Pinali a Njou‐Mboro‐Pinali 11:23 - Féké Testament 1947

²³ Da ko̱ kème kan tou, da ko̱ ndingna mbo̱l a Ouone, kè jangndaï, da kème wara kli bon ka ba badinafèn a go̱ro̱ kli, klime laïbi jing Nanjou.

Pinali a Njou‐Mboro‐Pinali 11:23 ပူးပေါင်းရင်းမြစ်များ

1 Corinthienli 15:58

Mono, yine nili ko̱ mème sé hang baï ta, oui kaou wang, an fèna mi lang oui ya, oui taïnkon jing ndingna pina a Nanjou guèbassoko, baï ko̱ ouime toutou ko̱ bakara abaï mi tane ga na bo̱on ya, ka bila Nanjou.

Pinali a Njou‐Mboro‐Pinali 14:22

Klime iki laou a njou‐sèna bongli, da wara kli baï laïnabi jing tounassaon, ka sa: Baï ko̱ ka mboro to̱ko̱nassé nyèta, dadaon mi yé na ma ri sé bilkaou a Ouone.

Pinali a Njou‐Mboro‐Pinali 13:43

Da ko̱ njoukouli on mi ndoï an bil synagogue mi tèn kala tou, Juif hanali nyèta, da kli on ko̱ féré tèn ba Juifli ko̱ pèng bong njaka Ouone, mi tong fala Paul da Barnabas, klime sa kèna jing hana da wara kli baï laïnabi jing ndingna mbo̱l a Ouone.

Titili Takarata a Jean ko̱ dé 2:28

Da kassénaï lélé goundi oui bi an bilè. Mono on ko̱ tokoré kème tèn gui na ma guè monè ndo̱t, da chonron ba séna na an nonè tane tiya, ko̱ kème kaïn féré gui.

2 Tim 3:10

Da amo jinguèl mo sé fal to̱ko̱nafèn ni, da tong bong séna ni, da badinafèn ni, tounassaon ni, vonamboï ni, sénahang ni, tèn laïnabi ni.

Colossienli 1:6

On ko̱ mi gui mone baï mahana ko̱ mi ndé kan mane koukoula bon kéng, da mi lé lénakè ka taïnkon mahana ko̱ mi ndé nding an bil baï kéng, ka titili name on ko̱ oui mi la jinguèl, da tou ndingna mbo̱l a Ouone nguite ka babaï.

Pinali a Njou‐Mboro‐Pinali 20:24

Da mè tane ga ko̱ yana ni mahana ka bèlafèn an noni ya, baï ko̱ yé mè ma baï tèna sèkèrè mboro ni, jing ndingna bakara on ko̱ Nanjou Jésus mi hi mi, baï sana bongbaï toul bèlabaï ndingna mbo̱l a Ouone.

Takarata Saïkè a Jean ko̱ dé 1:4

Ko̱ mème la goune nili sé mboro babaï, baï aféké tane ga hi jangnandaï hi mi ko̱ ta aïn ya.

Pinali a Njou‐Mboro‐Pinali 14:26

da klime kaou bateau an ndourou, baï séna guè pou Antioche, an guèl on ko̱ klime sa bi njaka kli jinguèl ka ndingna mbo̱l a Ouone baï pina on ko̱ klime nding tou.

Saint Jean 15:4

Oui bi an bili da mè bi an bil baï. Mahana ka wanando̱ko̱ di ko̱ tane ga ma baï léna lénakè ya, wara ko̱ kème sou mbo̱lo̱ bi di‐kiwila ya, mono mahana ka oui, tokoré ouime tane ga bi an bili ya, oui tane ga ma baï léna lénakè ya.

Saint Matthieu 16:24

Da on, Jésus mi sa hi njou‐séna bong nèli: Tokoré njoukouna mi ji guina fali, dadaon an kème njomo monè fènè, da bi di‐croix nè, ka gui fali.

2 Corinthienli 1:17

Mono on ko̱ mème kèrè ka laou ni baï guèna on, mè sa njaka séré lé? maléba fèn on ko̱ mème ji ndingnakè, mè ji ndingnakè ka ba mboro naïn‐mone, baï an baï ii, da haï haï, mi na jing baï ni lé?

Pinali a Njou‐Mboro‐Pinali 20:32

Da kassénaï mè yèng oui bi ndo̱ka Ouone, da baïnjaka ndingna mbo̱l nè, on ko̱ mi ma baï pouna mone baï, da hi fèn yanapélé hi oui an wora kli on bon ko̱ Ouone mi wal bi baï nè fènè.

Pinali a Njou‐Mboro‐Pinali 15:40

Da Paul mi sane Silas, da ko̱ yindi mi sa bi njaka kli ka ndingna mbo̱l a Nanjou, klime sé.

Saint Marc 2:5

Da ko̱ Jésus mi ko̱ tounassaon akli, kè sa hi njou‐jangma yawè: Goune ni, mè yèng bi mboro békéfèn noli tou.

Pinali a Njou‐Mboro‐Pinali 4:36

Da Joseph kè on ko̱ njou‐mboro‐pinali mi bi ling‐è ba Barnabas, ling on mi sa ba goune wara njoukou, Lévite ko̱ tèn an koua Chypre,

Romainli 12:8

maléba kè on ko̱ mi wara, dadaon an kème bi hang‐è ba toul warafèn amè; maléba kè on ko̱ mi hi fèn, dadaon an kème hi ka laou‐è; maléba kè on ko̱ mi obong fèn, dadaon an nonè mi sènta jing rou. Kè on ko̱ mi nding haïo, dadaon an kème nding ka wala.

2 Corinthienli 6:1

Baï ko̱ na ba njou‐ndo̱ko̱ba bakarali jing nè, name ndé sa jo̱jo̱ baï kéng baï an ouime tane ya ndingna mbo̱l a Ouone bo̱on ya.

1 Titili Takarata a Pierre ko̱ dé 5:12

Mè pi goune takarata aïn ndo̱ka Silvain, kè on an noni ba yine na lodok. Mè wara oui, ka sa bongbaï ko̱ on ba gba ndingna mbo̱l a Ouone; oui laïbi ona jing rou.

Jude 1:4

Baï njoukou hanali ko̱ro an woro baï ka foli, da kli mini ko̱ takarata mi wal baï kon toul kli jinguèl ka titilikè, njoukouli on ko̱ pong Ouone ko̱ ki ndingna mbo̱l an Ouone ama ba ladidifèn da kli pong njou‐to̱ko̱nafèn mbéo on ama ko̱ ba Nanjou Jésus‐Christ.