2 Pierre 1:3 - Féké Testament 1947

³ Ko̱ na ko̱ njèran a Ouone mi hi fènli bon hi na, on ko̱ hi yana da pèngna baïnjaka a Ouone ka mboro touna nè, kè on ko̱ di na jinguèl ka mboro dodok jonafèn da mbonatoul amè,

2 Pierre 1:3 ပူးပေါင်းရင်းမြစ်များ

Saint Matthieu 28:18

Da Jésus mi guè mone kli, ka sa hi kli, ka sa: Kè hi njèran bon hi mi an toula nonkala tèn koukoula.

Romainli 8:32

Kè on ko̱ mi tane ga dèn dodok Goune nè ya, ka hi nè baï toula bon, yé kè ma hi fènli bon bo̱on hi na guèbambèl mahana jing nè kéng ya lé?

Romainli 9:24

Na mini, ko̱ kème ndé di na kéng tane ti ba an wora Juifli ka ho̱ko̱ kli ya, da ndé tèn an wora Gentili kéng.

1 Corinthienli 1:9

Ouone ba lodok, kè on ko̱ mi di oui baï vona ka go̱ro̱ mbéo jing Goune nè Jésus‐Christ Nanjou na.

2 Corinthienli 12:9

Da kème sa hi mi: Ndingna mbo̱l ni mi mapélé no, baï ko̱ njèran ni mi tèn guédék jing fèn hèfèrè. Mono on, mè jangndaï maïya baï jona baï on ko̱ mème kaou hèfèrè, baï an njèran a Christ mi na an touli.

Éphésienli 4:1

Mono on, mè ko̱ ba njou‐jo̱bo̱ ka bila Nanjou, mè sa jo̱jo̱ baï nyèta an bong séna abaï mapélékè baïnjaka on ko̱ kème di oui jing rou,

Éphésienli 4:4

Kli‐mone ba mbéo bo̱l, da Esprit mbéo bo̱l, mahana ko̱ mi ndé di oui jing oliya mbéo kéng ka baïnjaka on ko̱ kème di oui.

Philippienli 3:8

Ka babaï, mè ko̱ fènli bon na bo̱on, baï ko̱ kakaïya fèn ba touna Christ‐Jésus, Nanjou ni, da baï toulè mi ko̱ mè njomo fènli bon, da mème ko̱ fènli on bon mahana ka wènrèn, baï an mème jing Christ.

Philippienli 4:8

Mono baï toul gara baï on yindi, fèn mi ko̱ ba babaï, fèn mi ko̱ ba fèn dikna, fèn mi ko̱ ba guédék, fèn mi ko̱ na tangta, fèn mi ko̱ ba sénahang, fèn mi ko̱ bèla tiri baïli kon toulkè, da tokoré mbonatoul mana, da mi ma baï jonakè, oui bi hang baï toul fènli on.

Colossienli 1:16

Baï ka bilè ko̱ mi mosso fènli bon tou, an nonkalali tèn an koukoula, fènli on ko̱ none mi ko̱, da fènli on ko̱ none mi tane ga ma baï ko̱nakè ya, tongna kangala njaka barali, maléba nanjoukaouli, maléba gangna pouli, maléba njèranli. Mi mosso fènli bon ka mboro nè, da fènli bon ba amè.

1 Thessalonicienli 2:12

Name wara oui an mone baï mi pou oui, da name sa bongbaï, mono on, dadaon an bong séna abaï mi mapélékè an nona Ouone, kè on ko̱ mi di oui guè dodok bilkaou nè tèn jonafèn nè.

1 Thessalonicienli 4:7

Baï ko̱ Ouone mi tane ga di na baï ndingna ladidifèn ya, da ba baï wala mona bi baï nè fènè.

2 Thessalonicienli 2:14

Da kème di oui baï on ka mboro bèlabaï na, baï an ouime jing jonafèn a Nanjou na Jésus‐Christ.

1 Timothée 4:8

Da mo wara mono fèno ka mboro pèngna bong njaka a Ouone; baï ko̱ njoukouna mi tane ga jing fèn nyèta ya jing ndara kli‐mone, da njoukou mi jing fèn on ko̱ ma fènli bon ka mboro pèngna bong njaka a Ouone, baï ko̱ on ba bina gonjaka an yana on ko̱ mi na kassénaï, da yana on ko̱ mi nding baï guina.

