1 Timothée 6:4 - Féké Testament 1947

⁴ kè ba njou‐gnaïna da tane tou fèn ya, da kème jing jangma njakana, da fanabaï toul baïnjakali, ko̱ mi hi fanahang, njakana jing hana, poukouna hana, da béké kèrafèn ka go̱ro̱,

1 Timothée 6:4 ပူးပေါင်းရင်းမြစ်များ

2 Tim 2:23

Da mo pong fanabaï ngawa bo̱on baï ko̱ mo mi toutou fèn on mi mboung ba njakana.

2 Tim 3:4

Njou‐jo̱la njoukouli, njou‐kaouna wangli, njou‐joungna mone klili maïya, njou‐jina jangnandaïli, da kli tane ga ji Ouone ya.

1 Timothée 3:6

Dadaon kème tane ti ba féké njou‐yana bèlabaï koukoulion ya, baï ko̱ ka touya kè ma tèn ba njou‐gnaïna da lé bo̱ko̱ barabaï on ko̱ mi na toula zabolo.

Jude 1:10

Da kli on, kli kèkè fèn ko̱ kli tane ga tou ya, fèn on ko̱ klime tou ka naïn‐mone, mahana ka naïnli tane tounafèn ya, kli bo mone kli an bil fèn on.

2 Pierre 2:12

Da njoukouli on, mahana ka naïnli tane tounafèn, ko̱ mi mboung kli mahana ka naïn baï yana kli ka bo kli on, klime pouk fèn, ko̱ kli tane ga tou ya, da yé kli hou ka babaï ka dodok fèn poumna akli,

2 Tim 2:14

Mo déou laou kli toul baï aïnli ka sa bi njaka kli an nona Nanjou an klime tane njaka toul baïnjaka ya, baï ko̱ on ba bo̱on, da mi bo kli on ko̱ mi la baï on.

Jude 1:16

Kli ba njou‐gnonron fènli, njou‐go̱ro̱ sétali ko̱ sé fal nzala mone kli, da baïnjaka kli fong ndoïna, kli dik njoukouli baï jingna toul ndo̱ko̱li.

2 Pierre 2:18

ko̱ kli sa loukou baïnjaka bo̱on, kli lang ka mboro nzala naïn‐mone, da ka mboro ladidifèn, njoukouli on ko̱ ngou gata a ndo̱ko̱ kli on ko̱ kaou ka mboro wo̱ko̱.

1 Timothée 1:7

ko̱ klime ji baï tèna njou‐to̱ko̱na guingnali, tongna on, kli tane ga tou baï on ko̱ klime sa ya, maléba mboro baï on ko̱ klime ji bo̱ko̱kè bo̱on.

1 Timothée 1:4

maléba pèngna bong baï ya, tèn sarang bongbaï a tangkoli on ko̱ saonkè mi tane ga tiya baï on mi to̱ko̱ mboro njakana, da mi tane ga to̱ko̱ mboro pouna mone na a nona Ouone ko̱ ba ka tounassaon ya.

TAKARATA A JACQUES KO̱ DÉ 1:19

Oui toutou on, yine nili, ko̱ mème sé hang baï ta. Dadaon an njoukouli mane mbéo mbéo bon mi la baï gata, ka tane sa baï gata ya, tane joungna hèrè gata ya;

Tite 3:9

Da mo ènrèn mono jing baï ouinafèn ngawa da bong mèrèn tangbaï, da njakana tèn fanabaï tou guingna; baï ko̱ njoukouna mi tane ga jing fèna an ndourou ya, fèn on mi na bo̱on.

Pinali a Njou‐Mboro‐Pinali 15:2

Da ko̱ Paul kira Barnabas mi fa baï ka njaka nyèta jing kli, yindi mi di Paul jing Barnabas tèn njoukou hanali an woro kli, baï héna sé guè pou Jérusalem baï ouina njou‐mboro‐pinali da tangchidoli toul njakana on.

Apocalypse 3:17

Baï ko̱ mo sa: Mè yé jing nguèra, mè jing fèn mbo̱ri nyèta, da fèna mbéo nak mi ya, da baï ko̱ mo tane ga tou ya, ko̱ mo ba njoukou ko̱ go̱rè sé nè ta, da fèrè njoukou, foïta da foukoura da mono na bo̱on.

