2 Tim 3:12 - Féké Testament 1947

¹² Ka babaï kli on bon ko̱ mi ji kaouna ka mboro pèngna bong njaka Ouone ka bila Christ‐Jésus, yé kli ma to̱ko̱ssé.

2 Tim 3:12 ပူးပေါင်းရင်းမြစ်များ

1 Titili Takarata a Pierre ko̱ dé 3:14

Da tongna oui mi to̱ko̱ssé baï toul ndingna guédék, jangnandaï mi ba a baï. Oui ngou waou fèn on ko̱ kli ngou waoukè ya, maléba mone baï mi hou mbi ya.

Pinali a Njou‐Mboro‐Pinali 14:22

Klime iki laou a njou‐sèna bongli, da wara kli baï laïnabi jing tounassaon, ka sa: Baï ko̱ ka mboro to̱ko̱nassé nyèta, dadaon mi yé na ma ri sé bilkaou a Ouone.

Saint Matthieu 16:24

Da on, Jésus mi sa hi njou‐séna bong nèli: Tokoré njoukouna mi ji guina fali, dadaon an kème njomo monè fènè, da bi di‐croix nè, ka gui fali.

Saint Jean 16:2

Yé kli ma téne oui tèn kala an bil synagogueli; ka babaï, name ma gui o̱ ko̱ njoukouna ko̱ mi i oui, yé kè kèrè ba kème nding bakara hi Ouone.

Saint Jean 16:33

Mè sa fèn aïnli hi oui, baï an ouime jing go̱ro̱ iki an bili. Oui ma to̱ko̱ssé nyèta an bilkaou koukoula aïn, da oui kaou ka go̱ro̱ iki, baï ko̱ mème gnèrèn bilkaou koukoula aïn tou.

Saint Marc 10:30

yé kè ma ya voulouli mane bo̱ko̱ té kassénaï, da yindi, da njo̱‐waïn fènli da ma, da goundi, tèn koukoula ta toulkè, tèn jing fèn to̱ko̱nassé kéng, ka name on ko̱ nding baï guina, ko̱ ba yana kambèlè.

Tite 2:12

da mi to̱ko̱ hi na an name njomo pongna Ouone tèn nzala a koukoula a saka naï, baï pèngna mona jing mbonatoul, da ndingna guédék, da baï pèngna bong njaka Ouone ka saka naï kassénaï.

2 Pierre 3:11

Baï fènli on bon yé yéli, mahana ka on, oui ma baï kaouna mahana ka njoukouli ba fèn ka mboro séna abaï, tangna fofoto da ka mboro pèngna baïnjaka a Ouone dé?

1 Corinthienli 15:19

Da tokoré name oli Christ jing ba yana on ka ho̱kè, na ba njou‐panasséli ta toula njoukouli bon.

Apocalypse 12:4

Da saouto̱kè mi ko̱ko̱ mbéo a woro zéng a saï a mèssèli a nonkala, da wou kli gui koukoula. Da loukou choï mi o bèl mona waïn on ko̱ mi yé mboungna goune, baï ko̱, ko̱ waïn on mi mboung tou, kè ma baï sona goune nè.

Apocalypse 7:14

Da mè sa hi nè: Nanjou ni, mo toutou. Da kè sa hi mi: Njoukouli on ba kli ko̱ tèn kala ka bil loukou to̱ko̱nassé on; da kli tourou la akli tou, da kli nding a la akli mi poukou ka séme a Goune badoua.

Tite 1:1

Paul, koï a Ouone, da njou‐mboro‐pina a Jésus‐Christ ka mboro tounassaon akli on ko̱ Ouone mi sane kli, baï an klime tou babaï on nguite ko̱ mi na ka mboro pèngna bong njaka Ouone,

1 Timothée 6:3

Tokoré njoukou mbéo mi to̱ko̱ to̱ko̱nafèn toutoul da tane ga jibo̱ko̱kè jing kakaïya baïnjaka a Nanjou na Jésus‐Christ ya, tèn to̱ko̱nafèn on ko̱ ba ka mboro pèngna bong njaka Ouone,

1 Timothée 3:16

Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.

1 Timothée 2:2

baï an nanjoukaouli tèn baï a kli bon on ko̱ kaou an guèl gangna, mono on, an yana a baï mi kaou dong mong jang, ka mboro pèngna bong njaka a Ouone, da mbonatoul.

2 Corinthienli 1:12

Baï ko̱ jangnandaï na mini, laou‐tounafèn na mi ko̱ sa bongbaï ko̱ ka tangna go̱ro̱ fofoto da déléng a Ouone da tane ti jing chokna a naïn‐mone da jing ba ndingna mbo̱l a Ouone, name sé an koukoula aïn, da ta nyèta guèbambèl an none baï.

Saint Jean 17:14

Mè hi bong baïnjako̱ hi kli tou; da bilkaou koukoula aïn mi jèk kli, baï ko̱ klime tane ga ti ba a bilkaou koukoula aïn ya, mahana ko̱ mème tane ga ti ba a bilkaou koukoula aïn ya.

Saint Matthieu 23:34

Mono on, oui ko̱ mè pi prophèteli da chokna njoukouli tèn njou‐to̱ko̱na bong guingnali guè mone baï. Yé oui i hanali ka bara kli bi di‐croix, da ouime jo̱ hanali ka baraza an bil synagogue abaïli, da to̱ko̱ssé hi kli an bil pou ka do̱li sé pou aféké.

2 Corinthienli 4:9

Klime sène na da Ouone mi tane ga yèng na ya; klime wan na ka wou na bou koukoula, da name tane ga hou ya;