2 Tim 1:8 - Féké Testament 1947

⁸ Mono on, chonron mi tane sé mo baï toul bongbaï a Nanjou na gounfènakè ya, tèn mè ko̱ ba njou‐jo̱bo̱ nè, da mo bou toulo̱ to̱ko̱nassé jing mi baï toul bèlabaï ka mboro njèran a Ouone.

2 Tim 1:8 ပူးပေါင်းရင်းမြစ်များ

Romainli 1:16

Baï ko̱ chonron tane ga sé mi baï a bèlabaï ya, baï ko̱ on ba njèran a Ouone, baï jingna yana‐baï‐toul hi njoukouli on bon ko̱ mi la bilaou, da hi Juifli ka titilikè da ndé hi Grecli kéng.

Saint Marc 8:38

Baï ko̱ njoukouna ko̱ mi nding chonron baï touli da baï toul baïnjaka nili an wora mèrèn béké njou‐maïn aïnli, yé Goune a njoukou ma ndé nding chonron baï toulè kéng, ka name on ko̱ kème guè an bil jonafèn a Baba nè jing tangna fofoto angeli.

2 Tim 4:5

Da amo mo kaou wang jing fènli bon, mo bou toulo̱ jing fèn ko̱ mba njako̱, mo nding pina évangéliste, da nding bakara no bon.

Apocalypse 12:11

Da kli gnèrèn nè baï njéna ka ba séme a Goune badoua on, da ka mboro baïnjaka a sana bongbaï akli, da kli tane ga sé hang yana akli ya, tongna bo̱l tèn houl.

2 Tim 2:9

ka mboro baï on ko̱ mème to̱ko̱ssé bo̱l tèn gnana mi an bil sal réme, mahana ka njou‐séla guingna. Da baïnjaka Ouone mi tane ga gna bi ya.

2 Tim 1:12

Da baï toul fèn on mi ndé to̱ko̱ssé hi mi kéng, da chonron mi tane ga sé mi ya, baï ko̱ mème tou kè on ko̱ mème la ilaou‐è da on mi kara mi ka babaï, ko̱ njèran nè mi ma baï pèngna fèn on ko̱ mème yèng hi nè baï pèngnakè bo̱l tèn name on.

Éphésienli 3:1

Baï toul baï on, mè Paul ko̱ ba njou‐jo̱bo̱ a Jésus‐Christ baï toul baï, oui mèran gentili,

Philippienli 3:10

baï an mème tou nè da njèran tomnahoul amè, da vona jing to̱ko̱nassé nè, da gui mahana ka kè ka mboro houlè.

Saint Luc 9:26

Baï njoukouna ko̱ mi nding chonron baï touli da baï toul baïnjaka nili, yé Goune a njoukou ma ndé bi chonron baï toulè kéng, ka name on ko̱ kème guè an bil jonafèn nè, da an bil jonafèn a Baba; da tangna fofoto angeli.

2 Tim 1:16

An Nanjou mi nding haïo hi njou‐voula Onésiphore, baï ko̱ kème pou moni bo̱ko̱ nyèta, da chonron mi tane ga sé nè baï toul sal réme nili ya.

Éphésienli 4:1

Mono on, mè ko̱ ba njou‐jo̱bo̱ ka bila Nanjou, mè sa jo̱jo̱ baï nyèta an bong séna abaï mapélékè baïnjaka on ko̱ kème di oui jing rou,

Apocalypse 1:9

Mè, Jean yine baï da ndo̱ko̱ba baï an guèl to̱ko̱nassé da bilkaou da laïnabi on ko̱ mi na an bila Jésus, mè makaou jinguèl an bil koua on ko̱ kli bi lingkè ba Patmos, baï a baïnjaka a Ouone da bongbaï a Jésus.

Jude 1:24

Da a kè on ko̱ ma baï guéra oui, an oui mi bèn ya, da bi oui an none jonafèn amè, ka rongo ka wal nyèta,

1 Titili Takarata a Pierre ko̱ dé 1:5

Ko̱ ka njèran a Ouone mi pèng oui ka mboro tounassaon, baï an name jing yana‐baï‐toul on ko̱ mi mosso tou baï bina saoukè kala ka sèkèrè name!

2 Tim 2:3

Mo bou toulo̱ baï to̱ko̱nassé jing mi mahana ka bèla tourougou a Christ‐Jésus.

1 Thessalonicienli 3:4

Baï ko̱ ka babaï ko̱ name pane kaouna jing oui jinguèl, na ti sa hi oui ka kome, ko̱ yé na ma to̱ko̱ssé, mahana ka on ko̱ mi kan tou, da oui toutou.

Philippienli 1:7

On mi na guédék ko̱ mème bi hang ni mahana ka on toul baï bon, baï ko̱ oui mi na hang ni, da toul kaouna jo̱bo̱ ni, da baï ko̱ mème guéré bèlabaï pou bi, da mi na ba babaï, oui bon mi ya mbé ndingna mbo̱l o̱kéo̱ jing mi.

