2 Tim 1:12 - Féké Testament 1947

¹² Da baï toul fèn on mi ndé to̱ko̱ssé hi mi kéng, da chonron mi tane ga sé mi ya, baï ko̱ mème tou kè on ko̱ mème la ilaou‐è da on mi kara mi ka babaï, ko̱ njèran nè mi ma baï pèngna fèn on ko̱ mème yèng hi nè baï pèngnakè bo̱l tèn name on.

2 Tim 1:12 ပူးပေါင်းရင်းမြစ်များ

2 Tim 1:8

Mono on, chonron mi tane sé mo baï toul bongbaï a Nanjou na gounfènakè ya, tèn mè ko̱ ba njou‐jo̱bo̱ nè, da mo bou toulo̱ to̱ko̱nassé jing mi baï toul bèlabaï ka mboro njèran a Ouone.

Jude 1:24

Da a kè on ko̱ ma baï guéra oui, an oui mi bèn ya, da bi oui an none jonafèn amè, ka rongo ka wal nyèta,

1 Titili Takarata a Pierre ko̱ dé 4:19

Baï on, an kli on ko̱ to̱ko̱ssé ka mboro kaouna mara fal toula Ouone mi do̱li hi laou akli hi lodok Njou?-?mossonafèn, ka mboro ndingna fèn ko̱ bélta.

2 Tim 4:8

Afal, kassénaï on mi pèng mbélé couronne a guédék bi koro mi, ko̱ yé Nanjou njou‐walabaï guédék ma hi mi ka name o̱kèo̱, da tane ti ba mè ka ho̱ko̱ ni ya da ba kli bon on ko̱ mi ndé sé hang guina nè kéng.

Hébreuli 7:25

baï on kéng, kè ma baï kouna kli on guédék, ko̱ gui mona Ouone, ka mboro nè ko̱ kè yan jing yana guèbassoko baï hiouna Ouone kon toul kli.

1 Timothée 6:20

O Timothée, mo pèng fèn on ko̱ mi yèng bi ndo̱ko̱ da mo ènrèn mono jing bong tangbaï poukouna fèn da fana baï cho̱kna on ko̱ njoukou mi di ba cho̱kna da ko̱ ba wo̱ko̱,

Romainli 1:16

Baï ko̱ chonron tane ga sé mi baï a bèlabaï ya, baï ko̱ on ba njèran a Ouone, baï jingna yana‐baï‐toul hi njoukouli on bon ko̱ mi la bilaou, da hi Juifli ka titilikè da ndé hi Grecli kéng.

Saint Matthieu 24:36

Da baï a name o̱kèo̱ tèn l’heure o̱kèo̱, njoukouna mbéo mi tane tou ya, yé angeli an nonkala tou ya, maléba Goune, bo̱l ba Baba ni fènè ka ho̱kè.

1 Titili Takarata a Pierre ko̱ dé 1:5

Ko̱ ka njèran a Ouone mi pèng oui ka mboro tounassaon, baï an name jing yana‐baï‐toul on ko̱ mi mosso tou baï bina saoukè kala ka sèkèrè name!

2 Tim 1:18

An Nanjou mi hi nè baï jingna haïo an ndo̱ka Nanjou ka name on. Da bakara on ko̱ kème nding nyèta hi mi an pou Éphèse mo mi ko̱ tou bèl honta njoukou aféké bon.

Philippienli 3:21

Ko̱ yé kè ma komo kli‐mone aïn ko̱ ba chonron hi na, da mosso nè ba kli‐mone ko̱ ba jonafèn nè, ka mboro njèran ndingna pina nè ko̱ mème ma baï ko̱na fènli bon an bo̱ko̱ ndo̱kè.

2 Tim 2:9

ka mboro baï on ko̱ mème to̱ko̱ssé bo̱l tèn gnana mi an bil sal réme, mahana ka njou‐séla guingna. Da baïnjaka Ouone mi tane ga gna bi ya.

Philippienli 3:10

baï an mème tou nè da njèran tomnahoul amè, da vona jing to̱ko̱nassé nè, da gui mahana ka kè ka mboro houlè.

Philippienli 3:8

Ka babaï, mè ko̱ fènli bon na bo̱on, baï ko̱ kakaïya fèn ba touna Christ‐Jésus, Nanjou ni, da baï toulè mi ko̱ mè njomo fènli bon, da mème ko̱ fènli on bon mahana ka wènrèn, baï an mème jing Christ.

1 Corinthienli 3:13

baï ko̱ yé namkè ma to̱ko̱ bi kala, baï ko̱ yé hèlè mi ko̱ wal sélkè, da hèlè ma lé pina njoukouli mane mbéo mbéo bon, kong ba na ane dé.

Saint Jean 17:15

Mè tane ga hiou mo an mome téne kli tèn kala an wora njou‐koukoulali ya, da ba baï an mome pèng kli baï an klime tane hèdi békéfèn ya.

Saint Matthieu 12:21

Da pime pouli ma oli ka ling‐è.

Romainli 9:33

Mahana ko̱ mi dé: Oui ko̱, mè bou kone on ko̱ ba kone bèna an guèl Sion, Da loukou kone on ko̱ ba fèn bèna. Da njoukou on ko̱ mi la bilaou‐è yé chonron ba séna nè tane tiya.

