1 Timothée 6:11 - Féké Testament 1947

¹¹ Da amo, O njoukou a Ouone, mo ngou fèn aïnli, da sé fal fèn ndingna guédék, da sé ka mboro pèngna bong njaka Ouone, tounassaon, sénahang, laïnabi, bouna mone guè koukoula.

1 Timothée 6:11 ပူးပေါင်းရင်းမြစ်များ

2 Tim 2:22

Da mo ngou nzala bala goune, da sé fal ndingna guédék, tounassaon, sénahang, go̱ro̱ iki, mabahana jing kli on ko̱ mi hiou Nanjou jing tangna go̱ro̱ fofoto.

2 Tim 3:17

Mono on, an njoukou a Ouone mi gui guédék ka kaou tang ta tou da ma baï ndingna bèla pina bon.

1 Timothée 4:12

Mo yèng an njoukouna mbéo mi tane jèk mo ya, baï ko̱ mo mi pane ba bala goune; da mo tèn ba mèrènkè baï a kli on ko̱ la bilaou, ka baïnjaka, ka tangna bong séna, ka sénahang, ka tounassaon, tèn ka go̱ro̱ tang fofoto.

Hébreuli 12:14

Oui nza mboro baï kaouna ka go̱ro̱ iki jing njoukouli bon, da oui kaou jing tangna go̱ro̱ fofoto, baï a njoukou on ko̱ mi tane ti jing rou ya, tane ma baï ko̱na Nanjou ya.

1 Corinthienli 10:14

Mono, njoukouli ko̱ mème sé hang baï ta, oui ngou mboro pouna ngala.

1 Titili Takarata a Pierre ko̱ dé 3:11

An kème pong békéfèn da nding bèlafèn. An kème nza go̱ro̱ iki da sé mborokè. Baï ko̱ nona Nanjou na toula njou‐guédék, Da soukè la sana jojo akli, Da an nona Nanjou mi pong ba kli on ko̱ nding békéfèn.

1 Corinthienli 6:18

Oui ngou ndingna rome, gara békéfènli on bon ko̱ njoukou mi nding mi na an kala jing kli‐mone, da kè on ko̱ mi nding rome mi nding békéfèn jing ba dodok kli‐monè fènè.

1 Timothée 5:10

Ko̱ njoukou mi sa bongbaï toul bèla pina nè. Tokoré kème mbé goundi tokoré kème nding ko̱ko̱ jing goni njoukouli, tokoré kème tourou bo̱ka njou‐lana‐bilaouli, tokoré kème lé mbèl njoukouli an guèl to̱ko̱nassé, tokoré kème nding mèrèn bèla pina bon.

1 Corinthienli 14:1

Oui sé fal sénahang. Da oui ndé bi hang baï toul toul ndo̱ko̱ ko̱ mi gui ka Esprit, oui nza mboro baï to̱ko̱na bong njaka Ouone nyèta guèbambèl.

Romainli 14:19

Mono, dadaon an name sé ba fal fèn on ko̱ mi hi go̱ro̱ iki, da fèn on ko̱ ma pou mona jing hana.

1 Timothée 6:20

O Timothée, mo pèng fèn on ko̱ mi yèng bi ndo̱ko̱ da mo ènrèn mono jing bong tangbaï poukouna fèn da fana baï cho̱kna on ko̱ njoukou mi di ba cho̱kna da ko̱ ba wo̱ko̱,

1 Timothée 1:14

Da ndingna mbo̱l a Nanjou na mi taïnkon nyèta guèbambèl jing tounassaon da sénahang on ko̱ mi na ka bila Christ‐Jésus.

2 Tim 2:21

Mono on, tokoré njoukouna mi tourou go̱rè tang fofoto ka pong fèn aïnli, yé kè ma tèn ba ili dikna on ko̱ Ouone mi walè bi baï nè, da kè mabongkè baï ndingna pina a njou‐onatoul da kè mosso mboro nè tou baï ndingna bèla pina bon.

2 Tim 3:10

Da amo jinguèl mo sé fal to̱ko̱nafèn ni, da tong bong séna ni, da badinafèn ni, tounassaon ni, vonamboï ni, sénahang ni, tèn laïnabi ni.