2 Tim 3:16 - Féké Testament 1947

¹⁶ Takarata a Ouone bon mi gui ka njaka Ouone fènè, da bèl baï to̱ko̱nafèn, baï téna go̱ro̱, baï féra komona njoukou ka mborokè, baï wara njoukou ka mborokè guédék.

2 Tim 3:16 ပူးပေါင်းရင်းမြစ်များ

Romainli 15:4

Baï fènli bon ko̱ mi dé jinguèl ka tang ambèl, on mi dé baï to̱ko̱na hi na. Mono on, ka mboro laïnabi, da ka mboro ikina go̱ro̱ ko̱ Takarata a Ouone mi hi an name jing oliya.

Hébreuli 4:12

Baï ko̱ baïnjaka Ouone mi yan ka njèrèn ta, ka outa ta gamba ko̱ outa mbora séré bon, da wé mi ko̱ wal laou kira esprit, ka wal kouroukè kira lo̱lo̱ko̱kè séré bon, da kè to̱ko̱ saon kèrafèn da badinafèn an bil bo̱ro̱.

Saint Marc 12:24

Da Jésus mi sa hi kli: Baï ko̱ ouime tane ga tou Takarata a Ouone tèn njèran Ouone ya, mono on ko̱ ouime sé bong wo̱ko̱ ya lé?

2 Tim 4:2

mo sa mboura baïnjaka, ka laïbi mane mboro bon ka bèla name tèn name ko̱ tane bèlta ya, mo sa toul békéfèn an njoukouli bi kala, mo ba baï hi kli, wara kli jing pana mone da to̱ko̱nafèn bon.

2 Tim 2:25

ka to kli on ko̱ mi fa baï toul baï tang guédék jing bouna mone baï guè koukoula, ka oli ko̱ ka touya Ouone ma hi go̱ro̱ hèkèna békéfèn hi kli an klime kan baï touna babaï.

Pinali a Njou‐Mboro‐Pinali 20:20

Mè tane ga pong ya, baï to̱ko̱na hi oui fènli on bon ko̱ mi bèlta baï abaï, ka to̱ko̱ fèn hi oui an nona ro̱kè da mane an bil voul baïli mbéo mbéo bon.

Saint Jean 3:20

Baï njoukouli bon ko̱ mi kaou bo̱ko̱ békéfèn mi jèk takanafèn tou, kè tane tèn an takanafèn ya baï ngouna waou takana béké pina nèli bi kala;

Saint Matthieu 13:52

Da kème sa hi kli: Mono on, njou‐to̱ko̱na bong guingnali bon ko̱ tèn ba njou‐séna bong a bilkaou a nonkala mahana ka njoukou ko̱ ba nanjou voulou, ko̱ ya féké fènli tèn tang fènli tèn kala an guèl nguèra nè.

Pinali a Njou‐Mboro‐Pinali 18:25

Njoukou aïn mi la ba to̱ko̱nafèn toul mbora Nanjou, da baï ko̱ esprit nè mi cha bèlta kème sa da to̱ko̱ fènli toula Jésus tang guèlkè, da kème tou ba mboro baptême a Jean ka ho̱kè.

Romainli 2:20

da ba njou‐to̱ko̱nafèn a njou‐ngawali, da njou‐to̱ko̱nafèn hi joï goundi, baï ko̱ ka bil guingna, mo jing ba fèn léna cho̱kna da a babaï.

Galateli 3:8

Da baï ko̱ Takarata a Ouone mi toutou ka tang ambèl, ko̱ Ouone mi ji ndingna mèran gentili gui guédék ka mboro tounassaon, mono on, mi ti sa mboura bèlabaï hi Abraham ka tang ambèl, ka sa: Ka mboro no yé mè ma same mèrèn pime pouli bon!

Hébreuli 3:7

Mono baï on, mahana ko̱ Saint‐Esprit mi sa: Kassénaï tokoré ouime la njakè.

1 Corinthienli 12:7

Da Ouone mi hi Esprit hi njoukouli mane mbéo mbéo bon ko̱ nonkè mi tèr kala an nona njoukou afékéli, baï ndingna bèlafèn jing njoukouli bon.

Pinali a Njou‐Mboro‐Pinali 20:27

Baï ko̱ mème tane ga pong ya baï to̱ko̱na hi oui, badinafèn bon a Ouone.

Saint Jean 10:35

Da tokoré kème bi ling akli ba ouondi, kli on ko̱ baïnjaka Ouone mi gui mone kli jinguèl, da Takarata a Ouone mi tane ga ma baï mougnoura ya.

Saint Matthieu 26:56

Da fèn on mi gui tou an tènrèn none Takarata prophèteli mi tèn kala ka babaï. Da on njou‐séna bongli bon mi yèng nè ka ngou.

Pinali a Njou‐Mboro‐Pinali 1:16

Njoukouli yindi, yé tènrèn none Takarata a Ouone mi tèn kala ka babaï, baï on ko̱ Saint‐Esprit mi sa ka njaka David jinguèl toula Judas, kè ko̱ ba njou‐danambèl a njoukouli on ko̱ mi ba Jésus.

Saint Matthieu 21:42

Jésus mi sa hi kli: Oui tane ga kèn Takarata a Ouone bo̱ko̱ mbéo ya lé? Kone aïn ko̱ njou‐zana voulouli mi pong nè tou, Kone on mi tèn ba loukou kone bina kourou voulou; Fèn aïn gui ka Nanjou, Da on ba kakaïya fèn an nona.

Romainli 4:23

Da Ouone mi dé on bi takarata, tane ti ba baï toulè ka ho̱kè ya ko̱ kème kèn on kon toulè,

Hébreuli 11:1

Da tounassaon ba none fènli on ko̱ name bi hang na rou ka oli, da baï touna ka go̱ro̱ ka babaï fènli on ko̱ name tane ga ko̱ ya.

Romainli 3:2

Mi nding bèlta mane mboro bon, ka titilikè Ouone mi hi baïnjakè bi ndo̱ko̱ kli.

Pinali a Njou‐Mboro‐Pinali 28:25

Da ko̱ klime tane ga ji bo̱ko̱kè jing hana ya, kli nding baï oura da Paul mi sa gara sèkèrè baïnjaka; Saint‐Esprit mi sa baï ka babaï hi tangko baïli ka mbora prophète Ésaïe ko̱ kème sa:

Saint Marc 12:36

David fènè mi sa ka Saint‐Esprit: Nanjou fènè mi sa hi Nanjou ni: Mo kaou an mboro wonron ndo̱ko̱ ni, Bo̱l tèn ko̱ mème nding bakèlio̱ jing mo tèn ba fèn ndana ka bo̱ko̱.

Saint Matthieu 26:54

Mono on tènren none Takarata a Ouone mi tèn kala ka babaï, ane dé? ko̱ mi sa fèn on mabongkè baï guina mahana ka on lé?

Saint Matthieu 22:43

Jésus sa hi kli: Ka mboro hane mèlé mi David mi di nè ba Nanjou ka mboro Esprit lé? Ka sa: