Pinali a Njou‐Mboro‐Pinali 13:23 - Féké Testament 1947

²³ Da an mèran David on Ouone mi bi gonjakè baï hina Njou‐yana‐baï‐toul hana hi Israël ko̱ ba Jésus.

Pinali a Njou‐Mboro‐Pinali 13:23 ပူးပေါင်းရင်းမြစ်များ

Saint Matthieu 1:1

Takarata a sarang a tangko a Jésus-Christ, Goune a David, goune a Abraham.

Apocalypse 22:16

Mè Jésus, mè pi ange ni baï sana bongbaï fèn aïnli, baï a égliseli. Mè ba saon da mèran David, mèssè ko̱ cha ka toulapélé.

Jude 1:25

an Ouone mbéo bo̱l njou‐yana‐baï‐toul ama, ka mbora Jésus‐Christ Nanjou na, jonafèn mi guè monè, da gangna njaka bara tèn njèran, da jinguèl ka titilikè bon da kassénaï da kambèlè! Amen!

Pinali a Njou‐Mboro‐Pinali 13:32

Da name gui ka sa mboura bèlabaï toul bina gonjaka on ko̱ Ouone mi bi hi tangkoli,

Romainli 1:3

baï toula Goune nè ko̱ tèn ka mèran David ka mboro naïn‐mone.

Titili Takarata a Jean ko̱ dé 4:14

Da na, name ko̱ tou, ka sa bongbaï on ko̱ Baba mi pi ba Goune fènè baï guina Njou‐yana‐baï‐toul a njou‐koukoulali.

2 Pierre 3:18

Da oui hon ka ndingna mbo̱l da touna a Nanjou na da Njou‐yana‐baï‐toul ama ko̱ ba Jésus‐Christ. Mi jonafèn hi nè kassénaï da kambèlè! Amen!

2 Pierre 3:2

an ouime kèrè baïnjaka on ka laou baï ko̱ tangna fofoto prophèteli mi sa jinguèl, da bina baïnjaka guingna a Nanjou da njou‐yana‐baï‐toul, ko̱ njou‐mboro‐pina abaïli to̱ko̱ hi oui.

2 Pierre 2:20

Baï ko̱ tokoré klime ngou dakame fèn an koukoula on tou, ka mboro touna Nanjou da Njou‐yana‐baï‐toul ko̱ ba Jésus‐Christ, da fèn on féré gna kli ka mba ba njaka kli, da sèkèrè kaouna akli na bèlya ta titili kaouna akli.

2 Pierre 1:11

Baï on kè ma yèng mborokè ko̱ hi nguèra hi oui baï rina jing rou bilkaou kambèlè a Nanjou na da njou‐yana‐baï‐toul ama ko̱ ba Jésus‐Christ.

2 Pierre 1:1

Simon Pièrre, koï da njou‐mboro‐pina a Jésus‐Christ mi pi takarata aïn hi kli on ko̱ ba mbéo jing na jing kakaïya tounassaon ka mboro guédék a Ouone da Njou‐yana‐baï‐toul ama ko̱ ba Jésus‐Christ:

Tite 1:4

Mè pi takarata aïn hi Tite, dodok goune ni, ko̱ name ndé jing tounassaon jing hana. An Ouone Baba da Christ‐Jésus Njou‐yana‐baï‐toul ama, mi hi ndingna mbo̱l da go̱ro̱ iki hi mo.

Romainli 11:26

Da mono on, yé Israël bon ma kou mahana ko̱ mi dé: Yé njou‐yana‐baï‐toul ma tèn gui ka Sion, Da yé kè ma kon baï pongna Ouone an bila Jacob guèfal;

Pinali a Njou‐Mboro‐Pinali 3:26

Mono Ouone mi di njou‐bakara nè ka pi nè gui mone baï ti dambèl, baï samna oui, da féré komo go̱ra baï mbéo mbéo bon ka mboro békéfèn baïli.

Pinali a Njou‐Mboro‐Pinali 2:30

Mono on, baï ko̱ kè ba prophète, da kème toutou ko̱ Ouone mi bi gonjaka hi nè ka serment, yé kè ma hi njoukou mbéo ka mèrèn nè, baï kaouna toul kangala njaka bara nè,

Saint Jean 7:42

Takarata a Ouone mi sa: Christ ma gui ka ba mèran David ya lé? da kè ma gui an pou Bethléhem, pou a David, ko̱ kème bi ndourou jinguèl ya lé?

Saint Jean 4:42

da kli sa hi waïn aïn: Kassénaï, ko̱ name la bilaou‐è, tane ti ba baï baïnjako̱ ya; da baï ko̱ na fèna mi lala nè ama tou, da name toutou ko̱ kè on ba Christ ka babaï, Njou‐yana‐baï toul a njou‐koukoulali.

Saint Luc 1:69

Kè hi bèla njèran Njou‐yana‐baï‐toul hi na. An bil voula David, njou‐bakara nè,

Saint Matthieu 22:42

ka sa: Oui kèrè Christ ba guè lé? Kè ba goune a guè lé? Kli sa hi nè: Goune a David.

Saint Matthieu 21:9

Da ro̱kè njoukouli ko̱ dambèl hi Jésus, da kli on ko̱ sé fal, mi wan njaka, ka sa: Hosanna a David! Same kè on ko̱ mi gui ka ling a Nanjou. Hosanna a sèkèrè guèl ndèk an nonkala!

Saint Matthieu 1:21

da yé kè ma mboung ba goune wonron, da mo ma bi ling‐è ba Jésus; baï ko̱ kè mini ko̱ ma kou njoukou nèli baï békéfèn aklili.

Pinali a Njou‐Mboro‐Pinali 4:12

Da yana‐baï‐toul tane ti bila njoukou aféké ya, baï ko̱ ling aféké an bo̱ko̱ nonkala tane tiya ko̱ hi an jéng an njoukouli ko̱ ma kou na.