Pinali a Njou‐Mboro‐Pinali 2:22 - Féké Testament 1947

²² Oui njoïli an Israël, oui la baïnjaka aïnli! Jésus an pou Nazareth, njoukou aïn ko̱ gui ka Ouone ko̱ kème to̱ko̱ nè bi kala an none baï, ka mboro njèran pinali da fèn sakamli tèn fèn to̱ko̱nakèli on ko̱ Ouone mi nding ka mboro nè an woro baï mahana ka on ko̱ oui fèn baï mi ndé toutou kéng.

Pinali a Njou‐Mboro‐Pinali 2:22 ပူးပေါင်းရင်းမြစ်များ

Saint Jean 3:2

Kè gui mona Jésus ka hangnachoung, ka sa hi nè: Rabbi, na toutou ko̱ mo ba njou‐to̱ko̱nafèn on ko̱ gui ka mona Ouone; baï ko̱ njoukouna tane ma baï ndingna fèn‐to̱ko̱nakè aïnli mahana ko̱ mome nding ya, wara ko̱ Ouone mi tane ti jing nè ya.

Pinali a Njou‐Mboro‐Pinali 4:10

dadaon an oui bon tou on tèn njoukouli a Israël bon, ko̱ ba ka bil ling a Jésus‐Christ an pou Nazareth, kè on ko̱ ouime bara nè bi di‐croix, da Ouone mi tome nè an wora houli, ka bil ling aïn mi ko̱ njoukou aïn o an none baï bèl ka monè.

Saint Luc 11:20

Da tokoré mème ni zabololi tèn kala ka ba njangnaran ndo̱ka Ouone, da on mi ko̱ bilkaou a Ouone gui mone baï tou.

Saint Matthieu 12:28

Da tokoré mème ni zabololi tèn kala ka ba Esprit a Ouone, da on mi ko̱ bilkaou a Ouone gui mone baï tou.

Saint Matthieu 9:8

Da ko̱ njoukouli nyèta mi ko̱ fèn on, waou i kli, da kli jone Ouone baï ko̱ kème hi njèran on hi njoukouli.

Hébreuli 2:4

Ouone mi ndé to̱ko̱ jing kli kéng, ka mboro fèn to̱ko̱nakèli da fèn sakamli, da njèran pinali toutoul, toutoul, da ka mboro toul ndo̱ka Saint‐Esprit, ko̱ kè wal hi kli ko̱ kaou mara fal toulè.

2 Corinthienli 12:12

Ka babaï léna fènli bon baï to̱ko̱na njou‐mboro‐pina mi wéré nonkè bi kala an woro baï jinguèl jing laïnabi ka mboro fèn to̱ko̱nakèli, da ka mboro fèn sakamli tèn ka mboro njèran pinali.

Pinali a Njou‐Mboro‐Pinali 26:26

Baï nanjoukaou mi toutou baï aïnli bèlta, ko̱ mème sa baï hi nè ndo̱t tane waou, da mè toutou ko̱ baï hana mbéo mi tane ga bo̱l an nonè ya, baï ko̱ fèn aïn mi tane nding an guèl mounafèn ya.

Pinali a Njou‐Mboro‐Pinali 26:9

Ka babaï, mè ndé bi hang ni jinguèl kéng fèni baï ndingna fènli nyèta ka pong ling a Jésus an pou Nazareth.

Pinali a Njou‐Mboro‐Pinali 24:5

Baï ko̱ name ko̱ko̱ njoukou aïn ba njou‐nzana baï, da kè ba njoukou on ko̱ mi ki go̱ra njoukouli, baï wala hana an wora Juifli bon manguèl bon, kè ba zaworo tènrèn baï a njou‐Nazaréenli.

Pinali a Njou‐Mboro‐Pinali 22:8

Da mème féré sa: Mo ba guè lé, Nanjou? Da kème sa hi mi: Mè ba Jésus an pou Nazareth, ko̱ mome sène mi.

Pinali a Njou‐Mboro‐Pinali 21:28

Kli wan njaka guè siya: Njoïli an pou Israël, oui gui lé mbèla, kè ba njoukou on mini ko̱ mi to̱ko̱ fèn hi njoukouli manguèl bon baï pongna njoukouli, da baï pongna guingna, da tangna fofoto guèl aïn, da ko̱ kème yé tana an fal aïn kème ndé ya Grecli gui bil temple aïn kéng, baï poukouna tangna fofoto guèl aïn.

Pinali a Njou‐Mboro‐Pinali 14:27

Da ko̱ klime kan soko tou, ka ndoï jing hana, kli to̱ko̱ bong fènli bon on ko̱ Ouone mi nding jing kli, da ko̱ kème bourou mboro tounassaon hi pime pouli tou.

Pinali a Njou‐Mboro‐Pinali 13:16

Da Paul mi ourou siya, ka to̱ko̱ ndo̱kè, ka sa: Njoukouli a Israël, da oui on ko̱ mi waou nona Ouone, oui la!

Pinali a Njou‐Mboro‐Pinali 6:14

baï ko̱ na la ko̱ kème sa ba, yé Jésus on an pou Nazareth ma bèngnèrèn guèl aïn, da yé kè ma komo dofèn aïn ko̱ Moïse mi hi na.