1 Titili Takarata a Pierre ko̱ dé 4:16

Da tokoré njoukouna mi to̱ko̱ssé baï ko̱ kè ba chrêtien, dadaon chonron mi sé nè ya, an kème jone Ouone ka ling aïn.

Hébreuli 12:2

Da nona mi ènrèn gui ba mona Jésus ko̱ ba zaworo a tounassaon na da njou‐ndingnakè guédék, kè on ko̱ to̱ko̱ssé an di‐croix ka jèk chonron baï ba jangnandaï on ko̱ mi yèng bi baï nè, da kème kaou tou ka mboro wonron ndo̱ko̱ kangala njaka bara a Ouone.

Hébreuli 2:18

Baï ko̱ kè fènè mi to̱ko̱ssé an bil yakanafèn jinguèl, kè ma baï léna mbèla kli on ko̱ fèn mi yak kli.

1 Thessalonicienli 2:16

Klime dèn na baï sana baï hi gentili an mi ma an klime kou, mono on, békéfèn klili mi mba jètètè guèbassoko. Da hèrè mi na bi toul kli bon bo̱l tèn sèkèrèkè.

Philippienli 1:20

Ka mboro douna go̱ro̱ ni jing fèn on ko̱ mème oli, baï ko̱ yé chonron ba séna mi tane tiya, da tane waou ndo̱t kassénaï mahana ka guèbassoko mè ji jona Christ ka bil kli‐moni, tongna mème yan, maléba tokoré mème hou;

Pinali a Njou‐Mboro‐Pinali 21:13

Mono Paul mi féré sa: Baïfèn da ouime nding fèn lénaléou da ho̱ko̱ laou ni on lé? Baï ko̱ mème tane hèdi ba baï gnana mi ka ho̱kè ya, da ba baï ndé houl kéng an pou Jérusalem baï toul ling a Nanjou Jésus.

Pinali a Njou‐Mboro‐Pinali 13:50

Da Juifli mi bakèdakè jing ho̱ko̱na waïnli on ko̱ mi pèng bong njaka Ouone tèn loukou njoukouli a pou baï sèna Paul da Barnabas, baï an klime ni kli guèfal an bil sél koukoula kli.

Pinali a Njou‐Mboro‐Pinali 13:46

Da Paul kira Barnabas mi sa baï ndo̱t bi none kli, ka sa: On ba baï toul baï baï to̱ko̱na baïnjaka Ouone hi oui ti dambèl; da ba baï ko̱ ouime pong baï aïn tou, oui fèn baï mi wal baï, ko̱ oui tane ga mapélékè baï yana kambèlè ya, mono na ma ki ka sé guè mona mèran gentili.

Pinali a Njou‐Mboro‐Pinali 9:16

baï yé mè to̱ko̱ fènli on bon hi nè, ko̱ ma baï an kème to̱ko̱ssé jing rou baï toul ling ni.

Pinali a Njou‐Mboro‐Pinali 7:59

Ko̱ klime pane wouna Étienne ka kone, kème hiou Ouone ka sa: Nanjou Jésus, mo ya esprit ni!

Saint Jean 6:44

Njoukouna mbéo tane ma baï guina moni ya, wara ko̱ Baba fènè ko̱ pi mi, mi lang nè ya; da mè ma tome nè ka sèkèrè name.

Saint Luc 23:46

Da Jésus mi wan njaka mingta, ka sa: Baba, mè hi esprit ni bi ndo̱ko̱. Da ko̱ kème sa on tou kè yèng esprit nè:

1 Thessalonicienli 5:4

Da abaï yindi oui tane kaou an bil yilime ya, baï an name on mi lé toul baï mahana ka njou‐riya ya.

Saint Luc 10:12

Mè sa hi oui, ka name o̱kèo̱ soko, yé barabaï ma lé toul pou on ko̱ ma ta toul barabaï a pou Sodome.

Saint Matthieu 7:22

Da ka séssé o̱kèo̱, yé njoukouli nyèta ma sa hi mi: Nanjou, Nanjou, na to̱ko̱ bong njaka Ouone ka ling‐o̱ jinguèl ya lé? Na ni zabololi tèn kala ka ling o̱ ya lé? Na nding kakaïya pinali ka ling‐o̱ ya lé?

1 Corinthienli 1:8

Yé kè ma ndé pou oui bi kéng bòl tèn sèkèrèkè, baï an ouime kaou ka rongo ka name a Nanjou na Jésus‐Christ.

2 Tim 1:14

Bèla fèn on ko̱ mi hi bi ndo̱ko̱ baï pèngnakè, mo pèng bèlta ka mboro Saint‐Esprit on ko̱ mi bi an bila.

2 Tim 1:16

An Nanjou mi nding haïo hi njou‐voula Onésiphore, baï ko̱ kème pou moni bo̱ko̱ nyèta, da chonron mi tane ga sé nè baï toul sal réme nili ya.

Tite 3:8

Baïnjaka aïn mi na lodok, da mè ji an mome sa toul fèn aïnli njèrèn ta, baï kli on ko̱ mi la bilaou a Ouone tou, mi bi hang kli toul ndingna bèla pina bon. Fèn aïnli mi bèlta an njoukouli mi jing fèn an ndourou.