Pinali a Njou‐Mboro‐Pinali 1:11 - Féké Testament 1947

¹¹ da sa hi kli: Oui njoukouli an guèl Galilée, baïfèn da ouime o ka zaili none baï ènrèn sé guè nonkala on lé? Jésus aïn ko̱ mi hé sé guè nonkala an woro baï, yé kè ma kaïn féré ba aféké mahana ka on ko̱ ouime ko̱ nè baï séna guè nonkala.

Pinali a Njou‐Mboro‐Pinali 1:11 ပူးပေါင်းရင်းမြစ်များ

Apocalypse 1:7

Oui ko̱, kè gui an bil yiri mbame. Da yé none a njoukouli bon ma ko̱ nè, da kli on ko̱ toung nè jinguèl; da yé mèran njoukouli kadouk bon an koukoula ma lé léou baï toulè. Mahana ka on, Amen!

1 Thessalonicienli 4:16

Baï ko̱ yé Nanjou fènè ma diri gui ka nonkala, ka hidi fèn da bouka ka njaka archange da oul gaga mbo̱sso̱ a Ouone, da yé kli on ko̱ mi hou ka bila Christ ma tome houl ti dambèl.

Saint Marc 13:26

Da afal on, yé kli ma ko̱ Goune a njoukou mi yé guina an toul yiri mbame, jing loukou njèran da jonafèn.

Saint Jean 14:3

Da ko̱ mème sé da mosso guèl kaouna abaï, yé mè ma kaïn féré gui da ya oui guè jing mi, baï guèl on ko̱ mème kaou yé oui ma ndé kaou jing mi an ndourou kéng.

Saint Matthieu 25:31

Da ko̱ Goune a njoukou mi gui jing jonafèn amè bon, da angeli bon jing nè, da on kè ma kaou kangala njaka bara a jonafèn amè.

Saint Matthieu 24:30

Da on, fèn to̱ko̱naké a Goune a njoukou ma tèn gui ka nonkala, da on mèran doukli bon an koukoula ma lé léou, da kli ma ko̱ Goune a njoukou mi yé guina an toul yiri mbame an nonkala, jing njèran da loukou jonafèn.

Saint Matthieu 16:27

Baï ko̱ Goune a njoukou ma gui an bil jonafèn a Baba nè, jing ange nèli; da ka name o̱kèo̱ yé kè ma hi toul ndo̱ko̱ hi njoukouli mbéo mbéo bon, mane pina nèli.

1 Thessalonicienli 1:10

Da baï vora Goune nè an nonkala, kè on ko̱ kème tome nè an wora houli, Jésus fènè, kè on ko̱ mi lé mbèla an hèrè on ko̱ mi nding baï guina.

Saint Luc 21:27

Da on yé kli ma ko̱ Goune a njoukou mi yé guina an bil yiri mbame jing njèran tèn loukou jonafèn maïya.

Pinali a Njou‐Mboro‐Pinali 13:31

Da kli on ko̱ mi gui ka guèl Galilée, klime ndé hé s guè jing nè an pou Jérusalem, da klime ko̱ nè ma name nyèta, kli on mi ko̱ ba njou‐sana bongbaï nèli hi njoukouli kassénaï.

Saint Luc 24:5

Da ko̱ waou mi i kli maïya, kli ding toul kli guè koukoula, da njoukouli on mi sa hi kli: Baïfèn da ouime nza kè on ko̱ mi yan an wora houlkèli lé?

Pinali a Njou‐Mboro‐Pinali 3:12

Da ko̱ Pierre mi ko̱ on, kè sa hi njoukouli on: Oui njoïli a Israël, baïfèn da laou baï mi sé siya baï fèn aïn lé? Maléba baïfèn da ouime ènrèn na mbilili on lé, yé ba ko̱ ka njèran na fèna, maléba ka tangna go̱ro̱ na, da na nding njoukou aïn mi sé siya on lé?

Pinali a Njou‐Mboro‐Pinali 2:7

Da laou kli bon mi sé siya da go̱ro̱ kli mi dou, da kli sa: Oui ko̱, njoukou aïnli ko̱ sa baï, tane ti ba njoukouli an guèl Galilée mini ya lé?

Saint Marc 14:70

Da kème kaïn njé njaka ba aféké. Da afal ko̱ bongkè mi rong di gounfènakè, kli on ko̱ mi o ndourou mi sa hi Pierre ba aféké: Babaï, mo ba mbéo a zéng kli, baï ko̱ mo ba njou‐Galilée.

Saint Matthieu 16:28

Babaï, mi mè sa hi oui, an wora kli on ko̱ mi o guèl aïn hanali ba houl tane tiya bo̱l tèn klime ko̱ Goune a njoukou mi yé guina an bilkaou nè.

Saint Marc 16:19

Mono, afal ko̱ Nanjou mi sa baï hi kli o̱tou, mi bi nè sé guè nonkala, da kème kaou mboro wonron ndo̱ka Ouone.

Pinali a Njou‐Mboro‐Pinali 1:2

ka titilikè bo̱l tèn name on ko̱ kème hé sé guè siya, da afal ko̱ kème bi baïnjaka, ka mbora Saint‐Esprit hi njou‐mboro‐pinali on ko̱ kème sane kli tou.

Pinali a Njou‐Mboro‐Pinali 1:9

Da on, ko̱ kème sa baï aïn o̱tou, ko̱ kli pane ko̱na nè, kè hé sé guè siya, da yiri mbame mi goukou nè, da kème bo̱l guè worokè an none kli.

Pinali a Njou‐Mboro‐Pinali 1:22

tinassaonkè jing baptême a Jean bo̱l tèn name on ko̱ kème hé sé guè siya an woro na, an zéng akli on, dadaon njoukouna mbéo mi gui ba njou‐sana bongbaï jing na toul tomnahoul amè.

Pinali a Njou‐Mboro‐Pinali 3:21

Kè on ko̱ nonkala ma ya nè bo̱l tèn name féra ka kaïn mosso fènli bon bi tang guèlkè, baï on mini ko̱ Ouone mi sa ka tang ambèl ka njaka tangna fofoto prophète nèli.

Hébreuli 9:28

Mono ko̱ Christ kéng baï ko̱ kème hi monè fènè bo̱ko̱ mbéo baï kambèlè baï hola békéfènli a njoukouli nyèta, da kè ma gui an bo̱ko̱ sérékè tane békéfèn da baï yana‐baï‐toul akli on ko̱ mi voro nè.