2 Pierre 2:2 - Féké Testament 1947

² Da yé hanali nyèta ma sé fal mboro nzala ndingna ladidifèn akli, da baï akli on mi njoukouli sa bèlya kon toula mboro a babaï.

2 Pierre 2:2 ပူးပေါင်းရင်းမြစ်များ

Romainli 2:24

Baï ko̱ klime poukou ling a Ouone an wora Gentili baï toul baï, mahana ko̱ mi dé.

Jude 1:10

Da kli on, kli kèkè fèn ko̱ kli tane ga tou ya, fèn on ko̱ klime tou ka naïn‐mone, mahana ka naïnli tane tounafèn ya, kli bo mone kli an bil fèn on.

Apocalypse 13:14

Da kè mong kli on ko̱ bi pou kli an toula koukoula baï fèn to̱ko̱nakèli on ko̱ mi hi njèran hi nè baï ndingnakè an nona naïn on, ka sa hi kli on ko̱ bi pou an toul koukoula, an klime mosso tétéme a naïn on ko̱ mi yé jing nongno gamba da pane yana.

Jude 1:15

baï ko̱na barabaï toula njoukouli bon, da wéré békéfèn a njoukouli on bon ko̱ pong Ouone bi kala, ndingna pina akli bon ko̱ pong nè, on ko̱ kli nding ka mboro pongna njakè, da baïnjaka njèrènta bon ko̱ njou‐békéfènli on ko̱ pong Ouone sa kon toulè.

2 Pierre 2:15

Ko̱ yèng séna mboro guédék, kli sé maï maï tou, baï séna mboro a Balaam goune a Bosor, kè on ko̱ sé hang ko̱ko̱na sal békéfèn.

1 Titili Takarata a Pierre ko̱ dé 2:12

Da mboro séna a baï bèlta an wora gentili, mono on, ko̱ kli sa kon toul baï, yé ba njou‐ndingna bèlyali, kli ma jone Ouone ka name on ko̱ kè gui baï ko̱na kli, baï bèla pina abaï on ko̱ klime ko̱.

Tite 2:8

Jing njèran baïnjaka on ko̱ njoukou mi tane ma baï sana baï kon toulkè ya, mono on an chonron mi sé bakèo̱, da kè ma jing fèna bèlya baï sana kon toul ling na ya.

Pinali a Njou‐Mboro‐Pinali 24:14

Da fèn on mè sa bi kala hi mo ko̱, ka Mborakè on ko̱ klime bi ling‐è ba tènrèn baï, mono mè hiou ba Ouone a tangko nili, ka la bilaou a fènli bon on ko̱ mi dé an bil guingna, da fènli bon on ko̱ mi dé an bil prophèteli,

Pinali a Njou‐Mboro‐Pinali 16:17

Goune waïn aïn mi tong bong a Paul da na, ka wan njaka guè siya, ka sa: Njoukou aïnli ba njou‐bakarali a Ouone an nonkala guè Sèkèrè Guèl Ndèk, ko̱ mi to̱ko̱ mboro yana‐baï‐toul hi na.

Saint Matthieu 24:24

Baï ko̱ yé wo̱ko̱ christli tèn wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Apocalypse 12:9

Da kli wou loukou choï on diri guè tiya, tang choï on jinguèl, kè on ko̱ kli bi ling‐è ba Zabolo da Satan, njou‐mongna njoukouli bon a koukoula, kli wou nè diri gui koukoula, da kli wou ange nèli diri gui koukoula jing nè kéng.

2 Pierre 2:21

Dadaon bèlta baï a kli da tokoré klime tane ga tou mboro guédék jinguèl ya, da afal ko̱ klime tou mborokè tou, kli ki féré fal mbora tangna fofoto bina baïnjaka guingna on ko̱ mi hi kli.

Tite 2:5

mang mone kli, klime ba bako̱la wonron ya, klime nding pina bil voul klili bèlta, ka nding bèlafèn ta, da kaou bo̱ko̱ ndo̱ka wa klili, mono on an mi tane poukou baïnjaka Ouone ya.

1 Timothée 5:14

Mono on, mè ji an waïn soréli on ko̱ mi pane ba tikila, klime é wonron ka mboung goundi, da miri njou‐voul klili an mboro mi tane ti jing bakèo̱ baï ouina njaka kli ya;

Pinali a Njou‐Mboro‐Pinali 19:9

Da ko̱ go̱ra njoukou hanali mi na bang, ka fa baï, da kli sa baï guè toul mboro on bèlya an nona ro̱kè njoukouli on, da kème ourou an mone kli, ka wal njou‐séna bongli an woro kli, da wara name bon an bil l’école a njoukou on ko̱ ling‐è ba Tyrannus.

