2 Pierre 2:1 - Féké Testament 1947

¹ Da wo̱ko̱ prophèteli tèn an woro njoukouli jinguèl kéng, da mahana on kassénaï wo̱ko̱ njou‐to̱ko̱nafènli makaou an woro baï kéng, ko̱ ma to̱ko̱ baï mongna fèn ko̱ bo fèn, mi ko̱ kli njé njaka toula njou‐to̱ko̱nafèn on ko̱ mi zé kli, da kli dou houl hèlè a zabolo kon toul kli koukoulion.

2 Pierre 2:1 ပူးပေါင်းရင်းမြစ်များ

Saint Matthieu 7:15

Oui ngou mboro wo̱ko̱ prophèteli ko̱ bou ga badoua ka gui mone baï, da an bil kli, kli ba naïn loupli ko̱ nzala i kli nyèta.

Jude 1:4

Baï njoukou hanali ko̱ro an woro baï ka foli, da kli mini ko̱ takarata mi wal baï kon toul kli jinguèl ka titilikè, njoukouli on ko̱ pong Ouone ko̱ ki ndingna mbo̱l an Ouone ama ba ladidifèn da kli pong njou‐to̱ko̱nafèn mbéo on ama ko̱ ba Nanjou Jésus‐Christ.

2 Pierre 2:3

Ka mboro fanahang kli ma jo̱l oui ka mboro baïnjaka mongnafèn, ko̱ barabaï on ko̱ kè kon toul kli jinguèl ma pane ya, da houl akli a hèlè a zabolo mi tane na name ya.

2 Tim 4:3

Baï ko̱ yé namkè ma gui o, ko̱ kli ba bouna toul kli baï lana kakaïya to̱ko̱nafèn tane tiya; da baï ko̱ soukou kli mi ma baï lana fènli on ko̱ mi bèl mone kli, kli nza ro̱kè njou‐to̱ko̱nafènli hi kli ka mbora nzala naïn‐mone kli fèn kli.

Saint Matthieu 24:11

Da wo̱ko̱ prophèteli nyèta ma tèn, ka mong njoukouli nyèta.

Galateli 2:4

Da fèn on ba wo̱ko̱ yindi ko̱ mi gui ka fo̱li, mahana ka njou‐ana bong touna séna na ka laou na an bila Christ‐Jésus, an klime ba na tèn koï.

1 Corinthienli 11:19

Baï ko̱ bong tènrèn baï mi ndé tèn an woro baï kéng, an ouime ma baï touna aïnli ko̱ mi mabongkè an woro baï.

Titili Takarata a Jean ko̱ dé 4:1

Oui on ko̱ mème sé hang baï ta, oui tane la bilaou a espritli bon ya; da oui lé espritli on baï touna kong kli ba a Ouone baï ko̱ kassénaï wo̱ko̱ prophèteli nyèta mi sèrè an koukoula aïn.

Colossienli 2:8

Oui pèng mone baï an njoukouna mi ba oui mahana ka koï ya, ka mboro sénahang cho̱kna nè, da mongnafèn bo̱on, da ka mboro fal tang baï a njoukouli, da ka mboro fal titili fènli an koukoula aïn, da mi tane ti ba ka mboro fala Christ ya.

Tite 3:10

Da njoukou on ko̱ mi wal hana jing nzanabaï, afal ko̱ mome wara nè bo̱ko̱ mbéo da an bo̱ko̱ sérékè, mo ourou dita jing nè,

Tite 1:11

dadaon ma an njaka kli mi tou bi rou, baï ko̱ klime féré njou‐voulouli bon kon nyèta, da klime to̱ko̱ fènli on ko̱ tane ma an klime to̱ko̱ ya, baï jingna nguèra vaïnafènli.

Philippienli 3:19

Sèkèrè akli ba guèl hèlè; ouone akli ba bil kli fèn kli, kli kon jonafèn akli an bil fèn ko̱ mi hi chonron hi kli, da hang kli mi na ba toul fènli an koukoula ka ho̱kè.

1 Corinthienli 6:20

Baï ko̱ mi cho oui jing cho̱ko̱kè nyèta. Mono, baï on oui hi jonafèn hi Ouone jing kli‐mone baï da jing esprit baï ko̱ ba a Ouone.

Saint Marc 13:22

Baï ko̱ yé wo̱ko̱ christli, da wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Apocalypse 5:9

Da kli di féké sing, ka sa: Mo mi ma baï yana takarata on da sél fèn mbo̱lali an ndourou: baï ko̱ mi i mo jinguèl, da mo zé njoukouli ka mèran kadoukli bon jing séme no baï a Ouone, da ka njaka baïli bon, da njoukouli toutoul bon, da pime pouli bon.

Apocalypse 2:9

Mè toutou to̱ko̱nassé amo, da foïna amo ba mo kaou jing nguèra, da poukounafèn akli on ko̱ sa kli ba Juifli, da kli tane ti on ya, da kli ba synagogue a Satan.

Hébreuli 10:29

Laou baï kèrè ba fèn, ko̱ yé barabaï nyèta ba tana an toula njoukou on ya lé kè mi wal baï ko̱ kème ma, ko̱ mi nda Goune a Ouone ka bo̱kè, da kè ko̱ séme bina gonjaka an none hana ko̱ mi walè bi baï nè fènè, mahana ka ladidifèn da kè poukou Esprit a ndingna mbo̱l lé?

