2 Pierre 3:17 - Féké Testament 1947

¹⁷ Mono on, oui ko̱ mème sé hang baï nyèta, baï ko̱ oui tou fènli on jinguèl, ka kome, oui pèng mone baï, baï an béké njoukouli ni ta toul baï ka wo̱ko̱ akli ya, an ouime lé an mboro dodok laïnabi abaï ya.

2 Pierre 3:17 ပူးပေါင်းရင်းမြစ်များ

Hébreuli 3:14

Baï ko̱ name tèn ba ndo̱ko̱ba kira Christ, tokoré name ba titili tounassaon na pou, bo̱l go̱ sèkèrèkè;

Colossienli 2:8

Oui pèng mone baï an njoukouna mi ba oui mahana ka koï ya, ka mboro sénahang cho̱kna nè, da mongnafèn bo̱on, da ka mboro fal tang baï a njoukouli, da ka mboro fal titili fènli an koukoula aïn, da mi tane ti ba ka mboro fala Christ ya.

Éphésienli 4:14

Mono on, an name tane kaou mahana ka goundi ba aféké ya, ko̱ koukouna to̱ko̱na fènli toutoul toutoul bon mi lang na kan kini kan soko, ka fan na mahana ka fèn on ko̱ na none mbi ka mboro cho̱kna bounabong mongnafèn a njoukouli, ko̱ mi mong fèn ka mboro wo̱ko̱li.

1 Corinthienli 15:58

Mono, yine nili ko̱ mème sé hang baï ta, oui kaou wang, an fèna mi lang oui ya, oui taïnkon jing ndingna pina a Nanjou guèbassoko, baï ko̱ ouime toutou ko̱ bakara abaï mi tane ga na bo̱on ya, ka bila Nanjou.

1 Corinthienli 10:12

Mono baï baï on njoukou on ko̱ mi kèrè ba kème o siya dadaon kème ènrèn monè bèlta an kème tane lé ya!

Saint Matthieu 7:15

Oui ngou mboro wo̱ko̱ prophèteli ko̱ bou ga badoua ka gui mone baï, da an bil kli, kli ba naïn loupli ko̱ nzala i kli nyèta.

Romainli 16:18

Baï ko̱ njoukouli mahana ka on mi tane ga nding bakara hi Christ Nanjou na ya, da an bil kli fèn kli, kli mong laou a njoukouli on ko̱ mi kaou ka rongo jing bèla njaka bong baï kli.

2 Tim 4:15

Mo ndé ènrèn mono jing nè kéng, baï ko̱ kème pong baïnjaka na maïya.

2 Corinthienli 11:3

Da mème ngou waou, baï ko̱ ka touya mahana ko̱ choï mi mong Ève jinguèl jing bounabong nè, mono on laou‐kèrafèn abaï mi bo ka mboro kaouna tangna fofoto jing Christ.

Saint Matthieu 16:6

Da Jésus mi sa hi kli: Oui pèng mone baï ka ngou vounafèn a pharisienli da sadducéenli.

Pinali a Njou‐Mboro‐Pinali 2:42

Da kli pane laïnabi pèngna to̱ko̱nafèn a njou‐mboro‐pinali da kaou vo jing hana mbéo baï haouna mapa da hiouna Ouone.

Saint Matthieu 16:11

Baïfèn da oui tane ga tou ya ko̱ mè tane ga sa baï toul tarou hi oui ya lé? Da oui ngou vounafèn a pharisienli da sadducéenli.

Apocalypse 2:5

Mono on, mo yangnaran ya an guèl on ko̱ mo ourou siya an ndourou ka lé, da mo hèkè, da nding titili pinali maléba mi ti on ya, mè ma guè mono, da mè ma lou gangnaguèl lampe no guèfal an guèlkè, tokoré mo mi hèkè ya.

1 Titili Takarata a Pierre ko̱ dé 5:9

Da oui pong nè ka laïbi jing tounassaon on ko̱ mi yèng ya, baï ko̱ ouime toutou to̱ko̱nassé on ndé lé toula yine baïli ko̱ mi kaou koukoula aïn.

Colossienli 2:5

Baï tongna ko̱ mème tane ti jing oui ka naïn‐mone ya, da mè makaou jing oui ka esprit, da mè jangndaï baï ko̱ mème ko̱ko̱ ko̱ oui pèng mboro pina abaï bèlta, da oui mi kaou pou wang jing tounassaon abaï ka bila Christ.

Philippienli 3:2

Oui ènrèn mone baï jing nvali, ènrèn mone baï jing njoukouli on ko̱ nding béké pinali, ènrèn mone baï jing njou‐koungna mondi.

Saint Jean 16:4

Da mè sa fèn aïnli hi oui ka kome, ko̱ namkè mi tèn tou, oui ma bi hang baï toul baï on ko̱ mème sa hi oui. Da ko̱ mè tane ga sa fèn aïnli hi oui jinguèl ya, ba baï ko̱ mème pane jing oui.

Galateli 5:4

Oui wal jing Christ tou, oui bon on ko̱ mi nza baï guina guédék ka mboro guingna; oui yèng mboro ndingna mbo̱l tou.

2 Pierre 2:7

Da kè lé mbèla Lot, ko̱ ba njou‐guédék ko̱ go̱rè sé nè ta baï a mboro séna fal ladidifèn a béké njoukouli.

2 Pierre 3:1

Oui on ko̱ mè sé hang baï nyèta, takarata on ba sérékè ko̱ mème dé hi oui kassénaï on, da an bil takarata aïnli séré on, mè tome bèla kèrafèn abaï ka mboro déouna laou baï,