2 Tim 1:9

Kè on ko̱ mi kou na, da di na jing dina on ko̱ ba tangna fofoto ko̱ mi tane ti ba mboro pina na ya, da ka titilikè ka ba mboro dodok badinafèn nè, jing ndingna mbo̱l, ko̱ kème hi na ka bila Christ‐Jésus ka titilikè ambèl hi name mossona koukoula.

Hébreuli 1:3

Kè on ko̱ ba chana a jonafèn a Ouone, da kè ba gba dodok tétéme amè fènè, da tone fènli bon, ka baïnjaka njèran nè, ko̱ kè fènè mi tourou békéfènli bon guèfal tou, da kaou mboro wonron ndo̱ka Gangna a Ouone an sèkèrè guèl ndèk an nonkala.

1 Titili Takarata a Pierre ko̱ dé 1:15

Da mahana ka kè on ko̱ di oui ba tangna fofoto, da oui ndé kaou ba tangna fofoto kéng, ka mboro séna abaï bon.

1 Titili Takarata a Pierre ko̱ dé 1:5

Ko̱ ka njèran a Ouone mi pèng oui ka mboro tounassaon, baï an name jing yana‐baï‐toul on ko̱ mi mosso tou baï bina saoukè kala ka sèkèrè name!

1 Titili Takarata a Pierre ko̱ dé 2:21

Mono baï on ko̱ kè di oui, baï ko̱ Christ mi ndé to̱ko̱ssé baï toul baï kéng, ka hi gba mèrènkè hi oui an ouime sé bong tiri bo̱kè,

1 Titili Takarata a Pierre ko̱ dé 2:9

Da oui ba mèrèn on ko̱ Ouone mi sane tou, oui ba njou‐pina gangna sacrificateurli, tangna fofoto pime pouli, dodok njoukouli a Ouone, an ouime to̱ko̱ guédék on a kè on ko̱ di oui tèn gui kala an bil yilime, da gui mona kakaïya takanaguèl amè.

1 Titili Takarata a Pierre ko̱ dé 3:9

Oui féré békéfèn baï a békéfèn ya; maléba féré ka kèkèfèn da baï a kèkènafèn ya; da oui nding toutoul, oui féré hi samnafèn, baï ko̱ kè di oui baï on, an oui mi ya pélé samnafèn.

1 Titili Takarata a Pierre ko̱ dé 5:10

Da Ouone a ndingna mbo̱l bon, kè on ko̱ mi di oui baï yana jonafèn kambèlè amè ka bila Christ, afal on ko̱ oui to̱ko̱ssé gounfènakè, yé kè fènè ma nding an ouime gui guédék, ka njèrèn oui, ka pou mone baï.

2 Pierre 1:10

Mono baï on, yindi, oui nza go̱ro̱ baï nyèta baï touna dina a baï tane ka babaï, da baï touna mboro on ko̱ Ouone sane hi oui ka babaï; baï ko̱ tokoré ouime nding fèn aïnli oui ma bèn ya.

2 Pierre 1:2

an ndingna mbo̱l da go̱ro̱ iki abaï mi taïnkon ka mboro touna Ouone da Jésus Nanjou na!

2 Pierre 1:5

Babaï, tongna baï fèn aïn oui bon nza mborokè baï chomna mbonatoul toul tounassaon abaï, da toul mbonatoul oui chome baï tounafèn,

2 Pierre 1:6

da toul tounafèn oui chome njèran baï gnèran nzala naïn‐mone, da toul njèran baï gnèran nzala naïn‐mone oui chome laïnabi, da toul laïnabi, oui chome baï pèngna baïnjaka a Ouone,

2 Pierre 1:8

Da tokoré fèn aïnli mi na bil baï da ti guèbambèl, on ma yèng oui tèn jo̱jo̱ ya, malèba oui ti ba tou ya, baï touna Nanjou na Jésus‐Christ.

2 Pierre 2:20

Baï ko̱ tokoré klime ngou dakame fèn an koukoula on tou, ka mboro touna Nanjou da Njou‐yana‐baï‐toul ko̱ ba Jésus‐Christ, da fèn on féré gna kli ka mba ba njaka kli, da sèkèrè kaouna akli na bèlya ta titili kaouna akli.

2 Pierre 3:18

Da oui hon ka ndingna mbo̱l da touna a Nanjou na da Njou‐yana‐baï‐toul ama ko̱ ba Jésus‐Christ. Mi jonafèn hi nè kassénaï da kambèlè! Amen!