Pinali a Njou‐Mboro‐Pinali 15:4 - Féké Testament 1947

⁴ Da ko̱ klime kan pou Jérusalem tou, église da njou‐mboro pinali tèn tangchidoli mi pame kli, da klime to̱ko̱ bong fènli bon on ko̱ Ouone mi nding jing kli.

Pinali a Njou‐Mboro‐Pinali 15:4 ပူးပေါင်းရင်းမြစ်များ

Pinali a Njou‐Mboro‐Pinali 15:12

Da ro̱kè njoukouli on mi kaou yime da la baï a Barnabas da Paul ko̱ klime to̱ko̱ bong fèn to̱ko̱nakèli tèn fèn sakamli on ko̱ Ouone mi nding an wora mèran gentili ka mboro kli.

Pinali a Njou‐Mboro‐Pinali 14:27

Da ko̱ klime kan soko tou, ka ndoï jing hana, kli to̱ko̱ bong fènli bon on ko̱ Ouone mi nding jing kli, da ko̱ kème bourou mboro tounassaon hi pime pouli tou.

Pinali a Njou‐Mboro‐Pinali 15:3

Da mono église mi ba kli bi domboro da klime sé. Kli ta ka bil sél koukoula an guèl Phénicie da kan bil sél koukoula an guèl Samarie, ka to̱ko̱ bongbaï toula mèran gentili on ko̱ mi komo mboro kli, ka hi jangnandaï nyèta hi yindi bon.

Romainli 15:18

Baï ko̱ mè ma sana baï toul fèna aféké tane tiya bo̱l ba fèn on ko̱ Christ mi nding baï ni, baï miran gentili baï lana baï ka mboro baïnjaka, da ka mboro ndingna fèn.

Pinali a Njou‐Mboro‐Pinali 21:17

Da ko̱ name kan pou Jérusalem tou, yindi mi pame na ka wala.

2 Jean 1:10

Tokoré njoukouna mi gui mone baï da to̱ko̱ to̱ko̱nafèn aïn ya, oui ya nè an voul baï ya, da name nè ya,

Colossienli 4:10

Aristarque, njou‐ndo̱ko̱ba jo̱bo̱ ni, mi name oui tèn Marc, yine a Barnabas, kè on ko̱ mème sa bi njaka baï baï toulè jinguèl, tokoré kème guè mone baï oui pame nè,

2 Corinthienli 6:1

Baï ko̱ na ba njou‐ndo̱ko̱ba bakarali jing nè, name ndé sa jo̱jo̱ baï kéng baï an ouime tane ya ndingna mbo̱l a Ouone bo̱on ya.

2 Corinthienli 5:19

On ko̱ mi sa ba, Ouone an bila Christ, ko̱ mi nding njou‐koukoula aïn baï ko̱na ndo̱ko̱ fal hana jing nè, ka tane ga kèn séla guingna akli kon toul kli ya, da kème hi baïnjaka ko̱na ndo̱ko̱ fal hana hi na.

1 Corinthienli 15:10

Da mbo̱l ndingna mbo̱l a Ouone, mè makaou yé ba on ko̱ mè makaï, da jing ndingna‐mbo̱l nè on ko̱ kème hi mi, mi tane ga na bo̱on ya, da mème nding pina ta toul kli bon, da mi tane ti ba mè ya, da ba mbo̱l ndingna mbo̱l a Ouone ko̱ mi na jing mi.

Romainli 15:7

Mono baï on oui pame hana, mahana ko̱ Christ mi ndé pame oui kéng, baï jonafèn a Ouone.

Pinali a Njou‐Mboro‐Pinali 21:19

Da ko̱ kème name kli bon tou, kè to̱ko̱ bong fènli mane mbéo mbéo bon ko̱ Ouone mi nding an wora mèran gentili ka mboro ndingna bakara nè.

Pinali a Njou‐Mboro‐Pinali 18:27

Da ko̱ kème ji baï do̱liya sé guè pou Achaïe, yindi mi ji bo̱ko̱kè an kème sé, da klime dé takarata hi njou‐séna bongli baï pamna nè bèlta. Da ko̱ kème kan soko tou, kème lé mbèl kli on nyèta ko̱ mi la bilaou ka mboro ndingna mbo̱l a Ouone.

Saint Matthieu 10:40

Kè on ko̱ ya oui, kè ya mi, da kè on ko̱ ya mi, kè ya kè on ko̱ pi mi.

Pinali a Njou‐Mboro‐Pinali 11:30

Da klime nding on da pi hi tangchidoli, da klime hi bi ndo̱ka Barnabas da Paul.

Pinali a Njou‐Mboro‐Pinali 15:2

Da ko̱ Paul kira Barnabas mi fa baï ka njaka nyèta jing kli, yindi mi di Paul jing Barnabas tèn njoukou hanali an woro kli, baï héna sé guè pou Jérusalem baï ouina njou‐mboro‐pinali da tangchidoli toul njakana on.

Pinali a Njou‐Mboro‐Pinali 15:6

Da njou‐mboro‐pinali da tangchidoli mi ndoï jing hana baï foula fal baï aïn.

Pinali a Njou‐Mboro‐Pinali 15:22

Da on, njou‐mboro pinali da tangchidoli mi ko̱ bèl mone kli ta tèn njoukouli bon an bil église, an klime sane njoukounali an woro kli ka pi kli sé guè pou Antioche jing Paul kira Barnabas, klime di Jude ko̱ ling‐è ba Barsabas, da Silas, pongna njoukouli an wora yindi.

Pinali a Njou‐Mboro‐Pinali 16:4

Da ko̱ klime ta mane bil pouli bon, klime sa bi njaka kli baï bouna fal baï on ko̱ njou‐mboro‐pinali da tangchidoli ko̱ mi kaou an pou Jérusalem mi wal baï hi kli.