Pinali a Njou‐Mboro‐Pinali 2:24 - Féké Testament 1947

²⁴ Da Ouone mi tome nè, da sél sal houl guèfal tou, baï ko̱ houl mi tane njèrèn baï gnèran nè ya.

Pinali a Njou‐Mboro‐Pinali 2:24 ပူးပေါင်းရင်းမြစ်များ

1 Corinthienli 6:14

Da mahana ko̱ Ouone mi tome Nanjou yé kè ma ndé tome na kéng jing njèran nè.

1 Titili Takarata a Pierre ko̱ dé 1:21

ko̱ mbo̱l kè oui ba njou‐lana bilaouli a Ouone, ko̱ tome nè an wora houli, da hi jonafèn hi nè, an tounassaon abaï da oliya mi na bila Ouone.

Colossienli 2:12

baï ko̱ mi ndé goro oui jing nè ka mboro baptême, mono on ndé tome oui mabahana jing nè kéng, ka mboro tounassaon, jing njèran pina a Ouone ko̱ mi tome nè an wora houli.

Pinali a Njou‐Mboro‐Pinali 2:32

Jésus aïn ko̱ Ouone mi tome nè tou; da na bon ba njou‐sana bongbaï on.

Éphésienli 1:20

ko̱ kème nding ka bila Christ jinguèl da ko̱ kème tome nè an wora houli, da kème bi nè an mboro wonron ndo̱kè an guèli an nonkala,

Saint Jean 10:18

Njoukouna mbéo ma ya yana on, an ndo̱ko̱ ni ya, da mème ko̱ yèng yana on fèni: mè jing njèran baï yèngnakè; da mè jing njèran baï féra yanakè; bina baïnjaka on mi gui ka ba mona Baba ni.

2 Corinthienli 4:14

Baï ko̱ name toutou kè on ko̱ mi tome Nanjou Jésus jinguèl, yé kè ma ndé tome na kéng ka mbora Jésus, da kè ma ya na kira oui mbéo tèn an nonè.

Romainli 8:11

Da tokoré Esprit a kè on ko̱ mi tome Jésus an wora houli mi bi an bil baï, kè on ko̱ tome Jésus‐Christ an wora houli, yé kè ma ndé hi yana hi kli‐mone poumna abaï kéng, mbo̱l Esprit a kè on ko̱ mi bi an bil baï.

Romainli 6:4

Mono on, mi goro na jing nè, ka mboro baptême an bil houl, baï mahana ko̱ Christ mi tome an wora houli ka mboro jonafèn a Baba fènè, mono on na ma baï ndé séna ka féké mboro yana kéng.

Hébreuli 13:20

Da Ouone a go̱ro̱ iki, kè on ko̱ tome loukou njou‐ko̱ra badouali, ko̱ ba Nanjou na Jésus, an wora houli ka mboro séme a bina gonjaka an none hana kambèlè,

1 Thessalonicienli 1:10

Da baï vora Goune nè an nonkala, kè on ko̱ kème tome nè an wora houli, Jésus fènè, kè on ko̱ mi lé mbèla an hèrè on ko̱ mi nding baï guina.

Romainli 10:9

Baï ko̱ tokoré mome sa bi kala ka njako̱, ko̱ Jésus ba Nanjou, da tokoré mome la bilaou ka go̱ro̱ ko̱ Ouone mi tome nè an wora houli, yé mo ma kou.

Romainli 4:24

da ndé baï toula kéng, ko̱ yé Ouone ma kèn on kon toula, ko̱ la bilaou a kè on ko̱ tome Jésus, Nanjou na, an wora houli,

Pinali a Njou‐Mboro‐Pinali 17:31

Baï ko̱ kème badi name on ko̱ yé kè ma wal baï hi njou‐koukoulali, ka mboro ndingna guédék, jing njoukou on ko̱ kème walè bi, ka hi tounassaon hi njoukouli bon tou, ko̱ kème tome nè an wora houli.

Pinali a Njou‐Mboro‐Pinali 13:30

Da Ouone mi tome nè an wora houli.

Pinali a Njou‐Mboro‐Pinali 3:15

Da ouime i Zaworo a yana tou, kè on ko̱ Ouone mi tome nè an wora houli, da na ba njou‐sana bongbaï toul baï on.

