1 Timothée 4:3 - Féké Testament 1947

³ Klime koung guingna baï éna waïn ya, da sa bi njaka njoukouli an klime chang sona naïn, naïn on ko̱ Ouone mi mosso an kli on ko̱ mi la bilaou da tou babaï mi ya jing kaouna koukoula hi Ouone.

1 Timothée 4:3 ပူးပေါင်းရင်းမြစ်များ

1 Timothée 4:4

Baï ko̱ fèn mossona bon a Ouone mi bèlta, da fèna mbéo tane ti baï pongnakè ya, tokoré njoukouna mi ya jing kaouna koukoula hi nè,

Hébreuli 13:4

Dadaon an njoukouli mi ji ba bina waïn voulou an woro baï bon, da to̱ko̱ name bina waïn voulou mi na ba dakame ya, baï ko̱ Ouone ma wal baï hi njoukouli on ko̱ nding fèn dakame da njou‐maïnli.

Romainli 14:6

Njoukou on ko̱ mi pèng name kème pèng baï toula Nanjou, da kè on ko̱ mi son laka, kème son baï toula Nanjou, baï ko̱ kème kaou koukoula hi Ouone. Da kè on ko̱ mi chang laka, kème chang baï toula Nanjou, da kème ndé kaou koukoula hi Ouone kéng.

Colossienli 2:16

Mono on an njoukouna mbéo mi wal baï kon toul baï, baï toul fèn sona maléba fèn njona, maléba loukou name, maléba féké féou, maléba name sabbatli ya;

1 Corinthienli 8:8

Da na tane ma baï guina bèl an nona Ouone baï toul laka ya. Tokoré name tane ga son ya, na tane ga pènrèn fèn ya, da tokoré name son na tane ga taïnkon jing fèn ya.

Colossienli 3:17

Da fènli bon on ko̱ ouime nding, tokoré baïnjaka maléba fèn ndingna, oui nding fènli bon, ka bil ling a Nanjou Jésus, da oui kaou koukoula hi Ouone Baba ka mboro nè.

1 Corinthienli 7:28

Da tokoré mome é waïn, mo tane ga nding békéfèn ya, da tokoré tikila mi é wonron, kè tane ga nding békéfèn ya; da yé kli ma jing to̱ko̱nassé an naïn‐mone kli, da mème ji dèna oui bi.

Romainli 14:3

Da an kè on ko̱ mi son fènli bon, mi tane aïli kè on ko̱ mi son laka ya, da an kè on ko̱ mi tane son fènli bon ya, mi tane wal baï kon toula kè on, ko̱ mi son fènli bon, baï ko̱ Ouone mi pame nè tou.

Hébreuli 13:9

Oui yèng goni baï toutoul da goni to̱ko̱nafèn mi miri oui guèfal ya; baï on bèlta ko̱ go̱ro̱ baï mi pou bi ka mboro ndingna mbo̱l, tane ti ka mboro laka ya, on ko̱ tane hi fèn ya, hi kli on ko̱ sé ka mboro aïn.

1 Timothée 2:4

Kè on ko̱ mi ji ba njoukouli bon mi kou, da kli ma baï touna babaï.

1 Corinthienli 6:13

Laka ba baï toula bil, da bil ba baï toula laka; da yé Ouone ma limna kli séré bon. Da kli‐mone aïn mi tane na ba baï toul ndingna rome ya: Da mi na ba baï toula Nanjou, da Nanjou mi na ba baï toula kli‐mone on.

Romainli 14:17

Baï ko̱ bilkaou a Ouone mi tane ti ba fèn sona tèn fèn njona ya, da ba ndingna guédék da go̱ro̱ iki, da jangnandaï ka bila Saint‐Esprit.

Saint Matthieu 15:36

Da kè ya tarou difala‐séré on da njouïli on, kè kaou koukoula hi Ouone, ka haou ka hi njou‐séna bongli, da njou‐séna bongli mi hi ro̱kè njoukouli on.

Saint Matthieu 14:19

Da kè sa bi njaka ro̱kè njoukouli, an klime kaou toul pa, da kè ya tarou dioui on da njouïli séré, ka ènrèn sé nonkala, kè same ka haou, ka hi tarou hi njou‐séna bongli, da njou‐séna bongli mi hi ro̱kè njoukouli on.

Pinali a Njou‐Mboro‐Pinali 27:35

Da ko̱ kème sa baï aïn o̱tou, kè bi mapa, da kaou koukoula hi Ouone an none kli bon, kè haou mapa on da tissaon baï sonakè.

Saint Jean 6:23

Kombone afékéli ko̱ mi gui ka Tibériade guè diya jing guèl sona laka on, afal ko̱ Nanjou mi kaou koukoula hi Ouone tou.

Saint Luc 24:30

Da baï mi gui mahana ka on, ko̱ kème kaou table jing kli, baï sona laka kè ya mapa; ka same, da kè haou mapa, ka hi kli.

Saint Matthieu 15:11

Fèn ko̱ mi ri haou, mi tane ga nding njoukou tèn ba dakame ya; da ba fèn on ko̱ mi tèn gui kala an haou mi ko̱ nding njoukou tèn ba dakame.

1 Timothée 5:14

Mono on, mè ji an waïn soréli on ko̱ mi pane ba tikila, klime é wonron ka mboung goundi, da miri njou‐voul klili an mboro mi tane ti jing bakèo̱ baï ouina njaka kli ya;