1 Timothée 5:5 - Féké Testament 1947

⁵ Da kè on ko̱ ba waïn sé ka babaï, da kaou bo̱on, kème bi hang‐è toul oliya Ouone, da laïbi ka sa jo̱jo̱ nè da hiou Ouone ka hangnachoung tèn séssé.

1 Timothée 5:5 ပူးပေါင်းရင်းမြစ်များ

1 Timothée 5:3

Mo dik waïn soréli on, ko̱ ba waïn soréli ka babaï.

Saint Luc 2:37

Da kème kaou ba waïn soré mane saka bongkè‐difala‐saï‐faltoulkè‐nèng, ka tane ourou an bil temple ya. Kè laïbi ndingna bakara hi Ouone ka hangnachoung tèn séssé jing changna laka ka sana jojo Ouone.

1 Titili Takarata a Pierre ko̱ dé 3:5

Baï jinguèl tangna fofoto waïnli on ko̱ oli ba Ouone, bou fèn ling akli mahana ka on, ka kaou bo̱ko̱ ndo̱ka wa klili.

1 Timothée 5:16

Tokoré njou‐lana bilaou hana wonron njoukou maléba waïn njoukou mi yé jing waïn soréli, dadaon kème pèng kli fènè, da yèng an église mi tane pèng kli ya, mono on an église mi ma baï pèngna kli on ko̱ ba waïn soréli ka babaï.

1 Corinthienli 7:32

Da mème ji ba ouime kaou jing bina hang baï toul fènli a koukoula aïn ya. Kè on ko̱ mi tane ga é waïn ya, kème bi hang‐è toul fènli a Nanjou, ka mboro on ko̱ ma bi wélé toula Nanjou;

Saint Luc 18:1

Da Jésus sa ébèlbaï hi kli, baï to̱ko̱na hi kli an mi mabongkè an klime hiou Ouone guèbassoko, ka tan ya.

Éphésienli 6:18

Jing hiouna Ouone ka sana jo̱jo̱ nè oui hiou nè ka bila Esprit guèbassoko. Mono on, oui zèng mboro jing laïnabi ka sa jo̱jo̱ Ouone nyèta baï toula njou‐lana‐bilaouli bon.

Saint Luc 18:7

Da koukoulion Ouone mi wal baï hi kli on ko̱ kème sane kli tèn kala bon, ko̱ sa jo̱jo̱ nè ka mbiléou, ka séssé da ka hangnachoung, da mono, kè pa monè nyèta jing kli ya lé?

1 Corinthienli 7:34

Mono ndé on kéng waïn voulou tèn tikila sélkè mi na toutoul. Kè on ko̱ mi tane ga é wonron ya, kème bi hang‐è toul fènli a Nanjou, baï kaouna tangna fofoto jing kli‐mone tèn esprit kéng; da waïn on ko̱ mi é wonron tou kème bi hang‐è toul fènli a koukoula aïn ka mboro on ko̱ kè ma bi wélé toula wa nè.

Romainli 1:12

On mi sa, an name bi hang na guè tiya jing hana, an woro baï ka mboro tounassaon, ko̱ name do̱li hi hana mane na bon, abaï tèn ami.

Romainli 1:5

mbo̱lkè da name jing ndingna mbo̱l da pina a njou‐mboro‐pina, baï jingna njoukouli an wora mèran pime pouli bon an klime la ka mboro tounassaon, baï toul ling‐è.

Pinali a Njou‐Mboro‐Pinali 26:7

da mèrèn na ka douk botoulè‐séré on ko̱ mi nding bakara hi Ouone mi oli ka hangnachoung tèn séssé, da voro baï jingna bina gonjaka on. Da ba baï toul oliya aïn mi ko̱ Juifli sa kita kon touli, o nanjoukaou!

Pinali a Njou‐Mboro‐Pinali 6:1

Ka name o̱kèo̱ ko̱ njou‐séna bongli mi taïnkon nyèta, Hellénisteli mi njaka jing hana kira Hébreuli baï ko̱ klime pènrèn baï hina fènli on ko̱ klime wal guèbassoko hi waïn‐soré klili.

Pinali a Njou‐Mboro‐Pinali 9:39

Pierre mi ourou da guè mone kli. Da ko̱ kème kan tou, kli ya nè, da hé sé guè bil gangna laou voulou. Waïn soréli bon mi ndoï guè bèl monè ka lé léou, da klime to̱ko̱ la siya tèn gara lali hi nè ko̱ Dorcas mi san ko̱ kème pane jing kli.

Pinali a Njou‐Mboro‐Pinali 9:41

Da Pierre mi ndara ndo̱kè, ka ko̱ko̱ nè bi siya, da mono kème di njou‐lana‐bilaouli da waïn soréli ka hi nè hi kli ka none.

Philippienli 4:6

Oui bi hang baï toul fèna mbéo ya, da toul fènli bon ko̱ ouime ji oui to̱ko̱ hi Ouone ka mboro hiouna nè, ka sa jo̱jo̱ nè, ka jone nè.

1 Timothée 2:1

Mono on, mè wara mo ka titilikè toul fènli bon, oui oui nyéta ka hiouna Ouone jing sana jo̱jo̱, da kaou koukoula hi Ouone baï toula njoukouli bon,

2 Tim 1:3

Mè kaou koukoula hi Ouone, kè on ko̱ mème nding bakara hi nè jing laou‐tounafèn tang fofoto, mahana ko̱ tangko nili mi ti nding bakara hi nè jinguèl, baï ko̱ mème bi hang ni toulo̱ da sa jo̱jo̱ Ouone ka hangnachoung tèn séssé.