2 Tim 1:7 - Féké Testament 1947

⁷ Baï ko̱ Ouone mi tane ga hi esprit waou hi na ya, da ba laou ka njèran da sénahang tèn ho̱ko̱na.

2 Tim 1:7 ပူးပေါင်းရင်းမြစ်များ

Romainli 8:15

Baï ko̱ oui tane ga ya esprit koï baï féra ndingna waou ba aféké ya; da ouime ya ba esprit féra tèn dodok goune, ka bila Esprit on ko̱ name wan njaka guè siya ka sa: Abba! Baba!

Titili Takarata a Jean ko̱ dé 4:18

Waou mi tane ti jing sénahang ya, da sénahang on guédék mi ni waou; baï ko̱ waou ba fèn to̱ko̱nassé, da kè on ko̱ mi ngou waou kème tane ga ti guédék jing sénahang ya.

Galateli 5:22

Da léna a Esprit ba, sénahang, jangnandaï, go̱ro̱ iki, kaouna vomboï, pan bil, bèla go̱ro̱, laïnabi,

Saint Jean 14:27

Mè yèng go̱ro̱ iki hi oui, da mè hi go̱ro̱ iki hi oui. Mè tane ga hi oui mahana ko̱ bilkaou koukoula mi hi ya. Laou baï mi hou mbi ya, da laou baï mi tane sé siya ya.

Saint Luc 10:19

Oui ko̱, mè hi njèran hi oui, baï ndana toula choïli da ndaïli, da toula njèran a bakèo̱ bon; da fèna mbéo tane ma baï ndingna bèlya jing oui ya.

Pinali a Njou‐Mboro‐Pinali 1:8

Da yé oui ma ya njèran ko̱ Saint‐Esprit mi gui toul baï, da yé oui ma sa bongbaï ni pou Jérusalem, da an guèl Judée, da an guèl Samarie, da do̱li sé bo̱l tèn sèkèrè guèl ndèk an koukoula aïn.

Romainli 5:5

Da oliya mi tane hi chonron ya, baï ko̱ sénahang a Ouone mi bèrè kon bil go̱ro̱ na, ka mbora Saint‐Esprit on ko̱ kème hi jinguèl hi na.

Hébreuli 2:15

Mono on kè ma baï séla kli on bon ko̱ tèn ba koï an bo̱ko̱ jo̱bo̱, ka mboro ngouna waou houl, guèbassoko mane saka akli bon.

Pinali a Njou‐Mboro‐Pinali 20:24

Da mè tane ga ko̱ yana ni mahana ka bèlafèn an noni ya, baï ko̱ yé mè ma baï tèna sèkèrè mboro ni, jing ndingna bakara on ko̱ Nanjou Jésus mi hi mi, baï sana bongbaï toul bèlabaï ndingna mbo̱l a Ouone.

1 Corinthienli 2:4

da baïnjaka ni tèn fèn ko̱ mème sa mboura hi oui, tane ti ba baï mongnafèn jing cho̱kna ya, da ba baï to̱ko̱na pina Esprit da njèran bi kala.

Saint Luc 24:49

Da mono, mè ma pi kè on ko̱ Baba ni bi gonjakè hi oui; da oui kaou an pou Jérusalem bo̱l tèn oui bou njèran ko̱ mi tèn an nonkala da.

Pinali a Njou‐Mboro‐Pinali 10:38

ka mboro on ko̱ Ouone mi mèn Saint‐Esprit, da njèran kon toula Jésus an pou Nazareth, kè on ko̱ mi sé manguèl baï ndingna bèlafèn, da baï séla kli on bon ko̱ zabolo mi ya kli ka koï, baï ko̱ Ouone mi kaou jing nè.

1 Titili Takarata a Pierre ko̱ dé 1:22

Baï ko̱ ouime tourou laou baï ka mboro lana babaï, da oui sé hang yindi mahana ka yine baïli ka babaï oui sé hang hana nyè maïya ka go̱ro̱ bon.

Pinali a Njou‐Mboro‐Pinali 21:13

Mono Paul mi féré sa: Baïfèn da ouime nding fèn lénaléou da ho̱ko̱ laou ni on lé? Baï ko̱ mème tane hèdi ba baï gnana mi ka ho̱kè ya, da ba baï ndé houl kéng an pou Jérusalem baï toul ling a Nanjou Jésus.

Colossienli 1:8

Kème ko̱ to̱ko̱ bongkè hi na kéng, sénahang abaï ka bila Esprit.

Pinali a Njou‐Mboro‐Pinali 6:8

Da Étienne mi mba ka ndingna mbo̱l da ka njèran, nding loukou fèn sakamli da fèn to̱ko̱nakèli an wora njoukouli.

Pinali a Njou‐Mboro‐Pinali 9:22

Da Saul mi gui njèrèn ta guèbambèl. Da laou a Juifli on ko̱ bi an pou Damas mi dou maïya, baï ko̱ kème sa saonkè hi kli ko̱ Jésus ba Christ.

Saint Luc 8:35

Da klime tèn kala ka gui baï ko̱na fèn on ko̱ mi tèn. Da kli gui mona Jésus, da ko̱ njoukou on ko̱ zabololi mi tèn an bilè tou, da kè kaou an mbèla Jésus ka bou la, da nonè mi taka tou; da waou mi i kli ta.

Pinali a Njou‐Mboro‐Pinali 26:25

Da Paul mi féré sa: Mè tane ga ti ba ngawa ya, bèla Festus, da mème sa tang baïnjaka ka babaï, jing bèla kèrafèn.

Saint Luc 15:17

Da ko̱ kème kèrè fal monè tou, kè sa: Njou‐bakarali an baba ni mi ro̱ko̱ andé ko̱ kaou jing laka ka son, ko̱ mi ta toul kli, da nzala i mi an guèl aïn bo̱on lé?

Pinali a Njou‐Mboro‐Pinali 26:11

Da mème sène kli bo̱ko̱ ro̱ko̱ta mane synagogueli bon, mè to̱ko̱séé hi kli baï poukouna Ouone, hèrè mi ba mi nyèta jing kli, da mème sène kli bo̱l tèn toul pouli.