1 Timothée 6:18 - Féké Testament 1947

¹⁸ An mome sa bi njaka kli an klime nding bèlafèn, an klime nguèrè jing bèla pina, an klime nding ko̱ko̱ ta ka laou kli ka wal fèn aklili.

1 Timothée 6:18 ပူးပေါင်းရင်းမြစ်များ

Hébreuli 13:16

Oui yangnaran ndingna bèlafèn da ko̱ko̱ ya, baï sacrificeli mahana on bi wélé toula Ouone ta.

Titili Takarata a Jean ko̱ dé 3:17

Da tokoré njoukouna mi jing fènli a koukoula aïn, da kème ko̱ yine nè ko̱ fèna mi nak nè da kème rima nonè jing nè baï ko̱na nè passé, sénahang a Ouone mi bi an bilè ane dé?

Romainli 12:8

maléba kè on ko̱ mi wara, dadaon an kème bi hang‐è ba toul warafèn amè; maléba kè on ko̱ mi hi fèn, dadaon an kème hi ka laou‐è; maléba kè on ko̱ mi obong fèn, dadaon an nonè mi sènta jing rou. Kè on ko̱ mi nding haïo, dadaon an kème nding ka wala.

Tite 3:8

Baïnjaka aïn mi na lodok, da mè ji an mome sa toul fèn aïnli njèrèn ta, baï kli on ko̱ mi la bilaou a Ouone tou, mi bi hang kli toul ndingna bèla pina bon. Fèn aïnli mi bèlta an njoukouli mi jing fèn an ndourou.

Tite 2:14

kè on ko̱ mi hi monè fènè baï toula, baï an kème ma baï chona na an mboro séla guingna bon, da baï a kè fènè mi tourou mèran njoukou tang fofoto, baï tèna ba dodok njoukou nèli, ko̱ none mi sènta baï ndingna bèla pina bon.

Saint Luc 12:21

Mono on, kè mahana ka kè on ko̱ mang fèn nguèra nè baï monè fènè, da kè tane ti jing nguèra a Ouone ya.

Galateli 6:10

Mono on, mane mboro bon, dadaon name nding bèlafèn hi njoukouli bon, da ta maïya an name nding bèlafén jing yine tounassaonli.

Romainli 12:13

Oui hi fèn mone baïli, ko̱ mi nak njou‐lana‐bilaouli hi kli. Oui nding ko̱ko̱ guèbassoko.

1 Timothée 5:10

Ko̱ njoukou mi sa bongbaï toul bèla pina nè. Tokoré kème mbé goundi tokoré kème nding ko̱ko̱ jing goni njoukouli, tokoré kème tourou bo̱ka njou‐lana‐bilaouli, tokoré kème lé mbèl njoukouli an guèl to̱ko̱nassé, tokoré kème nding mèrèn bèla pina bon.

2 Corinthienli 8:9

Baï ko̱ ouime toutou ndingna mbo̱l a Nanjou na Jésus‐Christ, tongna on ko̱ kème nguèrè jinguèl, kème tèn ba foïna njoukou baï toul baï, mono on an ouime ma baï jingna nguèra ka mboro foïna nè.

2 Corinthienli 8:12

Baï ko̱ tokoré jinabo̱ko̱kè baï hina fèn mi yé jing rou on mi mapélékè jing Ouone, ka ba mboro fèn on ko̱ mi na an ndo̱ka njoukouna, da tane ti ka ba mboro fèn on ko̱ mi tane ti an ndo̱kè ya.

1 Corinthienli 16:2

Ka titili name semaine an njoukou mane mbéo mbéo bon, mi wal fèn bi ka toul an pou nè mahana ka on ko̱ kème jing, da tane ti ba baï an mème guè da ouime mang toul ndo̱ko̱ ya.

Takarata Saïkè a Jean ko̱ dé 1:11

Mo on ko̱ mè sé hang‐o̱ nyèta; mo sé fal fèn ko̱ bèlya ya, da mo sé fal fèn ko̱ bèlta. Kè ko̱ nding bèlta ba a Ouone, kè ko̱ nding bèlya tane ga ko̱ Ouone ya.

TAKARATA A JACQUES KO̱ DÉ 2:5

Oui la yine nili on ko̱ mème sé hang baï ta: Ouone mi tane ga sane kli on ko̱ ba foïna njoukouli an wora njou‐koukoulali baï an kli on mi nguèrè jing tounassaon ya lé, da kli ba njou‐yanapéléli an bilkaou on ko̱ kème bi gonjaka hi kli on ko̱ mi sé hang‐è lé?

Pinali a Njou‐Mboro‐Pinali 9:36

Da njou‐séna bong waïn hana mbéo makaou an pou Joppé ling‐é ba Tabitha, ling aïn mi sa ba Dorcas. Waïn aïn mi nding bèla pinali ta da nding ko̱ko̱ ta.

1 Titili Takarata a Pierre ko̱ dé 3:11

An kème pong békéfèn da nding bèlafèn. An kème nza go̱ro̱ iki da sé mborokè. Baï ko̱ nona Nanjou na toula njou‐guédék, Da soukè la sana jojo akli, Da an nona Nanjou mi pong ba kli on ko̱ nding békéfèn.

Pinali a Njou‐Mboro‐Pinali 11:29

Da njou‐séna bongli bon mi kèrè ka go̱ro̱ kli baï pina fèn sé hi yindi on ko̱ mi bi an guèl Judée, mahana ka fènli on ko̱ mi na an ndo̱ko̱ njoukouli mbéo mbéo bon.

Pinali a Njou‐Mboro‐Pinali 10:38

ka mboro on ko̱ Ouone mi mèn Saint‐Esprit, da njèran kon toula Jésus an pou Nazareth, kè on ko̱ mi sé manguèl baï ndingna bèlafèn, da baï séla kli on bon ko̱ zabolo mi ya kli ka koï, baï ko̱ Ouone mi kaou jing nè.

Saint Matthieu 5:42

Mo hi fèn hi njoukou on ko̱ mi ndou fèn jing mo, da kè ko̱ oui ko̱da jing mo, mo ki kaïn no hi nè ya.

Saint Luc 3:11

Kème féré sa, ka sa hi kli: Kè ko̱ jing la séré, kème hi kènkè hi kè on ko̱ mi kaou bo̱on, da kè ko̱ jing laka kème ndé nding mabahana on kéng.

Éphésienli 4:28

Njoukou on ko̱ mi ri fèn dadaon an kème tane ri fèn ba aféké ya, da dadaon kème nding bèla pina jing ndo̱kè. Mono on, an kème jing fènli bi ndo̱kè baï hina njoukou on ko̱ fèn mi nak nè.