2 Pierre 3:11 - Féké Testament 1947

¹¹ Baï fènli on bon yé yéli, mahana ka on, oui ma baï kaouna mahana ka njoukouli ba fèn ka mboro séna abaï, tangna fofoto da ka mboro pèngna baïnjaka a Ouone dé?

2 Pierre 3:11 ပူးပေါင်းရင်းမြစ်များ

1 Titili Takarata a Pierre ko̱ dé 1:15

Da mahana ka kè on ko̱ di oui ba tangna fofoto, da oui ndé kaou ba tangna fofoto kéng, ka mboro séna abaï bon.

Philippienli 1:27

Dadaon bong séna abaï mi mabong bèlabaï a Christ, baï ko̱, tokoré mème guè baï ko̱na oui, maléba mème tane tiya, mè voro baï lana bong pina abaï ko̱ oui mi laïbi jing esprit mbéo, ka laou mbéo ka chomna bo̱ko̱ tounassaon bèlabaï jing hana.

1 Titili Takarata a Pierre ko̱ dé 2:12

Da mboro séna a baï bèlta an wora gentili, mono on, ko̱ kli sa kon toul baï, yé ba njou‐ndingna bèlyali, kli ma jone Ouone ka name on ko̱ kè gui baï ko̱na kli, baï bèla pina abaï on ko̱ klime ko̱.

2 Pierre 3:12

Ka voro ka douna go̱ro̱ guina name a Ouone, baï ka name o̱kèo̱ nonkala on ko̱ hèlè rèng ma yéli, da titili fènli an nonkala ma yéli an none loukou hèlè hoï.

1 Timothée 6:11

Da amo, O njoukou a Ouone, mo ngou fèn aïnli, da sé fal fèn ndingna guédék, da sé ka mboro pèngna bong njaka Ouone, tounassaon, sénahang, laïnabi, bouna mone guè koukoula.

TAKARATA A JACQUES KO̱ DÉ 3:13

Guè an woro baï ko̱ mi jing cho̱kna da tounafèn nyèta lé? Dadaon an kème to̱ko̱ pina nèli ka mboro bèla séna nè jing bouna monè guè koukoula ka cho̱kna.

Philippienli 3:20

Da bil goto pou na mana an nonkala, ko̱ name voro Njou‐yana‐baï‐toul Nanjou Jésus‐Christ an ndourou.

2 Pierre 1:3

Ko̱ na ko̱ njèran a Ouone mi hi fènli bon hi na, on ko̱ hi yana da pèngna baïnjaka a Ouone ka mboro touna nè, kè on ko̱ di na jinguèl ka mboro dodok jonafèn da mbonatoul amè,

1 Timothée 6:3

Tokoré njoukou mbéo mi to̱ko̱ to̱ko̱nafèn toutoul da tane ga jibo̱ko̱kè jing kakaïya baïnjaka a Nanjou na Jésus‐Christ ya, tèn to̱ko̱nafèn on ko̱ ba ka mboro pèngna bong njaka Ouone,

1 Timothée 4:12

Mo yèng an njoukouna mbéo mi tane jèk mo ya, baï ko̱ mo mi pane ba bala goune; da mo tèn ba mèrènkè baï a kli on ko̱ la bilaou, ka baïnjaka, ka tangna bong séna, ka sénahang, ka tounassaon, tèn ka go̱ro̱ tang fofoto.

Saint Matthieu 8:27

Da laou a njoukouli on mi sé siya, kli sa: Njoukou aïn ba guè, da koukouna da loukou mbi mi ndé la baï nè lé?

TAKARATA A JACQUES KO̱ DÉ 1:24

Da afal ko̱ kème ko̱ nonè o̱ tou ka ourou, koukoulion kème yangnaran mboro nonè kong ba na ane dé.

1 Timothée 3:16

Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.

1 Thessalonicienli 1:5

Baï ko̱ bèlabaï na mi tane ga guè mone baï ka ba baïnjaka bo̱on ho̱kè ya, da ndé jing njèran kéng ka bila Saint‐Esprit, an mi kara oui ka babaï; mahana ko̱ oui mi toutou on ko̱ name to̱ko̱ tènrèn nonkè kong na ba njoukou guèli an none baï baï toul baï.

1 Timothée 6:6

Da mboro pèngna bong njaka Ouone jing vona go̱ro̱ mi jing fèn maïya.

2 Pierre 1:6

da toul tounafèn oui chome njèran baï gnèran nzala naïn‐mone, da toul njèran baï gnèran nzala naïn‐mone oui chome laïnabi, da toul laïnabi, oui chome baï pèngna baïnjaka a Ouone,

Hébreuli 13:5

Oui bi hang baï toul sénahang mbo̱ri ya; go̱ro̱ baï mi vo jing fènli on ko̱ na ndo̱ko̱ baï; baï Ouone fènè mi sa: Yé mè ma nak mo gounfènakè ya, maléba mè ma yèng mo name mbéo ya.

2 Corinthienli 1:12

Baï ko̱ jangnandaï na mini, laou‐tounafèn na mi ko̱ sa bongbaï ko̱ ka tangna go̱ro̱ fofoto da déléng a Ouone da tane ti jing chokna a naïn‐mone da jing ba ndingna mbo̱l a Ouone, name sé an koukoula aïn, da ta nyèta guèbambèl an none baï.

Romainli 13:11

Da oui nding fèn on baï an ouime tou namkè, baï ko̱ kassénaï séssé mi mabongkè tou an ouime tome name. Baï ko̱ kassénaï yana‐baï‐toul ama mi gui diya ta name on ka titilikè jinguèl ko̱ name la bilaou.

Romainli 13:12

Hangnachoung mi hèdi baï tana tou, da séssé mi nding baï tèna. Mono, dadaon an name njomo pina yilime ka bou fèn béré a takanafèn.

2 Pierre 3:10

Da yé name a Nanjou ma gui mahana ka njou‐riya; ka name o̱kèo̱, nonkala ma ta ka bo̱ko̱baï nyèta, da titili fènli a nonkala ma yéli ka hèlè hoï, da koukoula da pinali bon ko̱ na bilkè ma rèng.