Pinali a Njou‐Mboro‐Pinali 13:2 - Féké Testament 1947

² Da ko̱ klime kaou baï ndingna bakara Nanjou, ka chang laka, Saint‐Esprit mi sa: Oui wal Barnabas da Saul bi ka toul hi mi, baï ndingna pina on ko̱ mème di kli baï ndingnakè.

Pinali a Njou‐Mboro‐Pinali 13:2 ပူးပေါင်းရင်းမြစ်များ

Galateli 1:15

Da ko̱ on mi bi wélé toula Ouone, kème wal mi bi ka titilikè, ko̱ ma ni mi mboung mi, da kème di mi ka mboro ndingna mbo̱l amè,

Pinali a Njou‐Mboro‐Pinali 9:15

Da Nanjou mi sa hi nè: Mo sé fèno, baï njoukou aïn ba mè mi ko̱ sane nè ba ami fèni, baï yana ling ni sé guè nona mèran pime pouli da nanjoukaouli, tèn goundi a Israël;

2 Tim 1:11

Baï on mi ko̱ sane mi ba njou‐sana mboura bèlabaï, da njou‐mboro‐pina da njou‐to̱ko̱nafèn hi pime pouli.

1 Corinthienli 12:11

Da ba Esprit on mbéo bo̱l mi ko̱ nding fèn aïnli bon, da kème wal hi njoukouli mane mbéo mbéo bon mahana ko̱ kème ji ka laou‐è fènè.

Romainli 1:1

Paul, koï a Jésus‐Christ, ko̱ Ouone mi di nè ba njou‐mboro‐pina, da walè bi baï bèlabaï a Ouone,

1 Timothée 2:7

Baï toul baï on mi ko̱ sane mi ba njou‐sana mboura da njou‐mboro‐pina mè sa ka babaï da mè tane ga ba wo̱ko̱ ya, da njou‐to̱ko̱nafèn hi mèran gentili mi jing tounassaon da babaï.

Pinali a Njou‐Mboro‐Pinali 22:21

Da kè sa hi kli: Mo sé, baï ko̱ mè ma pi mo dita sé guè mona pime pouli.

Pinali a Njou‐Mboro‐Pinali 14:26

da klime kaou bateau an ndourou, baï séna guè pou Antioche, an guèl on ko̱ klime sa bi njaka kli jinguèl ka ndingna mbo̱l a Ouone baï pina on ko̱ klime nding tou.

Colossienli 4:17

Da oui sa hi Archippe: Mo pèng mono bèlta jing pina to̱ko̱nafèn on ko̱ hi bi ndo̱ko̱ baï ka bila Nanjou, an mo mi bou falkè bon.

Saint Luc 2:37

Da kème kaou ba waïn soré mane saka bongkè‐difala‐saï‐faltoulkè‐nèng, ka tane ourou an bil temple ya. Kè laïbi ndingna bakara hi Ouone ka hangnachoung tèn séssé jing changna laka ka sana jojo Ouone.

2 Tim 2:2

Da baï on ko̱ mo mi la an njaka ni, an wora njou‐lana bongbaïli nyèta, mo hi baï on hi njoukouli on ko̱ ba lodok, kli on ko̱ yé kli ndé ma baï to̱ko̱nakè hi njou‐afékéli kéng.

Éphésienli 3:7

ko̱ mème tèn ba njou‐bakara on ka mboro toul ndo̱ko̱ ndingna mbo̱l a Ouone, ko̱ kème hi mi ka mboro ndingna njèran pina nè.

Pinali a Njou‐Mboro‐Pinali 13:3

Da on ko̱ klime chang laka, da hiou Ouone, da afal ko̱ klime goukou ndo̱ko̱ kli toul kli o̱tou, kli pi kli sé.

Pinali a Njou‐Mboro‐Pinali 10:30

Da Corneille mi sa: Mane name nèng ka l’heure aïn mè pèng l’heure an difala‐nèngkè ka hiou Ouone an bil vouli; da mono njoukouna mi bou la ko̱ chata, da o bèl moni,

Pinali a Njou‐Mboro‐Pinali 10:19

Da ko̱ Pierre mi pane kèra fal fèn aïn ko̱ kème ko̱ mahana ka lo̱la, Esprit fènè mi sa hi nè: Mo ko̱ njoukouli saï ma nza mo.