2 Thessalonicienli 2:4

kè on ko̱ joung monè fènè ka pong fènli on bon ko̱ mi bi lingkè ba Ouone, maléba fèn on ko̱ njoukou mi bou falkè, mono on, kème kaou bil temple a Ouone da sa kè fènè ba Ouone.

Colossienli 2:18

Oui yèng an njoukouna mbéo mi ri toul ndo̱ko̱ abaï ya, ka mboro ko̱ oui ji bo̱ko̱kè baï bouna mone baï guè koukoula da baï dikna angeli, baï bina hang‐è toul fèn on ko̱ kème tane ga ko̱ ya, kème joung monè bo̱on jing laou a naïn‐monè,

Philippienli 2:14

Oui nding fènli bon tane gnonranfèn da tane njakana.

Philippienli 2:3

Oui tane nding fèna mbéo ka mboro nzana baï ya, maléba joungna mone ya, da ka laou baï kaouna lome oui bon mi kèrè ka laou baï ba yine aféké mi ko̱ ta toul baï.

Philippienli 1:15

Ka babaï, njoukou hanali mi sa mboura Christ ka fanahang da nzana baï, da afékéli mi sa mboura baï ko̱ mi na hang kli bèlta.

Galateli 6:3

Baï tokoré njoukouna mi kèrè ka laou‐è ko̱ kè ba loukou njoukou ko̱ kè ba njoukou bo̱on, kè mong monè fènè.

Galateli 5:26

An name nza baï joungna mona ya, ka mong hana, da fa hang kon toul hana ya.

Galateli 5:15

Da tokoré ouime noung hana da son hana, oui pèng mone baï bèlta baï an oui mi bèngnèrèn hana fèn baï kon ya.

2 Corinthienli 11:20

Tokoré njoukouna mi ba oui tèn koï, tokoré kème noung oui, tokoré kème ba oui, tokoré kème jone ba monè fènè, tokoré kème o̱ none baï, oui bou toul baï jing nè.

1 Corinthienli 11:18

Ka titilikè mè lala ko̱ ouime ndoï jing hana an bil voula Ouone, mè lala ko̱ baï wala hana mana an woro baï, da mème kèrè ko̱ on mi tane ga ti ba wo̱ko̱ bon ya.

1 Corinthienli 11:16

Da tokoré njoukouna mi ji fana baï aïn, na maléba église a Ouone bon mi tane ti jing dofèn mahana ka on ya.

1 Corinthienli 3:18

Dadaon an njoukouna mbéo mi tane mong monè ya. Tokoré njoukouna an woro baï mi kèrè ka go̱rè ba kème cho̱kta ka saka naï, dadaon an kème tèn ngawa baï an kème ma baï tèna cho̱kna.

1 Corinthienli 3:3

Babaï, baï ko̱ ouime pane fana hang tèn njakana jing hana, oui pane jing mboro naïn‐mone ya, da ouime sé ka ba mbora njoukouli ya lé?

Romainli 14:1

Da oui pame kè on ko̱ mi tane ti njèrèn jing tounassaon ya, da tane ti ba baï ouina nè jing njakana ya.

Romainli 13:13

An name sé ka mbonatoul an nona ro̱kè ka séssé tane ndingna fèn ka ndo̱l ya, tane houl houl vone ya, tane nzala ndingna békéfèn ya, tane ndingna maïn ya, tana njakana ya, maléba tane fanahang ya.

Romainli 12:16

Oui kèrè té bil hana mabahana. Oui tane bi hang baï toul loukou fèn ya, da sé fal kli on ko̱ mi kaou lome. Oui tane bi hang baï toul tounafèn abaï fèn baï ya.

Romainli 2:8

da hi barabaï jing hèrè hi kli on ko̱ njaka ka pong babaï, da kli on ko̱ nding maï maï.

Pinali a Njou‐Mboro‐Pinali 18:15

da tokoré mi yé ba njakana toul baïnjaka, da toul ling, da toul guingna abaï fèn baï, on oui ko̱ abaï fèn baï, mè tane ga ji baï guina njou‐walabaï toul fèn aïnli ya.

Pinali a Njou‐Mboro‐Pinali 8:9

Da njoukouna mbéo makaou ti dambèl soko ling‐è ba Simon, kème hal ngala an bil pou Samarie, da laou a njoukouli bon mi sé siya, kème jone monè fènè ko̱ kè ba kakaïya njoukou.