1 Timothée 4:13 - Féké Testament 1947

¹³ Bo̱l tèn ko̱ mème guè, mo bi laou‐o̱ toul kèna takarata, ka warafèn, da to̱ko̱nafèn.

1 Timothée 4:13 ပူးပေါင်းရင်းမြစ်များ

Pinali a Njou‐Mboro‐Pinali 6:4

Da ama, na ma pane laïna bi hiouna Ouone da ndingna bakara baïnjaka Ouone.

Tite 2:15

Mo sa fèn aïnli ka wara fèn, da mo ba baï toul békéfèn a njoukouna bi kala, ka mboro bina baïnjaka. Mo yèng an njoukouna mbéo mi tane jèk mo ya.

2 Tim 4:2

mo sa mboura baïnjaka, ka laïbi mane mboro bon ka bèla name tèn name ko̱ tane bèlta ya, mo sa toul békéfèn an njoukouli bi kala, mo ba baï hi kli, wara kli jing pana mone da to̱ko̱nafèn bon.

1 Timothée 4:16

Mo pèng mono fèno, tèn to̱ko̱nafèn no, ka laïbi jing fèn aïnli, ko̱ jing pina on, yé mo ma kou mono fèno tèn kli on ko̱ mi la baï no.

1 Timothée 4:6

Tokoré mo mi déou laou a yindi, toul fèn aïnli, yé mo tèn ba bèla njou‐bakara a Christ‐Jésus, ka pou jing baïnjaka a tounassaon da ka mboro bèla to̱ko̱nafèn on ko̱ mo mi sé falkè bo̱l tèn kassénaï.

Pinali a Njou‐Mboro‐Pinali 17:11

Da Juifli on ko̱ kaou ndourou mi bèl maïya ta toula Juifli on ko̱ kaou pou Thessalonique; baï ko̱ klime ya baïnjaka gata an bil go̱ro̱ kli, da foul fal Takarata a Ouone name bon baï touna kong ba fèn aïnli ba babaï lé.

Saint Jean 5:39

Oui foul an bil Takarata a Ouone baï ko̱ ouime kèrè oui ma jing yana kambèlè an bilkè, da ba Takarata a Ouone on mi ko̱ sa bongbaï ni.

1 Corinthienli 14:26

Yindi, mono on ba fèn lé? Ko̱ ouime ndoï jing hana, njoukou mane mbéo mbéo bon an woro baï mi kaou jing dinassing, njoukou aféké mi kaou jing to̱ko̱nafèn, njoukou aféké mi kaou jing bong njaka on ko̱ Ouone mi wéré nonkè hi nè, njoukou aféké mi kaou jing njaka baï aféké ka toul, da njoukou aféké mi kaou jing to̱ko̱na saon baïli toutoul toutoul. Dadaon oui nding fènli bon baï an mone baï mi pou oui.

1 Corinthienli 14:3

Da njoukou on ko̱ mi to̱ko̱ bong njaka Ouone kème sa mboura hi njoukouli ba baï pouna mone kli bèlta, ka wara kli, tèn vona goro kli.

1 Corinthienli 14:6

Da kassénaï, yindi, tokoré mème guè mone baï da mème sa ka ba njaka baïli toutoul toutoul, yé oui ma jing bèlafèn ba fèn an ndourou lé? Tokoré mème tane ga wéré ba none baïnjaka Ouone bi kala hi oui ya, maléba baï tounafèn, maléba baï to̱ko̱na bong njaka Ouone, maléba to̱ko̱nafèn lé?

Romainli 12:8

maléba kè on ko̱ mi wara, dadaon an kème bi hang‐è ba toul warafèn amè; maléba kè on ko̱ mi hi fèn, dadaon an kème hi ka laou‐è; maléba kè on ko̱ mi obong fèn, dadaon an nonè mi sènta jing rou. Kè on ko̱ mi nding haïo, dadaon an kème nding ka wala.

2 Tim 3:15

Da bo̱l tèn ko̱ mo mi pane ba joï goune, mo toutou tangna fofoto Takarata a Ouone, on ko̱ ma baï hina cho̱kna hi mo baï jingna yana‐baï‐toul ka mboro tounassaon on ko̱ mi na ka bila Christ‐Jésus.