Pinali a Njou‐Mboro‐Pinali 17:23 - Féké Testament 1947

²³ Baï ko̱ mème sèrè, mè ko̱ fènli on ko̱ ouime hiou, mè ko̱ an bèl autel hana on ko̱ mi sa: On ba a ouone hana ko̱ name tane ga tou nè ya. Mono fèn on ko̱ ouime hiou da tane ga tou ya, mè ma to̱ko̱ fèn on hi oui.

Pinali a Njou‐Mboro‐Pinali 17:23 ပူးပေါင်းရင်းမြစ်များ

Saint Jean 4:22

Oui tane tou fèn on ko̱ ouime hiou ya; da na toutou fèn on ko̱ name hiou, baï ko̱ yana baï toul mi gui ka ba mona Juifli.

Saint Jean 17:3

Da yana kambèlè on mono ba, an klime toutou mo, ko̱ mo ba gba Ouone mbéo bo̱l, da mi toutou kè on ko̱ mome pi tou, ko̱ ba Jésus‐Christ.

Saint Jean 17:25

O! Baba ko̱ ba guédék! njou‐koukoulali mi tane ga tou mo ya, da ami, mè toutou mo, da kli on mi toutou ba mome ko̱ pi mi tou.

1 Corinthienli 1:21

Baï ko̱ jing cho̱kna a Ouone koukoula aïn ka mboro cho̱kna amè, mi tane ga tou Ouone ya. Da Ouone ko̱ on bèl monè ta baï kouna kli on, ko̱ mi la bilaou ka mboro fèn ngawa on ka ba sana mboura hi kli.

Romainli 1:28

Da mahana ka on ko̱ klime tane ga ji baï touna Ouone ya, Ouone mi yèng kli bi laou‐kèrafèn on ko̱ mi tane mabongkè ya, baï ndingna fènli on ko̱ ba chonron.

Pinali a Njou‐Mboro‐Pinali 17:30

Mono ka saka tounafèn ya, Ouone mi ko̱ on na bo̱on, da kassénaï kème sa hi njaka njoukouli manguèl bon baï hèkèna akli.

Titili Takarata a Jean ko̱ dé 5:20

Da na toutou Goune a Ouone mi gui, ka hi cho̱kna hi na tou baï an name tou kè on ko̱ ba gba kè; da name kaou an bila kè on ko̱ ba gba‐kè tèn an bila Goune nè Jésus‐Christ. Kème ko̱ ba gba Ouone, da yana kambèlè.

1 Timothée 1:17

Da an nanjoukaou a saka kambèlè, kè on ko̱ ba poumna tane tiya da ko̱ none mi ko̱ ya, ko̱ ba Ouone mbéo bo̱l, ko̱ ba baï dikna da jonafèn hi nè kambèlè go kambèlè! Amen!

2 Thessalonicienli 2:4

kè on ko̱ joung monè fènè ka pong fènli on bon ko̱ mi bi lingkè ba Ouone, maléba fèn on ko̱ njoukou mi bou falkè, mono on, kème kaou bil temple a Ouone da sa kè fènè ba Ouone.

Éphésienli 2:12

da ka name o̱kèo̱ oui kaou tane Christ, da ouime wal jing fènli an pou a Israël, da oui ba goni‐njou?-?kouli jing baï bina gonjaka an none hana, tane oliya da tane Ouone an mona njou‐koukoula aïn.

1 Corinthienli 8:5

Baï tongna fènli on ko̱ mi di ling kli ba ouondi, tokoré klime yé an nonkala maléba an koukoula, mahana ko̱ ba ouondi mi nyè maïya on tèn nanjouli maïya,

Saint Jean 8:54

Jésus mi féré sa hi kli: Tokoré mème nza ba baï jona moni fèni, jonafèn ni mi na bo̱on. Kè ba Baba ni ko̱ hi jonafèn hi mi; kè on ko̱ ouime sa, kè ba Ouone baï,

Saint Matthieu 15:9

Da klime hiou mi bo̱on, Ka to̱ko̱ to̱ko̱nafèn akli ka ba bina baïnjaka a njoukouli.