Pinali a Njou‐Mboro‐Pinali 5:35

Da kème sa hi kli: Oui njoïli a Israëli, oui pèng mone baï jing fèn aïn ko̱ ouime guè ndingnakè jing njoukou aïnli.

Pinali a Njou‐Mboro‐Pinali 3:12

Da ko̱ Pierre mi ko̱ on, kè sa hi njoukouli on: Oui njoïli a Israël, baïfèn da laou baï mi sé siya baï fèn aïn lé? Maléba baïfèn da ouime ènrèn na mbilili on lé, yé ba ko̱ ka njèran na fèna, maléba ka tangna go̱ro̱ na, da na nding njoukou aïn mi sé siya on lé?

Saint Jean 19:19

Da Pilate mi dé fèn, da mbo̱lo̱ bi di‐croix, ko̱ mi sa on ba: JESUS AN POU NAZARETH NANJOUKAOU A JUIFLI.

Saint Jean 15:24

Da tokoré mème tane ga nding pina an woro kli on ko̱ njoukou aféké mi tane ga nding ya, békéfèn kli mi tane ga ti toul kli ya; da kassénaï kli ko̱ tou, da jèk mi jing Baba ni.

Saint Jean 12:17

Da mono, njoukouli on ko̱ mi kaou jing nè ko̱ kème di Lazare an bil pal, da tome nè an wora houli, klime sa bongbaï toul fèn on.

Saint Jean 11:47

Mono, loukou sacrificateurli da pharisienli mi ndoï njou‐wala baïli, da sa: Yé name nding ba fèn lé? Baï ko̱ njoukou aïn mi nding fèn‐to̱ko̱nakèli nyèta.

Saint Jean 10:37

Da tokoré mème nding pina Baba ni ya, oui ba lana bilaou ni ya.

Saint Jean 9:33

Da tokoré njoukou aïn mi tane ga gui ka ba mona Ouone ya, kè tane ma baï ndingna fèna mbéo ya.

Saint Jean 7:31

Da njoukou hanali nyèta an wora ro̱kè njoukouli on mi la bilaou‐è, da kli sa: Ko̱ Christ mi gui, kè ma nding fèn‐to̱ko̱nakèli ta aïnli ko̱ njoukou aïn mi nding lé?

Saint Jean 6:27

Oui tane nding pina ba baï laka on ko̱ mi poume ya, da oui nding pina ba baï laka on ko̱ mi na kan yana kambèlè, laka on ko̱ Goune a njoukou ma hi oui; baï ko̱ Baba Ouone mi baka nè bi jing fèn mbo̱la amè.

Saint Jean 6:14

Mono, afal ko̱ njoukou aïnli mi ko̱ fèn‐to̱ko̱nakè on ko̱ Jésus mi nding, kli sa: Ka babaï, kè ba prophète on ko̱ mi gui mona njou‐koukoulali.

Saint Jean 5:36

Da mè jing sana bongbaï ta a Jean; baï ko̱ pina on ko̱ Baba fènè mi hi mi baï ndingnakè o̱da, pina on ho̱kè ko̱ mè nding mi sa bongbaï ni, ko̱ ba Baba ko̱ mi pi mi.

Saint Jean 4:48

Jésus sa hi nè: Tokoré ouime ko̱ fèn‐to̱ko̱nakeli maléba fèn sakamli ya, oui ba lana bilaou tane tiya.

Saint Jean 1:45

Philippe mi sé da nza Nathanaël, ka sa hi nè: Na ko̱ nè tou, kè on ko̱ Moïse mi dé baï toulè an bil takarata guingna, da prophèteli mi ndé de takarata on kéng, Jésus an pou Nazareth, goune a Joseph.

Saint Luc 24:18

Da hana mbéo ko̱ ling‐è ba Cléopas mi féré sa, ka sa hi nè: Mo ho̱ko̱ on ko̱ mi bi an pou Jérusalem, da mo tane ga tou fèn on ko̱ mi tèn ka name aïnli ya lé?

Saint Matthieu 2:23

da kè gui ka kaou pou aïn ko̱ klime bi lingkè ba Nazareth, an tènrèn none baï ko̱ mi sa ka njaka prophèteli mi tèn kala ka babaï: Kli ma bi ling‐è ba njou‐Nazaréen.

Pinali a Njou‐Mboro‐Pinali 2:19

Da mè ma nding fèn sakamli guè siya an nonkala, da fèn to̱ko̱nakèli guè siya an koukouli, Ka séme, da hèlè, da douna soussoukou;

Pinali a Njou‐Mboro‐Pinali 2:43

Da waou mi ba kli mane mbéo mbéo bon, da njou‐mboro‐pinali mi nding fèn sakamli tèn fèn to̱ko̱nakèli nyèta.

Pinali a Njou‐Mboro‐Pinali 3:6

Da mono Pierre mi sa hi nè: Mè tane ga ti jing l’argent da l’or an ndo̱ko̱ ni ya; da fèn on ko̱ na ndo̱ko̱ ni, yé mè hi mo: ka bil ling a Jésus‐Christ an pou Nazareth, mo ourou siya ka sé.

Saint Luc 18:37

Da kli sa hi nè: Jésus a Nazareth mi ta.