2 Pierre 3:2 - Féké Testament 1947

² an ouime kèrè baïnjaka on ka laou baï ko̱ tangna fofoto prophèteli mi sa jinguèl, da bina baïnjaka guingna a Nanjou da njou‐yana‐baï‐toul, ko̱ njou‐mboro‐pina abaïli to̱ko̱ hi oui.

2 Pierre 3:2 ပူးပေါင်းရင်းမြစ်များ

Jude 1:17

Da oui on, ko̱ mème sé hang baï nyèta, oui bi hang baï toul baïnjaka on ko̱ njou‐mboro pinali a Nanjou na Jésus‐Christ mi sa jinguèl,

2 Pierre 2:21

Dadaon bèlta baï a kli da tokoré klime tane ga tou mboro guédék jinguèl ya, da afal ko̱ klime tou mborokè tou, kli ki féré fal mbora tangna fofoto bina baïnjaka guingna on ko̱ mi hi kli.

Saint Luc 1:70

Mahana ko̱ kème ti sa jinguèl ka tang ambèl ka njaka tangna fofoto prophète nèli,

Saint Luc 24:44

Da kè sa hi kli: On ba baïnjaka ni, ko̱ mè sa hi oui jinguèl, ko̱ mème pane jing oui, mapélékè a baï ni bon mi wéré kon kala ka babaï, ko̱ mi dé an bil guingna Moïse tèn prophèteli da psaumeli.

Apocalypse 19:10

Da mè lé bou koukoula bèl bo̱kè baï hiouna nè. Da kè sa hi mi: Mo yèng ka nding on ya! Mè ba njou‐ndo̱ko̱ba bakara jing mo, da jing yine noli, ko̱ pèng sana bongbaï a Jèsus. Mo hiou ba Ouone. — Baï ko̱ sana bongbaï a Jésus mi ba esprit a to̱ko̱na bong njaka Ouone.

Éphésienli 2:20

Baï ko̱ mi za oui bi toul bètè a njou‐mboro‐pinali da prophèteli, Jésus‐Christ fènè ba titili kone kouroukè.

Pinali a Njou‐Mboro‐Pinali 28:23

Da ko̱ klime kèn namkè hi nè tou, kli gui nyèta guè monè an bil voulè. Da kème to̱ko̱ saon baï on hi kli, ka sa bongbaï toul bilkaou a Ouone, ka wara kli an toul baï a Jésus ko̱ mi dé an bil guingna Moïse da mi dé an bil prophèteli tinassaonkè ka toula pélé bo̱l tèn bèlaléou.

Pinali a Njou‐Mboro‐Pinali 10:43

Prophèteli bon mi ndé sa bongbaï nè, baï ko̱ ka mboro ling‐è njoukouli mbéo mbéo bon on ko̱ mi la bilaou‐è, yé kli ma jing yèngna bi mboro békéfèn aklili.

Pinali a Njou‐Mboro‐Pinali 3:21

Kè on ko̱ nonkala ma ya nè bo̱l tèn name féra ka kaïn mosso fènli bon bi tang guèlkè, baï on mini ko̱ Ouone mi sa ka tang ambèl ka njaka tangna fofoto prophète nèli.

Pinali a Njou‐Mboro‐Pinali 3:18

Da fèn on ko̱ Ouone mi to̱ko̱ jinguèl ka njaka prophète nèli bon, ko̱ yé Christ nè mi to̱ko̱ssé, kème bi nonkè tèn kala ka babaï tou.

Saint Luc 24:27

Da kè tissaon jing Moïse tèn prophèteli bon, baï to̱ko̱na saon baï an guèli bon ko̱ Takarata a Ouone mi sa baï toulè.

Titili Takarata a Jean ko̱ dé 4:6

Ama, na ba a Ouone. Kè on ko̱ mi toutou Ouone kème la baï na; da kè on ko̱ mi tane ga ti ba a Ouone ya, kème tane la baï na ya. Ka ba mboro on mi ko̱ na toutou esprit babaï tèn esprit a wo̱ko̱.

2 Pierre 3:15

Da an mone tou, vonamboï a Nanjou na ba yana‐baï‐toul, mahana ka yine na Paul, ko̱ name sé hang‐è nyèta, ka mboro chokna ko̱ kè hi nè, mi dé takarata hi oui kéng.

Galateli 6:2

Oui hol hola a njoukou afékéli jing hana, da mahana on oui bou fal guèl njaka guingna a Christ bon tou.

Éphésienli 3:5

Ko̱ nonkè mi tane ga wéré bi kala hi goundi a mèran njoukouli jinguèl ya, mahana on ko̱ mi wéré bi kala kassénaï hi njou‐mboro‐pinali tang fofoto tèn prophèteli ka bila Esprit.

1 Timothée 6:14

Mo pèng bina baïnjaka guingna on, tane bila, ka rongo bo̱l tèn name guina a Nanjou na Jésus‐Christ,

2 Pierre 3:16

Mahana on ko̱ kè ndé kéng bi bil takarata nèli bon on, kè sa toula fèn aïnli, da fèn hanali mi lata baï touna mborokè nguite, da jing kli on ko̱ tou fèn ya, da kli ko̱ laïbi ya joukourou fèn an bilkè, mahana ko̱ kli ndé nding jing Takarata a Ouone afékéli kéng baï houl guèl hèlè a zabolo.