Colossienli 2:18

Oui yèng an njoukouna mbéo mi ri toul ndo̱ko̱ abaï ya, ka mboro ko̱ oui ji bo̱ko̱kè baï bouna mone baï guè koukoula da baï dikna angeli, baï bina hang‐è toul fèn on ko̱ kème tane ga ko̱ ya, kème joung monè bo̱on jing laou a naïn‐monè,

Éphésienli 4:14

Mono on, an name tane kaou mahana ka goundi ba aféké ya, ko̱ koukouna to̱ko̱na fènli toutoul toutoul bon mi lang na kan kini kan soko, ka fan na mahana ka fèn on ko̱ na none mbi ka mboro cho̱kna bounabong mongnafèn a njoukouli, ko̱ mi mong fèn ka mboro wo̱ko̱li.

Saint Matthieu 24:24

Baï ko̱ yé wo̱ko̱ christli tèn wo̱ko̱ prophèteli ma tèn gui, da kli ma nding fèn to̱ko̱nakèli tèn fèn sakamli, baï an klime mong kli on ko̱ Ouone mi wal kli bi, tokoré klime mabongkè.

Saint Matthieu 10:33

Da njoukouna ko̱ njomo mi an nona njoukouli, yé mè ndé njomo nè kéng, an nona Baba ni ko̱ kaou an nonkala.

Apocalypse 13:14

Da kè mong kli on ko̱ bi pou kli an toula koukoula baï fèn to̱ko̱nakèli on ko̱ mi hi njèran hi nè baï ndingnakè an nona naïn on, ka sa hi kli on ko̱ bi pou an toul koukoula, an klime mosso tétéme a naïn on ko̱ mi yé jing nongno gamba da pane yana.

Apocalypse 2:13

Mè toutou guèl on ko̱ mo bi, mè toutou guèl on ba dodok kangala njaka bara a Satan mi yé, da mo ba ling ni pouta, da tane ga njé njaka toul tounassaon ami jinguèl ya, tongna ka name a Antipas njou‐lodok ko̱ sa bongbaï ni, ko̱ kli i nè an woro baï, guèl ko̱ Satan bi amè.

Jude 1:18

ko̱ klime sa hi oui: Ka sèkèrè name yé njou‐gaïna njoukouli makaou, kli sé fal nzala akli ko̱ pong Ouone.

Titili Takarata a Jean ko̱ dé 2:26

Mè dé fèn aïnli bi takarata hi oui tou, ba baï toula kli on ko̱ mi mong oui an ouime wol.

1 Titili Takarata a Pierre ko̱ dé 1:8

kè on ko̱ oui sé hang‐è ta ko̱ ouime tane ga ko̱ nè ya, da baï ko̱ oui la nè bilaou, mahana ko̱ ouime pane ga ko̱ nè kassénaï ya, oui jangndaï nyèta jing ba wala on ko̱ mi ta njaka mi ma baï sanakè ya, da mi mbarou jing jonafèn.

Éphésienli 1:7

Da an bilè ko̱ name jing fèn chona na, ka mboro séme monè, da yèngna bi mboro békéfèn nali ma bong nguèra ndingna mbo̱l nè,

Galateli 5:20

pou?-?nagala, halagala, jèknafèn, wanahana, fanahang, hèrè, njakana walahana, lana tang baïli,

Galateli 4:17

Sèna none akli on ko̱ mi nza oui tane ba mboro bèlta ya, da klime ji baï dèna mboro hi oui baï guina moni, baï an oui mi nza kli.

Romainli 16:18

Baï ko̱ njoukouli mahana ka on mi tane ga nding bakara hi Christ Nanjou na ya, da an bil kli fèn kli, kli mong laou a njoukouli on ko̱ mi kaou ka rongo jing bèla njaka bong baï kli.

Saint Luc 21:8

Da Jésus mi sa: Oui ènrèn mone baï bèlta an klime mong oui ya, baï ko̱ yé njoukouli nyèta ma gui ka bil ling ni, ka sa ba: Mè mini, da namkè mi tèn tou. Oui tane sé fal kli ya.

Saint Luc 6:26

Go̱ro̱ séta mi ba baï abaï, ko̱ njoukouli bon mi sa bèlta kon toul baï, baï ko̱ baba klili mi ndé nding mahana ka on hi wo̱ko̱ prophèteli jinguèl!

Saint Matthieu 24:5

Baï ko̱ njoukouli nyèta ma gui ka bil ling ni, ka sa: Mè ba Christ. Da kli ma mong njoukouli nyèta.

Galateli 3:13

Christ mi cho na an bo̱ko̱ poukounafèn an guingna tou, ko̱ kè fènè mi tèn ba fèn poukouna baï toula, baï ko̱ mi dé: Poukounafèn mana an toula njoukouli on bon ko̱ mi haka an toul di.

1 Corinthienli 7:23

Mi cho oui jing cho̱ko̱kè nyèta; oui tane tèn koï a njoukouli ya.

Apocalypse 3:8

Mè toutou pina noli. Mo ko̱, baï ko̱ mo jing njèran nye ya da mo pèng bong baïnjaka ni, da tane ga njé njaka toul ling ni ya, mè bou an mbèlo njaka mboro ko̱ bourou tou, ko̱ njoukou mbéo ma tou birou ya.

Saint Luc 12:9

Da kè on ko̱ mi pong mi an nona njoukouli, yé mè ma pong nè an nona angeli a Ouone.

1 Timothée 5:8

Da tokoré njoukouna mi tane ga pèng dodok njoukou nèli ya, da ta on kè ko̱ tane ga pèng dodok njou‐voulèli fènè ya, kème jomo baï tounassaon tou, da kè bèlya nyèta ta toula njoukou on ko̱ tane ga la bilaou ya.

Apocalypse 6:10

Da kli bouka béta guè siya, ka sa: Name ro̱ko̱ ane dé, O Njou‐to̱ko̱nafèn ko̱ ba tangna fofoto da babaï, mo ma kaou zada baï wala baï da féra gnana baï séme ama hi kli on ko̱ mi kaou an koukoula lé?