2 Tim 1:9 - Féké Testament 1947

⁹ Kè on ko̱ mi kou na, da di na jing dina on ko̱ ba tangna fofoto ko̱ mi tane ti ba mboro pina na ya, da ka titilikè ka ba mboro dodok badinafèn nè, jing ndingna mbo̱l, ko̱ kème hi na ka bila Christ‐Jésus ka titilikè ambèl hi name mossona koukoula.

2 Tim 1:9 ပူးပေါင်းရင်းမြစ်များ

Romainli 16:25

Da an kè on ko̱ njèrèn baï pouna mone baï ka mbora bèlabaï ni, ka mboro sana mboura a Jésus‐Christ mabong baï on ko̱ mi wéré nonkè bi kala, didissi baï on ko̱ mi mou ka foli jinguèl ka titilikè ambèl hi name mossona koukoula.

Tite 1:2

baï hina oliya yana kambèlè, ko̱ Ouone, kè on ko̱ mi tane ma baï bana wo̱ko̱ ya, mi bi gonjakè ka titilikè ambèl hi name mossona koukoula,

Romainli 9:11

Da ko̱ goundi mi tane ga tèn ya, da ko̱ kli ga nding bèlafèn maléba békéfèn ya, da baï badinafèn a Ouone ka mboro on ko̱ kè sane kli mi na bi, da mi tane ti ka ba mboro pina ya, da ka ba mbora kè on ho̱kè ko̱ mi di kli,

Saint Jean 17:24

Baba, mè ji ba guèl on ko̱ mème kaou, kli on ko̱ mome hi kli hi mi tou, mi ndé kaou jing mi an ndourou kéng, baï an klime ko̱ jonafèn ni, jonafèn on ko̱ mome hi mi tou, baï ko̱ mome sé hang ni ka titilikè ambèl hi name mossona koukoula aïn.

Éphésienli 1:11

Name ndé tèn ba njou‐yana péléli ka bilè kéng, baï ko̱ mi ti sane na ka tang ambèl ka mboro badinafèn nè ko̱ kème nding fènli bon ka bong kèrafèn nè ko̱ mi na mara fal toulè,

Apocalypse 13:8

Da kli bon on ko̱ bi akli toul koukoula ma houkou an mbèlè ka hiou nè, kli mbéo mbéo bon on jinguèl ka titili mossona koukoula ko̱ ling kli tane ga dé an bil takarata yana a Goune badoua ya, kè on ko̱ kli i nè.

1 Titili Takarata a Pierre ko̱ dé 1:20

Kè on ko̱ kè badi guina amè ka titilikè ambèl mossona koukoula, da kè tèn nè bi kala ka sèkèrè name aïn baï toul baï,

Saint Jean 17:9

Mè hiou mo baï toul kli. Mè tane ga hiou mo ba baï toula bilkaou koukoula aïn ya, da ba baï akli on ko̱ mome hi mi, baï ko̱ kli ba amo;

1 Titili Takarata a Pierre ko̱ dé 2:9

Da oui ba mèrèn on ko̱ Ouone mi sane tou, oui ba njou‐pina gangna sacrificateurli, tangna fofoto pime pouli, dodok njoukouli a Ouone, an ouime to̱ko̱ guédék on a kè on ko̱ di oui tèn gui kala an bil yilime, da gui mona kakaïya takanaguèl amè.

Hébreuli 3:1

Mono on, tangna fofoto yindi on, ko̱ jing mbé dina ko̱ gui ka nonkala, oui ko̱ Jésus, ko̱ ba njou‐mboro‐pina on da zaworo sacrificateur a tounassaon ama.

Éphésienli 2:5

da tongna on ko̱ name ba houl ka mboro séla guingna na, kème féré yana hi na ka bila Christ, (ko̱ mi kou na ka mboro ndingna mbo̱l),

1 Thessalonicienli 4:7

Baï ko̱ Ouone mi tane ga di na baï ndingna ladidifèn ya, da ba baï wala mona bi baï nè fènè.

