2 Tim 2:22 - Féké Testament 1947

²² Da mo ngou nzala bala goune, da sé fal ndingna guédék, tounassaon, sénahang, go̱ro̱ iki, mabahana jing kli on ko̱ mi hiou Nanjou jing tangna go̱ro̱ fofoto.

2 Tim 2:22 ပူးပေါင်းရင်းမြစ်များ

1 Titili Takarata a Pierre ko̱ dé 2:11

Oui on ko̱ mème sé hang baï nyèta, mè sa hi oui jo̱jo̱ baï, mahana ka goni njoukouli da njoukouli ko̱ sèrè a koukoula, an ouime chang nzala naïn‐mone baï ko̱ rou béré kira laou baï.

1 Titili Takarata a Pierre ko̱ dé 3:11

An kème pong békéfèn da nding bèlafèn. An kème nza go̱ro̱ iki da sé mborokè. Baï ko̱ nona Nanjou na toula njou‐guédék, Da soukè la sana jojo akli, Da an nona Nanjou mi pong ba kli on ko̱ nding békéfèn.

1 Corinthienli 6:18

Oui ngou ndingna rome, gara békéfènli on bon ko̱ njoukou mi nding mi na an kala jing kli‐mone, da kè on ko̱ mi nding rome mi nding békéfèn jing ba dodok kli‐monè fènè.

1 Timothée 6:11

Da amo, O njoukou a Ouone, mo ngou fèn aïnli, da sé fal fèn ndingna guédék, da sé ka mboro pèngna bong njaka Ouone, tounassaon, sénahang, laïnabi, bouna mone guè koukoula.

Hébreuli 12:14

Oui nza mboro baï kaouna ka go̱ro̱ iki jing njoukouli bon, da oui kaou jing tangna go̱ro̱ fofoto, baï a njoukou on ko̱ mi tane ti jing rou ya, tane ma baï ko̱na Nanjou ya.

1 Timothée 4:12

Mo yèng an njoukouna mbéo mi tane jèk mo ya, baï ko̱ mo mi pane ba bala goune; da mo tèn ba mèrènkè baï a kli on ko̱ la bilaou, ka baïnjaka, ka tangna bong séna, ka sénahang, ka tounassaon, tèn ka go̱ro̱ tang fofoto.

1 Corinthienli 10:14

Mono, njoukouli ko̱ mème sé hang baï ta, oui ngou mboro pouna ngala.

1 Timothée 1:5

Da hina bina baïnjaka on ba sénahang ko̱ mi gui ka tangna go̱ro̱, da bèla laou‐tounafèn tèn tounassaon ka babaï.

Takarata Saïkè a Jean ko̱ dé 1:11

Mo on ko̱ mè sé hang‐o̱ nyèta; mo sé fal fèn ko̱ bèlya ya, da mo sé fal fèn ko̱ bèlta. Kè ko̱ nding bèlta ba a Ouone, kè ko̱ nding bèlya tane ga ko̱ Ouone ya.

1 Corinthienli 1:10

Da mème sa jo̱jo̱ baï yindi, ka bil ling a Nanjou na Jésus‐Christ an baïnjaka baï bon mi na mbéo bo̱l, tèn baï wala hana mi tane ti an woro baï ya, da oui kaou ri hana jing laou‐kèrafèn tèn mboro walabaï abaï.

Romainli 14:19

Mono, dadaon an name sé ba fal fèn on ko̱ mi hi go̱ro̱ iki, da fèn on ko̱ ma pou mona jing hana.

1 Corinthienli 14:1

Oui sé fal sénahang. Da oui ndé bi hang baï toul toul ndo̱ko̱ ko̱ mi gui ka Esprit, oui nza mboro baï to̱ko̱na bong njaka Ouone nyèta guèbambèl.

1 Corinthienli 1:2

name pi takarata aïn hi église a Ouone ko̱ mi bi an pou Corinthe, kli on ko̱ Ouone mi wal bi fènè tou, ka bila Christ‐Jésus, ko̱ mi di kli ba njou‐lana‐bilaouli, mabahana jing kli on bon ko̱ mi di ling a Nanjou na Jésus‐Christ manguèl bon, Nanjou akli tèn ama:

Romainli 14:17

Baï ko̱ bilkaou a Ouone mi tane ti ba fèn sona tèn fèn njona ya, da ba ndingna guédék da go̱ro̱ iki, da jangnandaï ka bila Saint‐Esprit.

Pinali a Njou‐Mboro‐Pinali 9:14

Da kème jing bina njaka loukou sacrificateurli an guèl aïn tou baï gnana njoukouli on bon ko̱ mi di ling‐o̱.

1 Timothée 2:8

Mono on, mè ji an njoukouli mi hiou Ouone manguèl bon, ka ndara ndo̱ko̱ kli bon tang fofoto guè siya tane hèrè jing ndingna ka ndouri ya.

1 Timothée 1:14

Da ndingna mbo̱l a Nanjou na mi taïnkon nyèta guèbambèl jing tounassaon da sénahang on ko̱ mi na ka bila Christ‐Jésus.

Pinali a Njou‐Mboro‐Pinali 7:59

Ko̱ klime pane wouna Étienne ka kone, kème hiou Ouone ka sa: Nanjou Jésus, mo ya esprit ni!