Pinali a Njou‐Mboro‐Pinali 8:29

Da Saint‐Esprit fènè mi sa hi Philippe: Mo dong diya guè bèl pousse aïn.

Saint Matthieu 9:38

Mono on, oui sa jojo Nanjou waka on an kème pi njou‐bakarali gui bil waka, ko̱ to maïya.

Saint Matthieu 6:16

Da ko̱ ouime chang laka, oui gok none baï mahana ka njou‐mongnafèn ya, baï ko̱ kli komo none kli toutoul, baï to̱ko̱na hi njoukouli ba kli chang laka tou. Babaï, mi mè sa hi oui, kli ya ko̱ko̱ akli o̱tou.

Hébreuli 5:4

Baï ko̱ njoukouna mbéo tane ga jone ling‐è fènè ya, ba on ko̱ Ouone mi di nè, mono mahana ka Aaron.

2 Tim 4:11

Bo̱l ba Luc ka ho̱kè on mi kaou jing mi, mo ndé ya Marc gui jing mo, baï ko̱ kème bèl baï ni baï ndingna bakara Ouone.

2 Tim 4:5

Da amo mo kaou wang jing fènli bon, mo bou toulo̱ jing fèn ko̱ mba njako̱, mo nding pina évangéliste, da nding bakara no bon.

2 Corinthienli 11:27

Mè kaou jing pina tèn jing to̱ko̱nassé, mè zèng bo̱ko̱ ro̱ko̱ta, jing nzala tèn po̱ko̱ mbi, jing changna laka bo̱ko̱ ro̱ko̱ta, jing tétél da tane la.

2 Corinthienli 6:5

da jing wana, da an bil voul jo̱bo̱li, da an guèl baï nzaouli, da jing pinali, da jing zèngna fènli ka hangnachoung, tèn jing changna laka;

1 Corinthienli 7:5

Oui tane dèn mone baï jing hana ya wara ko̱ ouime ji bo̱ko̱kè jing hana ti dambèl baï name hanali bo̱ko̱ mbéo mbéo ya, ko̱ ouime bi hang baï baï hiouna Ouone; da afal on oui féré guè mone hana baï an Satan mi tane yak oui ya, baï an nzala mone mi tane gnèrèn oui ya.

Romainli 15:16

Mono on, an mème tèn ba njou‐bakara a Christ‐Jésus hi mèran gentili, mahana ka pina sacrificateur, baï sana mboura bèlabaï a Ouone an gentili mi tèn ba offrande on ko̱ mapélékè, baï ko̱ Saint‐Esprit mi ko̱ wal kli bi aï a Ouone.

Romainli 10:15

Da tokoré mi tane ga pi kli ya, kli ma baï sana mboura ane mèlé? Mahana ko̱ mi dé: Bo̱ko̱ kli mi bèl maïya, Kli on ko̱ sa mboura toul bèlabaï ikina go̱ro̱, Kli on ko̱ sa mboura toul bèlabaï!

Pinali a Njou‐Mboro‐Pinali 20:28

Oui pèng mone baï fèn baï bèlta, an douk on bon ko̱ Saint‐Esprit mi bi oui ba njou‐onabong pinali an ndourou, baï ko̱ra église a Nanjou, on ko̱ kème zé jing dodok séme nè fènè.

Pinali a Njou‐Mboro‐Pinali 6:4

Da ama, na ma pane laïna bi hiouna Ouone da ndingna bakara baïnjaka Ouone.

Saint Luc 10:1

Afal fèn aïnli Nanjou sane afékéli bongkè‐difala‐séré, da kè pi kli jing hana séré séré ti dambèl hi nè bil loukou pouli bon, da guèl on bon ko̱ kème nding baï séna rou.

Pinali a Njou‐Mboro‐Pinali 4:36

Da Joseph kè on ko̱ njou‐mboro‐pinali mi bi ling‐è ba Barnabas, ling on mi sa ba goune wara njoukou, Lévite ko̱ tèn an koua Chypre,

Pinali a Njou‐Mboro‐Pinali 13:4

Mono, baï ko̱ ba Saint‐Esprit mi pi kli, kli diri sé guè pou Séleucie, da klime kaou bateau da sé guè koua Chypre.

Saint Matthieu 17:21

Da zabolo aïn tane ma baï tèna kala ya, wara ka ba mboro hiouna Ouone, ka chang laka ya.