1 Timothée 4:1 - Féké Testament 1947

¹ Da Esprit mi sa tang ta ko̱ ka sèkèrè name yé njoukou hanali ma yèng tounassaon da la esprit mongnafènli, tèn to̱ko̱nafènli a zabololi,

1 Timothée 4:1 ပူးပေါင်းရင်းမြစ်များ

2 Pierre 2:1

Da wo̱ko̱ prophèteli tèn an woro njoukouli jinguèl kéng, da mahana on kassénaï wo̱ko̱ njou‐to̱ko̱nafènli makaou an woro baï kéng, ko̱ ma to̱ko̱ baï mongna fèn ko̱ bo fèn, mi ko̱ kli njé njaka toula njou‐to̱ko̱nafèn on ko̱ mi zé kli, da kli dou houl hèlè a zabolo kon toul kli koukoulion.

Jude 1:18

ko̱ klime sa hi oui: Ka sèkèrè name yé njou‐gaïna njoukouli makaou, kli sé fal nzala akli ko̱ pong Ouone.

2 Pierre 3:3

Baï ko̱ ouime toutou on ambèl ka sèkèrè namkèli yé njou‐gaïna fènli ma tèn baï mongna fèn, ka sé fal mboro dodok nzala mone kli,

Jude 1:4

Baï njoukou hanali ko̱ro an woro baï ka foli, da kli mini ko̱ takarata mi wal baï kon toul kli jinguèl ka titilikè, njoukouli on ko̱ pong Ouone ko̱ ki ndingna mbo̱l an Ouone ama ba ladidifèn da kli pong njou‐to̱ko̱nafèn mbéo on ama ko̱ ba Nanjou Jésus‐Christ.

2 Corinthienli 11:3

Da mème ngou waou, baï ko̱ ka touya mahana ko̱ choï mi mong Ève jinguèl jing bounabong nè, mono on laou‐kèrafèn abaï mi bo ka mboro kaouna tangna fofoto jing Christ.

2 Tim 3:13

Da yé béké njoukouli tèn njou‐mongnafènli ma ti ka taïnkon nyèta guèbambèl jing békéfèn, da kli ma mong njoukouli da njoukouli ma mong kli.

Titili Takarata a Jean ko̱ dé 4:6

Ama, na ba a Ouone. Kè on ko̱ mi toutou Ouone kème la baï na; da kè on ko̱ mi tane ga ti ba a Ouone ya, kème tane la baï na ya. Ka ba mboro on mi ko̱ na toutou esprit babaï tèn esprit a wo̱ko̱.

Saint Jean 16:13

Da ko̱ Kè‐baïlénambèl mi gui tou, kè on ko̱ ba Esprit a babaï, yé kè ma lang oui sé mboro babaï bon; baï ko̱ kè ma sa ka ba mboro nè fènè ya, da kè ma sa ba toul fènli on bon ko̱ kème la tou, da kè ma sa bong fènli on ko̱ nding baï guina hi oui.

Titili Takarata a Jean ko̱ dé 2:18

Lélé goundi, on ba sèkèrè name da mahana ko̱ ouime ti lala jinguèl ba yé antichrist ma gui, tongna kassénaï antichristli nyèta mi gui tou, da ka mboro aïn name toutou ko̱ on ba sèkèrè name.

Apocalypse 2:11

Kè on ko̱ soukè mana baï hana, dadaon, an kème la fèn on ko̱ Esprit fènè mi sa hi égliseli: Kè on ko̱ gnèrèn baï njéna houl a sérékè ba ndingna bèlya jing nè tane tiya.

2 Tim 4:4

Da kli ma ki soukou kli jing babaï ka ki sé fal tangbaï.

Apocalypse 20:10

Da zabolo on ko̱ mong kli, mi wou nè bou bil étang hèlè da soufre, an guèl on ko̱ naïn on da wo̱ko̱ prophète ndé na rou kéng. Da kli ma to̱ko̱ssé ka séssé da ka hangnachoung kambèlè go̱ kambèlè.