Pinali a Njou‐Mboro‐Pinali 18:26

Da kème tissaon baï sana baï an bil synagogue ndo̱t. Da ko̱ Priscille kira Aquilas mi la baï nè, kli ya nè guè mone kli, ka wéré none mbora Ouone tang guédék hi nè.

Pinali a Njou‐Mboro‐Pinali 14:2

Da Juifli on ko̱ mi tane ga la bilaou ya, mi joukourou laou a mèran gentili, an go̱ro̱ kli mi sé kli jing yindi.

Pinali a Njou‐Mboro‐Pinali 13:10

ka sa: Mo ko̱ mba jing nguèra mongna fèn da vaïnafèn, mo ba goune a zabolo, da mo ba bakèo̱ a ndingna guédék bon, mo ma tana baï yèngna dèna tana mbora Nanjou tane tiya lé?

Saint Jean 14:6

Jésus mi sa hi nè: Mè ba domboro, da babaï, da yana. Njoukouna mbéo ma dé sé guè mona Baba ya, wara guina ka moni ya.

Saint Marc 13:22

Baï ko̱ yé wo̱ko̱ christli, da wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Marc 12:14

Da ko̱ klime gui, kli sa hi nè: Njou‐to̱ko̱nafèn, na toutou ko̱ mo sa babaï, da mome tane ga bi hang‐o toula njoukouna mbéo ya; baï ko̱ mo tane ga ènrèn njoukouna ba baï nonè ya, da mo to̱ko̱ ba dombora Ouone ka ba mboro babaï. Ka mboro guingna ma a name hi l’impôt hi César maléba hina nè tiya lé? Yé name hi maléba hinakè tiya lé?

Saint Matthieu 22:16

Da kli pi njou‐séna bong aklili guè mona Jésus jing hérodienli, ka sa hi nè: Njou‐to̱ko̱nafèn, na toutou ko̱ mo sa babaï, da to̱ko̱ dombora Ouone ka ba mboro babaï, da mo tane ga bi hang‐o̱ toula njoukouna mbéo ya, baï ko̱ mo tane ga ènrèn njoukouna ba baï nonè ya.

Saint Matthieu 7:14

Baï domboro baï séna kan yana kambèlè mi tane ta, da njakakè mi aya, da njoukouli nyè ya ma jing njakakè.

Apocalypse 13:8

Da kli bon on ko̱ bi akli toul koukoula ma houkou an mbèlè ka hiou nè, kli mbéo mbéo bon on jinguèl ka titili mossona koukoula ko̱ ling kli tane ga dé an bil takarata yana a Goune badoua ya, kè on ko̱ kli i nè.

2 Pierre 2:12

Da njoukouli on, mahana ka naïnli tane tounafèn, ko̱ mi mboung kli mahana ka naïn baï yana kli ka bo kli on, klime pouk fèn, ko̱ kli tane ga tou ya, da yé kli hou ka babaï ka dodok fèn poumna akli,

Pinali a Njou‐Mboro‐Pinali 22:4

Da mème ndé sène Mboro aïn kéng bo̱l tèn houl, mè gna njoukouli tèn waïnli, ka bou kli voul‐jo̱bo̱.

2 Pierre 2:7

Da kè lé mbèla Lot, ko̱ ba njou‐guédék ko̱ go̱rè sé nè ta baï a mboro séna fal ladidifèn a béké njoukouli.

2 Pierre 2:18

ko̱ kli sa loukou baïnjaka bo̱on, kli lang ka mboro nzala naïn‐mone, da ka mboro ladidifèn, njoukouli on ko̱ ngou gata a ndo̱ko̱ kli on ko̱ kaou ka mboro wo̱ko̱.

Jude 1:4

Baï njoukou hanali ko̱ro an woro baï ka foli, da kli mini ko̱ takarata mi wal baï kon toul kli jinguèl ka titilikè, njoukouli on ko̱ pong Ouone ko̱ ki ndingna mbo̱l an Ouone ama ba ladidifèn da kli pong njou‐to̱ko̱nafèn mbéo on ama ko̱ ba Nanjou Jésus‐Christ.

Jude 1:7

Mahana ka pou Sodome da Gomorrhe da loukou pouli ndo̱ko̱ba pouli on, kli mahana ka njoukouli on ko̱ hi mone kli fèn kli tèn ba fèn ndingna rome, da sé fal goni naïn‐mone toutoul, da kli ba mèrènkè baï to̱ko̱na guèl hèlè kambèlè hi njoukouli, hèlè on ko̱ kli ma to̱ko̱ssé an ndourou baï ko̱ barabaï lé toul kli.