2 Tim 1:3 - Féké Testament 1947

³ Mè kaou koukoula hi Ouone, kè on ko̱ mème nding bakara hi nè jing laou‐tounafèn tang fofoto, mahana ko̱ tangko nili mi ti nding bakara hi nè jinguèl, baï ko̱ mème bi hang ni toulo̱ da sa jo̱jo̱ Ouone ka hangnachoung tèn séssé.

2 Tim 1:3 ပူးပေါင်းရင်းမြစ်များ

Hébreuli 13:8

Jésus‐Christ mahana ka léou, da kassénaï da guèbassoko.

Pinali a Njou‐Mboro‐Pinali 23:1

Da Paul mi ènrèn njou‐walabaïli mbilïli, ka sa: Yindi mè kaou an nona Ouone ka bèla laou‐tounafèn bo̱l tèn kassénaï.

Pinali a Njou‐Mboro‐Pinali 24:14

Da fèn on mè sa bi kala hi mo ko̱, ka Mborakè on ko̱ klime bi ling‐è ba tènrèn baï, mono mè hiou ba Ouone a tangko nili, ka la bilaou a fènli bon on ko̱ mi dé an bil guingna, da fènli bon on ko̱ mi dé an bil prophèteli,

1 Timothée 1:19

Mo pèng tounassaon jing bèla laou‐tounafèn baï ko̱ njoukou hanali mi bo mbora kli tou, baï toul tounassaon, mahana ka kombone ko̱ mi bine an bil mbi.

1 Timothée 1:5

Da hina bina baïnjaka on ba sénahang ko̱ mi gui ka tangna go̱ro̱, da bèla laou‐tounafèn tèn tounassaon ka babaï.

Pinali a Njou‐Mboro‐Pinali 24:16

Baï on mi ko̱ mè joung hang ni baï kaouna ka laou‐tounafèn ni tang guèbassoko an nona Ouone tèn nona njoukouli.

Pinali a Njou‐Mboro‐Pinali 22:3

Mè ba Juif, ko̱ mi tèn an pou Tarse, an guèl Cilicie. Mè hon an bil pou aïn, an bo̱ko̱ ndo̱ka Gamaliel, kème ko̱ to̱ko̱ mboro guingna a tangko nali tang guédék hi mi, da noni mi sènta toul baï a Ouone, mahana ka oui bon kassénaï.

2 Tim 3:15

Da bo̱l tèn ko̱ mo mi pane ba joï goune, mo toutou tangna fofoto Takarata a Ouone, on ko̱ ma baï hina cho̱kna hi mo baï jingna yana‐baï‐toul ka mboro tounassaon on ko̱ mi na ka bila Christ‐Jésus.

2 Tim 1:5

Ko̱ laou ni mi déou toul tounassaon on ko̱ mi na an bilo̱ lodok, on ko̱ mi bi ka titilikè an bila za no Loïs, tèn an bila ma no Eunice da on mi kara mi ka babaï ko̱ mi ndé bi an bilo̱ kéng.

1 Thessalonicienli 3:10

Name laïbi hiouna Ouone guèbassoko ka hangnachoung tèn séssé an name ma baï ko̱na none baï, baï an name ma baï léna mbèl tounassaon abaï gui guédék jing fèn on ko̱ ouime pènrèn.

Éphésienli 1:16

mè laïbi kaouna koukoula hi Ouone baï toul baï, ka di ling baï ko̱ mème hiou nè,

Galateli 1:14

Da mème tou tènrèn baï a Juifli ta njoukou hanali nyèta ko̱ saka kli mi mahana jing mi an wora mèran njou‐pou nili, baï ko̱ noni mi sènta baï pèngna tangbaï a tangko nili.

2 Corinthienli 1:12

Baï ko̱ jangnandaï na mini, laou‐tounafèn na mi ko̱ sa bongbaï ko̱ ka tangna go̱ro̱ fofoto da déléng a Ouone da tane ti jing chokna a naïn‐mone da jing ba ndingna mbo̱l a Ouone, name sé an koukoula aïn, da ta nyèta guèbambèl an none baï.

Romainli 9:1

Mè sa babaï ka bila Christ, mè tane ga ba wo̱ko̱ ya. Laou‐tounafèn ni mi sa bongbaï jing mi ka bila Saint‐Esprit;

Pinali a Njou‐Mboro‐Pinali 27:23

Baï ko̱ ange a Ouone, kè on ko̱ mè ba amè da ndé nding bakara hi nè kéng mi o bèl moni ka hangnachoung aïn,

Pinali a Njou‐Mboro‐Pinali 26:4

Mono on ka mboro yana mi ko̱ mème pane ka bala goune, Juifli bon mi ndé toutou mboro fèn ndingna ni, ka titilikè ko̱ mème kaou an gadi pou ni fèni, da an pou Jérusalem.

Saint Luc 2:37

Da kème kaou ba waïn soré mane saka bongkè‐difala‐saï‐faltoulkè‐nèng, ka tane ourou an bil temple ya. Kè laïbi ndingna bakara hi Ouone ka hangnachoung tèn séssé jing changna laka ka sana jojo Ouone.

1 Timothée 5:5

Da kè on ko̱ ba waïn sé ka babaï, da kaou bo̱on, kème bi hang‐è toul oliya Ouone, da laïbi ka sa jo̱jo̱ nè da hiou Ouone ka hangnachoung tèn séssé.