2 Pierre 3:16 - Féké Testament 1947

¹⁶ Mahana on ko̱ kè ndé kéng bi bil takarata nèli bon on, kè sa toula fèn aïnli, da fèn hanali mi lata baï touna mborokè nguite, da jing kli on ko̱ tou fèn ya, da kli ko̱ laïbi ya joukourou fèn an bilkè, mahana ko̱ kli ndé nding jing Takarata a Ouone afékéli kéng baï houl guèl hèlè a zabolo.

2 Pierre 3:16 ပူးပေါင်းရင်းမြစ်များ

Saint Matthieu 15:6

Mono kè tane ga dik baba nè maléba ma nè ya. Da oui aïli bina baïnjaka guingna Ouone baï pèngna tang baï abaï.

Hébreuli 5:11

Na jing baïli nyèta baï sanakè, da fènli nyèta lata baï wéra nonkè, baï ko̱ soukou baï tane ga la tang ya.

2 Pierre 2:14

None kli mba baï ndingna maïn, da kli ma baï yèngna békéfèn ya, ka mong laou akli on ko̱ tane laïbi ya; ko̱ go̱ro̱ kli tou nzala fanahang; goune poukounafènli.

TAKARATA A JACQUES KO̱ DÉ 1:8

on ba njou‐laou séré, kème sé maï maï jing mboro nèli bon.

Philippienli 3:19

Sèkèrè akli ba guèl hèlè; ouone akli ba bil kli fèn kli, kli kon jonafèn akli an bil fèn ko̱ mi hi chonron hi kli, da hang kli mi na ba toul fènli an koukoula ka ho̱kè.

1 Titili Takarata a Pierre ko̱ dé 2:8

Da kone on ko̱ ba fèn bèna; Da loukou kone on ko̱ ba fèn fana ka lé; kli bèn bo̱ko̱ kli fèn kli baï a baïnjaka, baï ko̱ kli fa baï, da mi di kli baï fèn on kéng.

Saint Matthieu 22:29

Da Jésus mi féré sa, ka sa hi kli: Oui sé bong wo̱ko̱, baï ko̱ oui tane ga tou Takarata a Ouone, da njèran a Ouone ya.

Jude 1:4

Baï njoukou hanali ko̱ro an woro baï ka foli, da kli mini ko̱ takarata mi wal baï kon toul kli jinguèl ka titilikè, njoukouli on ko̱ pong Ouone ko̱ ki ndingna mbo̱l an Ouone ama ba ladidifèn da kli pong njou‐to̱ko̱nafèn mbéo on ama ko̱ ba Nanjou Jésus‐Christ.

2 Pierre 2:1

Da wo̱ko̱ prophèteli tèn an woro njoukouli jinguèl kéng, da mahana on kassénaï wo̱ko̱ njou‐to̱ko̱nafènli makaou an woro baï kéng, ko̱ ma to̱ko̱ baï mongna fèn ko̱ bo fèn, mi ko̱ kli njé njaka toula njou‐to̱ko̱nafèn on ko̱ mi zé kli, da kli dou houl hèlè a zabolo kon toul kli koukoulion.

Saint Matthieu 15:3

Da kème féré sa, ka sa hi kli: Oui kéng baïfèn da oui moungnourou bina baïnjaka guingna a Ouone, baï pèngna tang baï abaï lé?

1 Titili Takarata a Pierre ko̱ dé 1:1

Pierre, njou‐mboro‐pina a Jésus‐Christ mi dé takarata aïn hi kli on ko̱ Ouone mi sane ko̱ yaïli ka bi akli an guèl Pont, da Galatie, da Cappadoce, da Asie, da Bithynie,

2 Pierre 3:2

an ouime kèrè baïnjaka on ka laou baï ko̱ tangna fofoto prophèteli mi sa jinguèl, da bina baïnjaka guingna a Nanjou da njou‐yana‐baï‐toul, ko̱ njou‐mboro‐pina abaïli to̱ko̱ hi oui.

2 Pierre 3:14

Mono baï on, oui ko̱ mème sé hang baï nyèta, baï ko̱ oui oli fèn aïnli oui nza mborokè, an kème ma baï jingna oui ka go̱ro̱ iki tane bila, da ka rongo.