Galateli 1:1

Paul, njou‐mboro‐pina, tane ti ba a njoukouli ya, maléba ka mbora njoukou ya, da ka ba mbora Jésus‐Christ, da Ouone Baba, kè on ko̱ mi tome nè an wora houli;

Pinali a Njou‐Mboro‐Pinali 3:26

Mono Ouone mi di njou‐bakara nè ka pi nè gui mone baï ti dambèl, baï samna oui, da féré komo go̱ra baï mbéo mbéo bon ka mboro békéfèn baïli.

1 Corinthienli 15:15

Da mi ta on, maïya name tèn ba njou‐sana bongbaï wo̱ko̱li jing baï a Ouone, baï ko̱ name sa bongbaï ba Ouone mi tome Christ tou, ko̱ kème tane ga tome nè ya, tokoré houli mi tome ka babaï ya.

Pinali a Njou‐Mboro‐Pinali 13:37

da kè on ko̱ Ouone mi tome nè, kè tane ga ko̱ poumna ya.

Pinali a Njou‐Mboro‐Pinali 4:10

dadaon an oui bon tou on tèn njoukouli a Israël bon, ko̱ ba ka bil ling a Jésus‐Christ an pou Nazareth, kè on ko̱ ouime bara nè bi di‐croix, da Ouone mi tome nè an wora houli, ka bil ling aïn mi ko̱ njoukou aïn o an none baï bèl ka monè.

Saint Jean 20:9

Da kli tane ga toutou ko̱ Takarata a Ouone mi sa ba Jésus ma tome an wora houli ya.

Apocalypse 1:18

da njou‐yana. Da mè hou jinguèl tou, da mo ko̱, mè yan kambèlè, da clélé a houl da guèl a houli mana ndo̱ko̱ ni.

1 Corinthienli 15:12

Mono tokoré name sa mboura a Christ ko̱ mi tome nè an wora houli, ka mboro hani da njoukou hanali an woro baï mi sa ba tomnahoukèli an wora houli mi tane tiya lé?

Romainli 14:9

Baï on ko̱ Christ mi hou ka tome jing yana, baï an kème ma baï tèna Nanjou a houli tèn akli on ko̱ mi yan.

Romainli 8:34

Guème ko̱ ma kon barabaï toul kli lé? Kè ba Christ ko̱ mi hou tou; da ta on mi tome nè an wora houli, da kème kaou an mboro wonron ndo̱ka Ouone, ka hiou nè kon toula.

Saint Jean 12:39

Mono, baï on kli tane ma baï lana bilaou ya, baï ko̱ Ésaïe mi sa an guèl aféké:

Hébreuli 2:14

Mahana ka on ko̱ goundi mi yan mbé naïn‐mone da séme, kè ndé yan mone mabahana kéng, baï ko̱ ka mboro houl, kè ma baï mougnoura kè on ko̱ jing njèran a houl, ko̱ mi sa ba zabolo.

Saint Matthieu 27:63

ka sa: Njoï, laou na pane toul baï on ko̱ njou‐mongna fèn on mi sa, ko̱ kème pane yana jing na: Afal name saï yé mè ma tome an houl.

Saint Jean 10:35

Da tokoré kème bi ling akli ba ouondi, kli on ko̱ baïnjaka Ouone mi gui mone kli jinguèl, da Takarata a Ouone mi tane ga ma baï mougnoura ya.

Pinali a Njou‐Mboro‐Pinali 1:16

Njoukouli yindi, yé tènrèn none Takarata a Ouone mi tèn kala ka babaï, baï on ko̱ Saint‐Esprit mi sa ka njaka David jinguèl toula Judas, kè ko̱ ba njou‐danambèl a njoukouli on ko̱ mi ba Jésus.

Pinali a Njou‐Mboro‐Pinali 5:30

Ouone a tangko nali mi tome Jésus aïn ko̱ ouime bara nè bi di, da i nè.

1 Corinthienli 15:4

da mi goro nè, da kème tome ka name an saïkè mahana ko̱ Takarata a Ouone mi sa;

1 Corinthienli 15:20

Da kassénaï Christ mi tome an wora houli tou, da kè ba titili lénakè akli on ko̱ mi hou.