Apocalypse 3:6

Kè on ko̱ soukè mana baï lana, dadaon, an kème la fèn on ko̱ Esprit fènè mi sa hi égliseli.

Apocalypse 2:29

Kè on ko̱ soukè mana baï lana, dadaon an kème la fèn on ko̱ Esprit fènè mi sa hi égliseli.

1 Titili Takarata a Pierre ko̱ dé 1:20

Kè on ko̱ kè badi guina amè ka titilikè ambèl mossona koukoula, da kè tèn nè bi kala ka sèkèrè name aïn baï toul baï,

Apocalypse 18:2

Da kè bouka béta guè siya, ka sa: Pou Babylone loukoukè mi lé tou, ka lé tou! Kè tèn guèl bina pou a zabololi, da voul jo̱bo̱ a dakame espritli bon, da voul jo̱bo̱ a dakame ndo̱ïli ko̱ njoukou ji kli ya.

Colossienli 2:18

Oui yèng an njoukouna mbéo mi ri toul ndo̱ko̱ abaï ya, ka mboro ko̱ oui ji bo̱ko̱kè baï bouna mone baï guè koukoula da baï dikna angeli, baï bina hang‐è toul fèn on ko̱ kème tane ga ko̱ ya, kème joung monè bo̱on jing laou a naïn‐monè,

1 Corinthienli 10:20

Da fénli on ko̱ mèran gentili mi pou ngala rou, klime pou ngala on hi ba zabololi, da klime tane ga hi ba Ouone ya; da kème ji an ouime tane vo ka go̱ro̱ mbéo jing zabololi ya.

Apocalypse 20:8

da kè ma tèn kala baï mongna pime pouli ko̱ mana kouroukè nèng an koukoula, Gog da Magog, baï ndoïna kli baï rouna béré, ro̱ko̱na akli mabahana ka sarika an bèl loukou‐mbi‐tome.

Apocalypse 19:20

Da kli ba naïn on, da wo̱ko̱ prophète on jing nè, ko̱ nding fèn to̱ko̱nakèli an nonè, jing fèn sakame on ko̱ kè mong njoukouli on ko̱ ya déna a naïn on jinguèl, da kli on ko̱ houkou an mbèla tétéme nè ka hiou nè, mi wou kli séré bon bou bil étang hèlè, ko̱ jang ta jing soufre, ko̱ kli pane yana.

Apocalypse 18:23

Da chana lampe ba takana an bilo̱ ba aféké tane tiya, da kli ba lana bo̱ko̱ a njou‐yana waïn da waïn yana wonron an bilo̱ ba aféké tane tiya, baï ko̱ njou‐zénacho̱ko̱ noli ba zaworoli an koukoula jinguèl, baï ko̱ hala ngala amo mong pime pouli bon.

Apocalypse 13:14

Da kè mong kli on ko̱ bi pou kli an toula koukoula baï fèn to̱ko̱nakèli on ko̱ mi hi njèran hi nè baï ndingnakè an nona naïn on, ka sa hi kli on ko̱ bi pou an toul koukoula, an klime mosso tétéme a naïn on ko̱ mi yé jing nongno gamba da pane yana.

Apocalypse 9:20

Da gara njoukouli ko̱ fèn békékèli on tane ga i kli ya, kli tane ga hèkè pina ko̱ kli nding ka ndo̱ko̱ kli ya, an klime yèng hiouna zabololi ya, maléba ndame l’or da l’argent, da mbo̱sso̱, da kone, da di, ko̱ ma baï ko̱na guèl ya, da lana baïli ya, da séna ya;

Apocalypse 3:22

Ké on ko̱ soukè mana baï lana, dadaon, an kème la fèn on ko̱ Esprit fènè mi sa hi égliseli.

Apocalypse 3:13

Kè on ko̱ soukè mana baï lana, dadaon, an kème la fèn on ko̱ Esprit fènè mi sa hi égliseli.

