

tane ga ti ka ba mboro ndingna pina guédék ko̱ na fèna mi nding ya, da ka ba mboro ko̱na haïo nè mi ko̱ kème kou na, ka mboro toura on ko̱ mi mboung na ba aféké, da baï féra na tèn fékékè ka mboro Saint‐Esprit,

Saint Marc 1:15

Da klime sa: Name mapélékè tou, da bilkaou a Ouone mi hèdi tou. Oui hèkè békéfèn baï, ka la bilaou bèlabaï.

Pinali a Njou‐Mboro‐Pinali 16:15

Da ko̱ kème ya baptême tèn njou‐voulèli, kème sa jo̱jo̱ na, ka sa: Tokoré ouime wal baï ni ba bèla lodok waïn a Nanjou, oui ri gui bil vouli da kaou ndourou. Da kème laïbi toula da name sé jing nè.

Pinali a Njou‐Mboro‐Pinali 8:20

Da Pierre mi sa hi nè: Mbo̱ri no ma ndé limna jing mo, baï ko̱ mome bi hang‐o̱ baï toul ndo̱ka Ouone ka ba mbo̱ri.

Pinali a Njou‐Mboro‐Pinali 5:31

Ouone mi bi ling‐è ti guè siya an mboro wonron ndo̱kè, baï tèna ba zaworo da Njou‐yana‐baï‐toul baï hina njou‐Israël baï hèkèna békéfèn, da baï jingna yèngna bi mboro békéfènli.

Saint Matthieu 3:6

Kè nding baptême hi kli an bil mbi Jourdain ko̱ klime hèkè békéfèn aklili bi kala.

Saint Luc 3:10

Da ro̱kè njoukouli mi oui nè, ka sa: Da on yé na nding ane dé?

Pinali a Njou‐Mboro‐Pinali 10:43

Prophèteli bon mi ndé sa bongbaï nè, baï ko̱ ka mboro ling‐è njoukouli mbéo mbéo bon on ko̱ mi la bilaou‐è, yé kli ma jing yèngna bi mboro békéfèn aklili.

Pinali a Njou‐Mboro‐Pinali 13:38

Mono on, dadaon an ouime tou on yindi, ka mbora njoukou on mi ko̱ sa mboura hi oui baï jingna yèngna bi mboro békéfènli.

Éphésienli 1:7

Da an bilè ko̱ name jing fèn chona na, ka mboro séme monè, da yèngna bi mboro békéfèn nali ma bong nguèra ndingna mbo̱l nè,