2 Tim 2:10 - Féké Testament 1947

¹⁰ Baï on mi ko̱ mè bou touli jing fènli bon baï toula kli on, ko̱ Ouone mi sane kli bi kala, mono on an kli kéng mi ndé ma baï jingna yana‐baï‐toul on ko̱ mi na ka bila Christ‐Jésus jing jonafèn kambèlè.

2 Tim 2:10 ပူးပေါင်းရင်းမြစ်များ

Colossienli 1:24

Da kassénaï mè jangndaï an bil to̱ko̱nassé baï toul baï; baï gara fèn on ko̱ mi pènrèn jing to̱ko̱nassé a Christ, mè ya bi naïn‐moni baï toul kli‐monè, on ko̱ ba église fènè.

1 Titili Takarata a Pierre ko̱ dé 5:10

Da Ouone a ndingna mbo̱l bon, kè on ko̱ mi di oui baï yana jonafèn kambèlè amè ka bila Christ, afal on ko̱ oui to̱ko̱ssé gounfènakè, yé kè fènè ma nding an ouime gui guédék, ka njèrèn oui, ka pou mone baï.

2 Tim 2:3

Mo bou toulo̱ baï to̱ko̱nassé jing mi mahana ka bèla tourougou a Christ‐Jésus.

2 Corinthienli 1:6

Da tokoré name to̱ko̱ssé, on ba baï vona go̱ro̱ baï, da ba yana‐baï‐toul baï, maléba tokoré mi vo go̱ro̱ na, on ba baï ndé vona go̱ro̱ baï, ko̱ ouime jing ka laïnabi, baï bouna toul baï jing mbé to̱ko̱nassé on ko̱ name bou toula rou. Da oliya ama baï toul baï mi na pouta,

2 Corinthienli 4:17

Baï ko̱ goune lélé to̱ko̱nassé na kassénaï païn on mi lé kilo a jonafèn kambèlè nyèta maïya guèbambèl hi na,

1 Titili Takarata a Pierre ko̱ dé 2:10

Oui on jinguèl oui tane ti ba mèran njoukouli ya, da kassénaï oui ba njoukouli a Ouone, oui on ko̱ tane ga jing haïo jinguèl ya, da kassénaï oui jing haïo tou.

1 Thessalonicienli 5:9

Baï ko̱ Ouone mi tane ga wala bi baï jingna hèrè ya, da ba baï jingna yana‐baï‐toul ka mbora Nanjou na Jésus‐Christ.

Colossienli 1:27

kli on ko̱ Ouone mi ji baï to̱ko̱na nguèra jonafèn a didissi baï on hi kli an woro mèran gentili, mini ko̱ ba Christ an bil baï, oliya jonafèn.

Éphésienli 3:13

Baï toul baï on, mè sa jo̱jo̱ baï an ouime tane yèng noungna sél on ya, baï toul to̱ko̱nassé on ko̱ tèn mi baï toul baï; to̱ko̱nassé on ko̱ ba jonafèn abaï.

2 Corinthienli 4:15

Baï ko̱ fènli on bon mi tèn ba baï toul baï, baï an ndingna mbo̱l ko̱ mi taïnkon guèbambèl ka mbora ro̱kè njoukouli, mi nding kaouna koukoula hi Ouone taïnkon guèbambèl baï toul jonafèn a Ouone.

1 Corinthienli 9:22

Da jing njoukouli on ko̱ mi tane njèrèn ya, mème tèn mahana ka njoukou on ko̱ mi njèrèn ya, baï an mème jing njoukouli on ko̱ mi njèrèn ya. Da mème tèn mane fènli bon hi njoukouli bon, baï an mème kou njoukou hanali mbéo mbéo mane mboro bon.

Romainli 9:23

da tokoré kème ji baï to̱ko̱na nguèra jonafèn nè kon toul ili haïo on, ko̱ kème badi da mbo ka tang ambèl baï toul jonafèn ya lé?

Romainli 2:7

Kè ma hi yana kambèlè hi kli on bon ko̱ laïbi ka nding bèlafèn, ka nza jonafèn da dikna da yana kambèlè on ko̱ ba poumna tane tiya;

Saint Jean 17:24

Baba, mè ji ba guèl on ko̱ mème kaou, kli on ko̱ mome hi kli hi mi tou, mi ndé kaou jing mi an ndourou kéng, baï an klime ko̱ jonafèn ni, jonafèn on ko̱ mome hi mi tou, baï ko̱ mome sé hang ni ka titilikè ambèl hi name mossona koukoula aïn.

Saint Jean 17:9

Mè hiou mo baï toul kli. Mè tane ga hiou mo ba baï toula bilkaou koukoula aïn ya, da ba baï akli on ko̱ mome hi mi, baï ko̱ kli ba amo;

Saint Jean 11:52

Da tane ti ba baï pime pou aïn ho̱kè ya; da mono baï an kème ndoï goundi a Ouone bon on ko̱ mi yaïli manguèl toutoul ba mone mbéo.

Saint Matthieu 24:31

Da kè ma pi ange nèli ko̱ ma oul gaga mbo̱sso̱ mbéta, da kli ma mang jing hana kli on ko̱ kème wal bi, ka mboro guèl koukounali nèng, da an sèkèrè guèl ndèk an nonkala bo̱l tèn mboro lèkè.

Saint Matthieu 24:24

Baï ko̱ yé wo̱ko̱ christli tèn wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Matthieu 24:22

Da tokoré name o̱kèo̱ mi tane koung bi guè mbèl ya, yé naïn mone mbéo ba kouna tane tiya; da ba baï toula kli on ko̱ Ouone mi wal kli bi, mi ko̱ kème koung namkè bi.

2 Thessalonicienli 2:14

Da kème di oui baï on ka mboro bèlabaï na, baï an ouime jing jonafèn a Nanjou na Jésus‐Christ.

Saint Luc 18:7

Da koukoulion Ouone mi wal baï hi kli on ko̱ kème sane kli tèn kala bon, ko̱ sa jo̱jo̱ nè ka mbiléou, ka séssé da ka hangnachoung, da mono, kè pa monè nyèta jing kli ya lé?

1 Corinthienli 1:21

Baï ko̱ jing cho̱kna a Ouone koukoula aïn ka mboro cho̱kna amè, mi tane ga tou Ouone ya. Da Ouone ko̱ on bèl monè ta baï kouna kli on, ko̱ mi la bilaou ka mboro fèn ngawa on ka ba sana mboura hi kli.

2 Corinthienli 12:15

Da ami, mè ji baï hina fèn ka wala, bo̱l tèn ko̱ njèran ni mi o̱ baï toul laou baï. Tokoré ko̱ mème sé hang baï nyèta guèbambèl, oui ma sé hang ni païn on lé?

2 Tim 1:1

Paul, njou‐mboro‐pina a Christ‐Jésus, baï kaouna mara fal toula Ouone, ka mboro bina gonjaka a yana on ko̱ mi na ka bila Christ‐Jésus,

2 Tim 2:1

Mono on, goune mi, mono mi pou mo ka ndingna mbo̱l on ko̱ mi na ka bila Christ‐Jésus.

Tite 1:1

Paul, koï a Ouone, da njou‐mboro‐pina a Jésus‐Christ ka mboro tounassaon akli on ko̱ Ouone mi sane kli, baï an klime tou babaï on nguite ko̱ mi na ka mboro pèngna bong njaka Ouone,

Saint Luc 22:57

Da Pierre mi njé njaka, ka sa: Waïn, mè tane ga tou nè ya.