2 Tim 2:7 - Féké Testament 1947

⁷ Mo kèrè fal baï on bèlta ko̱ mème sa: baï ko̱ yé Nanjou ma hi cho̱kna baï touna fènli bon hi mo.

2 Tim 2:7 ပူးပေါင်းရင်းမြစ်များ

TAKARATA A JACQUES KO̱ DÉ 1:5

Da tokoré njoukouna an woro baï mi nak jing cho̱kna, dadaon an kème oui Ouone, kè on ko̱ mi hi njoukouli bon bo̱on, da tane ga ba baï hi kli ya, da yé kè ma hi nè.

Titili Takarata a Jean ko̱ dé 5:20

Da na toutou Goune a Ouone mi gui, ka hi cho̱kna hi na tou baï an name tou kè on ko̱ ba gba kè; da name kaou an bila kè on ko̱ ba gba‐kè tèn an bila Goune nè Jésus‐Christ. Kème ko̱ ba gba Ouone, da yana kambèlè.

Saint Luc 24:45

Da afal kè bourou laou kli an klime tou saon Takarata a Ouone.

Saint Jean 14:26

Da ko̱ Kè‐baïlénambèl mono, ko̱ ba Saint‐Esprit, kè on ko̱ Baba ma pi nè ka ling ni, yé kè ma to̱ko̱ fènli bon hi oui, da kè ma déou laou baï toul bong baïli bon on ko̱ mème ti sa hi oui jinguèl.

TAKARATA A JACQUES KO̱ DÉ 3:17

Da cho̱kna on ko̱ mi gui ka nonkala ka titilikè mi na tang fofoto, da afal mi jing vona go̱ro̱ ka pan, ka ji bo̱ko̱ baï rèkè dèk, ka mba jing haïo, da jing bèla lénakè ka tane lang ya, da tane mong fèn ya.

1 Timothée 4:15

Mo pèng fènli on bon bèlta ka bi hang o̱ bon toul kli, mono on an none bèla pina noli mi tèn kala an nona njoukouli bon.

Colossienli 1:9

Baï on na kéng, ka titili name on ko̱ name la baï on, na laïbi hiouna Ouone ka sa jo̱jo̱ nè baï toul baï, baï an ouime gui mba ka touna nguite, baï kaouna mara fal toulè jing cho̱kna bon tèn tounafèn bon a Esprit,

Saint Jean 16:13

Da ko̱ Kè‐baïlénambèl mi gui tou, kè on ko̱ ba Esprit a babaï, yé kè ma lang oui sé mboro babaï bon; baï ko̱ kè ma sa ka ba mboro nè fènè ya, da kè ma sa ba toul fènli on bon ko̱ kème la tou, da kè ma sa bong fènli on ko̱ nding baï guina hi oui.

Saint Luc 21:15

Baï ko̱ mè ma hi njaka da cho̱kna hi oui, ko̱ bakèlio̱ jing oui ma baï sana mba oui tane tiya ka oui njaka baï ya.

Hébreuli 13:7

Oui bi hang baï toula kli on ko̱ to̱ko̱ mboro hi oui, njoukouli on ko̱ sa baïnjaka Ouone hi oui jinguèl; oui ènrèn bèlta ka mboro séna akli, da oui nding mahana ka kli ka mboro tounassaon akli.

Hébreuli 12:3

Baï on, oui bi laou baï toula kè on ko̱ bou toulè bil fanabaï a njou‐békéfènli an bèl monè, mahana on an njèran abaï mi tane o̱ ya, da laou baï mi tane loï ya.

Hébreuli 7:4

Oui kèrè njoukou aïn ba loukoukè ani, kè on ko̱ Abraham tangko mi hi dîme hi nè toul fènli bon ko̱ kè fan ka béré.

Hébreuli 3:1

Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.

Philippienli 4:8

Mono baï toul gara baï on yindi, fèn mi ko̱ ba babaï, fèn mi ko̱ ba fèn dikna, fèn mi ko̱ ba guédék, fèn mi ko̱ na tangta, fèn mi ko̱ ba sénahang, fèn mi ko̱ bèla tiri baïli kon toulkè, da tokoré mbonatoul mana, da mi ma baï jonakè, oui bi hang baï toul fènli on.

1 Corinthienli 12:8

Baï ko̱ ka mboro Esprit fènè Ouone mi hi njoukou mbéo baïnjaka cho̱kna; da kème hi njoukou aféké baïnjaka tounafèn, ka ba mboro Esprit on mbéo bo̱l;

Pinali a Njou‐Mboro‐Pinali 7:10

Da Ouone mi kaou jing nè, da lé mbèlè an fèn to̱ko̱nassé bon; da kème hi cho̱kna hi nè, da Pharaon nanjoukaou an pou Égypte mi ko̱ nè bèl monè ta, ka bi nè ba njou‐name gangna toul pou Égypte tèn voulè bon.

TAKARATA A JACQUES KO̱ DÉ 3:15

Cho̱kna on mi tane ti ba cho̱kna ko̱ gui ka nonkala ya, da ba a koukoula, an naïn‐mone tèn a zabolo.

Saint Luc 9:44

Oui yèng baïnjaka aïnli, an mi gui soukou baï, baï ko̱ yé kli ma souti Goune a njoukou bi ndo̱ka njoukouli.

2 Tim 2:6

Dadaon an njou‐pana paï ko̱ nding pina mi dourou lénakè ti dambèl.

2 Tim 2:8

Mo bi laou‐o̱ toula Jésus‐Christ, kè ba mèran David, ko̱ mi tome an wora houli bong bèlabaï ni,