1 Corinthienli 1:18

Baï ko̱ sana mboura toul di‐croix ba fèn ngawa jing kli on ko̱ mi limna; da ama ko̱ mi kou tou on ba njèran a Ouone.

Saint Jean 6:37

Njoukouli on bon ko̱ Baba fènè mi hi kli hi mi, kli ma gui moni, da kè ko̱ mi gui moni mè ba bouna nè kala tane tiya;

Apocalypse 17:8

Naïn on ko̱ mo ko̱ nè mana jinguèl da ti ba kassénaï ya. Kè hèdi baï héna gui kala an loukou lo̱ko̱ ko̱ sèkèrèkè mi tiya yilime, da sé guèl hèlè a zabolo. Da kli on ko̱ bi an toula koukoula, yé laou kli mi dou, kli on ko̱ mi tane ga dé ling kli an bil takarata a yana jinguèl ka titili name mossona koukoula ya, ko̱ kli ko̱ naïn on, ka mboro hani ko̱ kè mi yé jinguèl da kè ti ba ka kassénaï ya, da kè ma gui.

Éphésienli 3:11

ka mboro badinafèn on kambèlè, ko̱ kème badi jinguèl ka tang ambèl baï ndingnakè ka bila Christ‐Jésus Nanjou na.

Romainli 3:20

Baï ko̱ ka mboro pina guingna tane ma baï ndingna naïn‐mone hana mbéo gui guédék an nonè ya, baï ka mboro guingna mi ko̱ none békéfèn wéré bi kala.

1 Timothée 1:1

Paul, njou‐mboro‐pina a Christ‐Jésus ka mboro bina baïnjaka Ouone Njou‐yana‐baï‐toul ama, da Christ‐Jésus ko̱ ba oliya na,

Éphésienli 1:9

da kème to̱ko̱ hi na didissi baï on ko̱ mi na mara fal toulè, ko̱ mi na hang‐è bèlta ko̱ kème badi ti dambèl ka bilè fènè,

Romainli 9:24

Na mini, ko̱ kème ndé di na kéng tane ti ba an wora Juifli ka ho̱ko̱ kli ya, da ndé tèn an wora Gentili kéng.

Saint Luc 10:21

Ka l’heure o̱kèo̱ Jésus jangndaï ka esprit, da kè sa: Mè kaou koukoula hi mo, O Baba, Nanjou an nonkala da an koukoula, baï ko̱ mome mou fèn aïnli jing cho̱kna njoukouli tèn kli on ko̱ tou fèn ta, da mo to̱ko̱ saon fèn aïnli hi ba joï goundi, babaï Baba, mè jone mo toul fèn on ko̱ mome ko̱ bèl mono ta.

Saint Matthieu 1:21

da yé kè ma mboung ba goune wonron, da mo ma bi ling‐è ba Jésus; baï ko̱ kè mini ko̱ ma kou njoukou nèli baï békéfèn aklili.

Pinali a Njou‐Mboro‐Pinali 2:47

kli jone Ouone ta, da njoukouli bon ko̱ kli bèl mone kli ta. Da Nanjou mi kon njou‐afékéli on ko̱ kou tou toul kli name bon.

Pinali a Njou‐Mboro‐Pinali 15:18

Ko̱ mi toutou ka tang ambèl ka titilikè.

Romainli 11:14

Mono ka touya mè ma zara mèran njou‐naïn monili an klime passèra, da mè ma kou hanali an woro kli.

Romainli 11:29

Baï ko̱ toul ndo̱ko̱li a Ouone da dina on ko̱ kème di njoukouli mi tane ma baï komonakè ya.

Philippienli 3:14

Da mème laïbi ngouna baï tèna sèkèrèkè, ka ya toul ndo̱ko̱ aïn, ko̱ Ouone mi di mi an nonkala baï yanakè ka bila Christ‐Jésus.

2 Tim 1:1

Paul, njou‐mboro‐pina a Christ‐Jésus, baï kaouna mara fal toula Ouone, ka mboro bina gonjaka a yana on ko̱ mi na ka bila Christ‐Jésus,