Éphésienli 3:13

Baï toul baï on, mè sa jo̱jo̱ baï an ouime tane yèng noungna sél on ya, baï toul to̱ko̱nassé on ko̱ tèn mi baï toul baï; to̱ko̱nassé on ko̱ ba jonafèn abaï.

Romainli 16:25

Da an kè on ko̱ njèrèn baï pouna mone baï ka mbora bèlabaï ni, ka mboro sana mboura a Jésus‐Christ mabong baï on ko̱ mi wéré nonkè bi kala, didissi baï on ko̱ mi mou ka foli jinguèl ka titilikè ambèl hi name mossona koukoula.

Titili Takarata a Jean ko̱ dé 4:14

Da na, name ko̱ tou, ka sa bongbaï on ko̱ Baba mi pi ba Goune fènè baï guina Njou‐yana‐baï‐toul a njou‐koukoulali.

2 Tim 4:17

Da Nanjou mi o bèl moni, ka hi njèran hi mi, mono on ka mboro ni sana mboura bèlabaï on mi yaïli manguèl bon, da mèran gentili bon ma la, da mi lé mbèli an njaka mamou tou.

Philippienli 4:13

Mè ma baï ndingna fènli bon ka bila kè on ko̱ mi hi njèran hi mi.

Romainli 9:33

Mahana ko̱ mi dé: Oui ko̱, mè bou kone on ko̱ ba kone bèna an guèl Sion, Da loukou kone on ko̱ ba fèn bèna. Da njoukou on ko̱ mi la bilaou‐è yé chonron ba séna nè tane tiya.

Pinali a Njou‐Mboro‐Pinali 5:41

Da klime tèn kala an mona njou‐walabaïli jing jangnandaï maïya, baï ko̱na kli mapélékè baï to̱ko̱nassé chonron baï toul ling a Jésus.

Apocalypse 19:10

Da mè lé bou koukoula bèl bo̱kè baï hiouna nè. Da kè sa hi mi: Mo yèng ka nding on ya! Mè ba njou‐ndo̱ko̱ba bakara jing mo, da jing yine noli, ko̱ pèng sana bongbaï a Jèsus. Mo hiou ba Ouone. — Baï ko̱ sana bongbaï a Jésus mi ba esprit a to̱ko̱na bong njaka Ouone.

Apocalypse 1:2

Kè on ko̱ sa bongbaï a baïnjaka a Ouone da bongbaï a Jésus‐Christ, toul fènli on bon ko̱ kè ko̱.

1 Corinthienli 1:6

mahana ka on ko̱ bongbaï a Christ mi ba pou an woro baï.

Saint Jean 19:35

Da njoukou on ko̱ mi ko̱ tou, kè sa bongbaï on, da sana bongbaï nè on ba babaï; da kème toutou ko̱ kème sa ka babaï, baï an ouime ndé la bilaou kéng.

Colossienli 1:24

Da kassénaï mè jangndaï an bil to̱ko̱nassé baï toul baï; baï gara fèn on ko̱ mi pènrèn jing to̱ko̱nassé a Christ, mè ya bi naïn‐moni baï toul kli‐monè, on ko̱ ba église fènè.

Éphésienli 4:17

Mono fèn on ko̱ mème sa, da mème sa bongbaï ka bila Nanjou an ouime tane sé mahana ka gentili ba aféké ya, ko̱ klime sé jing béké kèrafèn bo̱on an laou kli.

2 Corinthienli 6:7

da jing baïnjaka babaï, tèn jing njèran a Ouone, da jing fèn béréli a guédék an mboro wonron ndo̱ko̱ tèn an mboro waïn ndo̱ko̱;

Romainli 8:36

Mahana ko̱ mi dé: Baï toulo̱ mi ko̱ name bou mona houl name bon, Kli ko̱ na mahana ka badouali on ko̱ klime guè baï ina kli.

Saint Jean 15:27

Da yé oui ma ndé sa bongbaï ni kéng, baï ko̱ ouime ti kaou jing mi ambèl ka titilikè.

1 Timothée 2:6

kè on ko̱ mi hi monè fènè ba fèn chona baï toula njoukouli bon. Baï ko̱ bongbaï nè fènè ma to̱ko̱ name nè.

Colossienli 1:11

Da oui bon mi pou bi ka njèran bon, ka mboro njèran a jonafèn nè, baï ko̱ oui mi laïbi jing vonamboï ka jangnandaï.

2 Tim 1:10

Da mi bi saonkè kala tou kassénaï ka mboro guina Njou‐yana‐baï‐toul ama Christ‐Jésus, kè on ko̱ mi gnèrèn houl tou, da bi none yana da fèn on ko̱ mi ba poumna tane tiya, kala ka mboro bèlabaï.

2 Tim 2:8

Mo bi laou‐o̱ toula Jésus‐Christ, kè ba mèran David, ko̱ mi tome an wora houli bong bèlabaï ni,