2 Tim 4:2 - Féké Testament 1947

² mo sa mboura baïnjaka, ka laïbi mane mboro bon ka bèla name tèn name ko̱ tane bèlta ya, mo sa toul békéfèn an njoukouli bi kala, mo ba baï hi kli, wara kli jing pana mone da to̱ko̱nafèn bon.

2 Tim 4:2 ပူးပေါင်းရင်းမြစ်များ

1 Thessalonicienli 5:14

Da name wara oui yindi, oui ba baï hi kli on ko̱ mi sé maï maï, oui pou mone kli on ko̱ go̱ro̱ klime sé siya, da lé mbèla kli on ko̱ mi tane ti njèrèn ya, da pan mone baï jing njoukouli bon.

Tite 2:15

Mo sa fèn aïnli ka wara fèn, da mo ba baï toul békéfèn a njoukouna bi kala, ka mboro bina baïnjaka. Mo yèng an njoukouna mbéo mi tane jèk mo ya.

1 Timothée 4:13

Bo̱l tèn ko̱ mème guè, mo bi laou‐o̱ toul kèna takarata, ka warafèn, da to̱ko̱nafèn.

Apocalypse 3:19

Kli on bon ko̱ mè sé hang kli, mè ba baï da mè wara kli. Mono on, nono mi sènta baï ni, da mo hèkè.

Tite 1:13

Bongbaï aïn ba babaï. Baï toul baï aïn mo ba baï hi kli njèrèn ta, mono on, an klime ma baï guina njèrèn jing tounassaon.

2 Tim 2:21

Mono on, tokoré njoukouna mi tourou go̱rè tang fofoto ka pong fèn aïnli, yé kè ma tèn ba ili dikna on ko̱ Ouone mi walè bi baï nè, da kè mabongkè baï ndingna pina a njou‐onatoul da kè mosso mboro nè tou baï ndingna bèla pina bon.

Galateli 6:6

Da an kè on ko̱ njoukouna mi to̱ko̱ baïnjaka hi nè, mi wal bèlafèn nèli bon hi njoukou on ko̱ mi to̱ko̱ hi nè.

Romainli 12:12

Ka mboro oliya oui kaou ka wala. Oui joung hang baï an bil to̱ko̱nassé. Oui laïbi hiouna Ouone.

2 Tim 3:10

Da amo jinguèl mo sé fal to̱ko̱nafèn ni, da tong bong séna ni, da badinafèn ni, tounassaon ni, vonamboï ni, sénahang ni, tèn laïnabi ni.

1 Timothée 5:20

Kli on ko̱ mi nding békéfèn mo ba baï hi kli an nona njoukouli bon, mono on, an garakèli mi ndé ngou waou kéng.

Colossienli 1:25

Baï on ko̱ mi nding mi ba njou‐bakara bongbaï, ka mboro onatoul pina a Ouone, ko̱ kème hi mi baï toul baï, an mème sa mboura baïnjaka a Ouone yaïli manguèl bon.

Romainli 10:15

Da tokoré mi tane ga pi kli ya, kli ma baï sana mboura ane mèlé? Mahana ko̱ mi dé: Bo̱ko̱ kli mi bèl maïya, Kli on ko̱ sa mboura toul bèlabaï ikina go̱ro̱, Kli on ko̱ sa mboura toul bèlabaï!

Pinali a Njou‐Mboro‐Pinali 20:7

Da ka titili name semaine, ko̱ name ndoï jing hana baï haouna mapa, Paul mi sa mboura on hi kli ko̱ mi na hang‐è baï ko̱ guèlapélé kème ji oura, da kème sa baï bongkè dita bo̱l tèn hangnachoung loukou.

Pinali a Njou‐Mboro‐Pinali 16:13

Da ka name sabbat, name tèn sé gué fal ngalang an bèl doro mbi, ko̱ name kèrè ka go̱ro̱ na, guèl on ba guèl hiouna Ouone, da name kaou ka sa baï hi waïnli on ko̱ mi ndoï an ndourou.

Saint Luc 9:60

Da Jésus sa hi nè: Mo yèng an houli mi goro dodok houl klili fèn kli; da mo sé ka sa mboura bilkaou a Ouone.

Saint Luc 7:4

Da ko̱ klime gui mona Jésus, kli sa jo̱jo̱ nè nyèta, ka sa: Kè ma an mome nding fèn on hi nè;

1 Thessalonicienli 5:20

Oui pong baï to̱ko̱na bong njaka Ouone ya.

Saint Luc 7:23

Jangnandaï ba baï a kè on ko̱ mè tane ti ba fèn bèna jing nè ya.

2 Tim 2:25

ka to kli on ko̱ mi fa baï toul baï tang guédék jing bouna mone baï guè koukoula, ka oli ko̱ ka touya Ouone ma hi go̱ro̱ hèkèna békéfèn hi kli an klime kan baï touna babaï.

Hébreuli 13:22

Mè wara oui yindi, oui laïbi jing mi ka la baïnjaka warafèn; baï ko̱ mème dé takarata hi oui gounfènakè ka baïnjaka nyèta ya.

Pinali a Njou‐Mboro‐Pinali 28:16

Da ko̱ name kan pou Rome tou, klime yèng Paul baï kaouna fènè ka ho̱kè jing tourougou mbéo, on ko̱ mi pèng nè.

Pinali a Njou‐Mboro‐Pinali 13:5

Da ko̱ klime kaou pou Salamine, kli sa mboura baïnjaka a Ouone an bil synagogue a Juifli, Jean mi ndé kaou jing kli kéng baï ndingna bakara hi kli.

Colossienli 4:3

da oui ndé hiou Ouone baï toula kéng, baï an Ouone mi bourou njaka mboro baï a baïnjaka hi na, baï sana didissi baï a Christ, da baï toul baï on mi ko̱ klime ndé gna mi jing réme kéng.

1 Thessalonicienli 1:6

Da oui tèn ba njoukouli ko̱ mi nding mahana ko̱ name nding, da mahana ko̱ Nanjou mi nding, baï ko̱ oui mi ya baïnjaka ka bil to̱ko̱nassé nyèta, da jing jangnandaï a Saint‐Esprit.