Pinali a Njou‐Mboro‐Pinali 18:3 - Féké Testament 1947

³ da baï ko̱ kème nding mbé pina mahana ka kli, kème kaou jing kli, da klime nding, baï ko̱ kli ba njou‐mossona tenteli.

Pinali a Njou‐Mboro‐Pinali 18:3 ပူးပေါင်းရင်းမြစ်များ

1 Thessalonicienli 2:9

Baï ko̱ oui tane ga yangnaran ya yindi, ndingna pina na tèn houna mbi an mona, name nding ka hangnachoung tèn séssé, an name tane son fèna abaï ya, ko̱ name sa mboura bèlabaï a Ouone hi oui jinguèl tou.

1 Corinthienli 4:12

Da name nding pina jing ba dodok ndo̱ko̱ na fèna; ko̱ njoukou mi poukou na, name same nè, ko̱ klime to̱ko̱ssé hi na, da name bou toula rou, ko̱ klime kèkè na, name sa jo̱jo̱ kli.

2 Corinthienli 11:9

da ko̱ mème kaou jing oui ko̱ fènli mi nak mi, njoukouna tane ga ko̱ mi fourou monè ya; baï ko̱ yindi on ko̱ klime ourou ka guèl Macédoine da gui moni, klime hi fènli bon on ko̱ mi nak mi hi mi. Da mème pèng moni jing fènli bon an mone baï mi tane fourou oui jing mi ya, da mè ma pèng moni jing rou.

2 Corinthienli 12:13

Baï ko̱ gara égliseli mi ta toul baï jing ba fèn, tokoré mi tane ti ba mè fèni ko̱ mi fourou mone baï ya lé? Oui yèng bi mboro pènran ndo̱ko̱ ni on.

2 Corinthienli 11:7

Maléba mème nding békéfèn jinguèl ko̱ mème bou moni guè koukoula baï an ling baï mi ti, da mème sa mboura bèlabaï a Ouone hi oui bo̱on lé?

1 Corinthienli 9:14

Mono ndé mahana on kéng Nanjou mi badi hi kli on ko̱ mi sa mboura bèlabaï, baï an klime jing fèn akli ka ba mboro bèlabaï.

1 Corinthienli 9:15

Da mème tane ga nding fèna mbéo mahana ka on ya, da mème tane ga dé fèn on bi takarata baï an klime nding hi mi mahana ka on ya, baï ko̱ dadaon baï an mème hou ti dambèl da, da njoukouna mi moungnourou jangnandaï ni bi bo̱on.

1 Corinthienli 9:18

Mahana ka on, toul ndo̱ko̱ ni ba fèn lé? Baï ko̱ tokoré mème sa mboura bèlabaï, mè ma sa bo̱on tane yana fèn, baï an mème tane nding fènli on bon ko̱ ma, an mème nding ya, mahana ka njou‐to̱ko̱na bèlabaï.

1 Thessalonicienli 4:11

Oui joung hang baï ka kaou jang, ka nding dodok pina baï fèn baï, da nding pina ka ndo̱ko̱ baï mahana ko̱ name sa hi oui jinguèl tou.