2 Pierre 1:1 - Féké Testament 1947

¹ Simon Pièrre, koï da njou‐mboro‐pina a Jésus‐Christ mi pi takarata aïn hi kli on ko̱ ba mbéo jing na jing kakaïya tounassaon ka mboro guédék a Ouone da Njou‐yana‐baï‐toul ama ko̱ ba Jésus‐Christ:

2 Pierre 1:1 ပူးပေါင်းရင်းမြစ်များ

Tite 2:13

Name voro baï ko̱na oliya on ko̱ mi hi jangnandaï, da guina ka jonafèn a loukou Ouone da Njou‐yana‐baï‐toul ama Jésus‐Christ,

Tite 1:4

Mè pi takarata aïn hi Tite, dodok goune ni, ko̱ name ndé jing tounassaon jing hana. An Ouone Baba da Christ‐Jésus Njou‐yana‐baï‐toul ama, mi hi ndingna mbo̱l da go̱ro̱ iki hi mo.

2 Corinthienli 4:13

Da baï ko̱ name ndé jing mbé esprit tounassaon mahana ka on ko̱ mi dé: Mè la bilaou tou, mono baï on mi ko̱ mème sa, name ndé la bilaou kéng, mono baï on mi ko̱ name ndé sa kéng.

Saint Jean 12:26

Da tokoré njoukouna mi nding bakara hi mi, an kème gui fali; baï guèl on ko̱ mème kaou, yé njou‐bakara ni ma ndé kaou ndourou kéng. Tokoré njoukouna mi nding bakara hi mi, yé Baba fènè mi dik nè.

Romainli 1:12

On mi sa, an name bi hang na guè tiya jing hana, an woro baï ka mboro tounassaon, ko̱ name do̱li hi hana mane na bon, abaï tèn ami.

2 Pierre 1:4

ka mboro on kè hi loukou bèla kakaïya bina gonjaka nèli hi na, mono on ka mboro bina gonjaka on oui ma baï tèna njou‐yana bo̱ko̱di a Ouone, baï ko̱ oui ngou fèn poumna ko̱ mana a koukoula baï nzala naïn‐mone baï.

1 Titili Takarata a Pierre ko̱ dé 1:1

Pierre, njou‐mboro‐pina a Jésus‐Christ mi dé takarata aïn hi kli on ko̱ Ouone mi sane ko̱ yaïli ka bi akli an guèl Pont, da Galatie, da Cappadoce, da Asie, da Bithynie,

Éphésienli 4:11

Da kème hi hanali ba njou‐mboro‐pinali, da hanali ba prophèteli, da hanali ba njou‐sana bèlabaïli, da hanali ba pasteurli tèn njou‐to̱ko̱nafènli,

Romainli 1:1

Paul, koï a Jésus‐Christ, ko̱ Ouone mi di nè ba njou‐mboro‐pina, da walè bi baï bèlabaï a Ouone,

Saint Luc 1:47

Da esprit ni mi jangndaï ka bila Ouone, Njou‐yana‐baï‐toul ni,

1 Titili Takarata a Pierre ko̱ dé 5:1

Mono, mè wara tangchidoli on ko̱ kaou an woro baï, mè ko̱ ba ndo̱ko̱ba tangchido jing kli, da njou‐ko̱na to̱ko̱nassé a Christ, da ko̱ ndé mi ya jonafèn kéng, ko̱ nding baï guina.

2 Tim 1:5

Ko̱ laou ni mi déou toul tounassaon on ko̱ mi na an bilo̱ lodok, on ko̱ mi bi ka titilikè an bila za no Loïs, tèn an bila ma no Eunice da on mi kara mi ka babaï ko̱ mi ndé bi an bilo̱ kéng.

Philippienli 3:9

Da on mi jing mi an bilè, tane ti jing guédék ni ya ko̱ mi gui ka mboro guingna, da jing guédék on ko̱ ka ba mboro tounassaon Christ, guédék on ko̱ Ouone mi hi ka mboro tounassaon,

Pinali a Njou‐Mboro‐Pinali 15:14

Yindi, oui la baï ni! Simon mi to̱ko̱ bongkè hi na ka mboro on ko̱ Ouone mi gui jinguèl guè ko̱na pime pouli baï sana njoukouli an woro kli baï toul ling‐è.

Saint Matthieu 10:2

On ba ling a njou‐mboro‐pina botoulè‐séré: Titilikè ba Simon ko̱ kène ling‐è ba Pierre, da André, yine nè; Jacques, goune a Zébédée, da Jean, yine nè,

1 Titili Takarata a Pierre ko̱ dé 2:7

Mono on, baï a oui ko̱ la nè bilaou kè ba kakaïyakè. Da, baï akli on ko̱ nding ka ndouri, Kone on ko̱ njou‐zana voulouli mi pong tou, Kone on gui ba loukou kone kouroukè.

1 Titili Takarata a Pierre ko̱ dé 1:7

baï léna tounassaon abaï ko̱ ba kakaïya fèn ta réme l’or on ko̱ limna (tongna ko̱ hèlè mi lé nè), mi wéré nonkè bi kala baï jona da hi jonafèn da dikna ka name guina a Jésus‐Christ,

Tite 1:1

Paul, koï a Ouone, da njou‐mboro‐pina a Jésus‐Christ ka mboro tounassaon akli on ko̱ Ouone mi sane kli, baï an klime tou babaï on nguite ko̱ mi na ka mboro pèngna bong njaka Ouone,

Philippienli 1:29

Da mi hi baï a Christ hi oui, ti ba baï lana nè bilaou ka ho̱kè ya, da baï ndé to̱ko̱nassé baï toulè kéng.

Éphésienli 4:5

Nanjou ba mbéo bo̱l, tounassaon ba mbéo bo̱l, baptême ba mbéo bo̱l,

Éphésienli 3:5

Ko̱ nonkè mi tane ga wéré bi kala hi goundi a mèran njoukouli jinguèl ya, mahana on ko̱ mi wéré bi kala kassénaï hi njou‐mboro‐pinali tang fofoto tèn prophèteli ka bila Esprit.

Galateli 2:8

baï kè on ko̱ mi hi Pierre jinguèl pina njou‐mboro‐pina a njou‐ina gassa, kème ndé hi mi pina a mèran gentili kéng.

2 Corinthienli 5:21

Kè on ko̱ mi tane ga tou békéfèn bo̱ko̱ mbéo ya Ouone mi nding nè tèn ba békéfèn baï toula, baï an name gui guédék a Ouone ka bilè.

1 Corinthienli 15:9

Baï ko̱ mè ba lélékè ta gara njou‐mboro‐pinali bon, da mè tane ma an klime di ling ni ba njou‐mboro‐pina ya, baï ko̱ mème sène église a Ouone jinguèl.

1 Corinthienli 9:1

Mè tane ti ba goune gangna ya lé? Mè tane ti ba njou‐mboro‐pina ya lé? Mè tane ko̱ Jésus, Nanjou na jinguèl ya lé? Oui tane ti ba pina ni ka bila Nanjou ya lé?

1 Corinthienli 1:30

Da mbo̱lkè mi oui kaou ka bila Christ‐Jésus, ko̱ jing Ouone kème nding nè tèn cho̱kna, da guédék, da njèran baï wala na bi baï nè fènè, tèn fèn chona baï toula.

Romainli 1:17

Baï ko̱, an bil baï on, mi to̱ko̱ guédék a Ouone bi kala mbo̱l tounassaon mi kan tounassaon, mahana ko̱ mi dé: Da yé njou‐guédék ma yan mbo̱l tounassaon.

Saint Jean 20:21

Mono, Jésus mi sa hi kli ba aféké: Go̱ro̱ iki mi na jing oui! Mahana ko̱ Baba fènè mi pi mi, mono on, mème ndé pi oui.

Saint Jean 1:42

Da kème ya nè gui mona Jésus. Ko̱ Jésus mi ko̱ nè, kè sa: Mo ba Simon, goune a Jonas; yé kli ma di ling‐o̱ ba Céphas (on ko̱ sa ba Pierre).

Saint Luc 11:49

Mono on, cho̱kna a Ouone mi ndé sa kéng. Yé mè pi prophèteli da njou‐mboro‐pinali hi kli; da yé kli ma i hanali da ndé sène afékéli,

Saint Matthieu 4:18

Da ko̱ Jésus sé vongna bèl mbi Galilée, kè ko̱ yindi séré, Simon, kè on ko̱ kène ling‐è ba Pièrre, da André, yine nè, ko̱ bou ri mbi an bil mbi; baï ko̱ kli ba njou‐nzana njouïli.

Philippienli 1:1

Paul kira Timothée, njou‐koïli a Christ‐Jésus, mi pi takarata aïn hi njou‐lana‐bilaouli bon an bila Christ‐Jésus ko̱ bi an pou Philippes, jing njou‐ona toul pinali a église da njou‐bakara a église.

TAKARATA A JACQUES KO̱ DÉ 1:1

Jacques, koï a Ouone da a Nanjou Jésus‐Christ, mi pi takarata aïn hi mèrèn kadouk botoulè‐séré on ko̱ mi yaïli manguèl, woromon hi oui.

Jude 1:1

Jude koï a Jésus‐Christ da yine a Jacques mi dé takarata aïn hi kli on ko̱ Ouone di kli tèn kala tou, da ko̱ Ouone Baba mi sé hang kli nyèta, da kè pèng kli ka bila Jésus‐Christ.