Apocalypse 2:17

Kè on ko̱ soukè mana baï lana, dadaon, an kème la fèn on ko̱ Esprit fènè mi sa hi égliseli: Kè on ko̱ gnèrèn baï njéna, mè ma hi manne on hi nè ko̱ mou, da mè ma hi pouki kone hi nè; da dé féké ling toul kone on, ko̱ njoukouna tane tou ya, wara kè on ko̱ ya nè ya.

Apocalypse 2:7

Kè on ko̱ soukè mana baï lana, dadaon, an kème la fèn on ko̱ Esprit fènè mi sa hi égliseli: Kè on ko̱ gnèrèn baï njéna, mè ma hi nè baï sona lénadi yana ko̱ mana a guèl Paradis a Ouone.

1 Corinthienli 12:11

Da ba Esprit on mbéo bo̱l mi ko̱ nding fèn aïnli bon, da kème wal hi njoukouli mane mbéo mbéo bon mahana ko̱ kème ji ka laou‐è fènè.

Pinali a Njou‐Mboro‐Pinali 28:25

Da ko̱ klime tane ga ji bo̱ko̱kè jing hana ya, kli nding baï oura da Paul mi sa gara sèkèrè baïnjaka; Saint‐Esprit mi sa baï ka babaï hi tangko baïli ka mbora prophète Ésaïe ko̱ kème sa:

Pinali a Njou‐Mboro‐Pinali 17:18

Da chokna njoukouli a épicurien, da stoicienli mi gui baï sana baï jing nè. Da njoukou hanali mi sa: Njou‐wènwèk baï aïn mi ji sana ba fèn lé? Da njou‐afékéli mi sa: Kè ba njoukou on ko̱ mi to̱ko̱ baï a goni ouondi, baï ko̱ kème sa mboura toula Jésus da toula tomnahoulkèli.

Pinali a Njou‐Mboro‐Pinali 13:2

Da ko̱ klime kaou baï ndingna bakara Nanjou, ka chang laka, Saint‐Esprit mi sa: Oui wal Barnabas da Saul bi ka toul hi mi, baï ndingna pina on ko̱ mème di kli baï ndingnakè.

Apocalypse 16:14

Baï ko̱ kli ba espritli a zabololi ko̱ nding fèn to̱ko̱nakèli kli sé mona nanjoukaouli an koukoula bon, baï ndoïna kli baï rouna béré ka loukou name a Ouone Njèran‐honta‐bon.

Saint Matthieu 18:7

Go̱ro̱ séta mi ba baï a njou‐koukoulali, baï a fèn bèna! Baï ko̱ yé fèn bèna mana an domboro; da go̱ro̱ séta mi ba baï a njoukou aïn ko̱ mi bi fèn bèna!

Saint Luc 17:1

Da kè sa hi njou‐séna bong nèli: Mi tane ma baï dèna fèn fèna ya; da go̱ro̱ séta mi ba baï a kè on ko̱ mi ba fèn on bi domboro!

Pinali a Njou‐Mboro‐Pinali 20:23

bo̱l ba fèn on ho̱kè ko̱ Saint‐Esprit mi sa bongkè hi mi mane pouli mbéo mbéo bon, ko̱ kème sa gnanafèn da fèn to̱ko̱nassé ma voro mi.

Pinali a Njou‐Mboro‐Pinali 21:11

Da kème gui mona, da bi ga gnana Paul, da gna bo̱kè jing ndo̱kè rou fènè, ka sa: Saint‐Esprit mi sa on: Mahana ka on, yé Juifli an pou Jérusalem ma gna njoukou ko̱ ba nanjou a ga aïn mahana ka on, da kli ma hi nè bi ndo̱ka gentili.

1 Corinthienli 2:10

Da Ouone mi wéré nonkè bi kala hi na ka mboro Esprit nè. Baï ko̱ Esprit fènè mi lé saon fènli bon tongna gba saon fènli a Ouone fènè.

1 Corinthienli 11:19

Baï ko̱ bong tènrèn baï mi ndé tèn an woro baï kéng, an ouime ma baï touna aïnli ko̱ mi mabongkè an woro baï.

TAKARATA A JACQUES KO̱ DÉ 3:15

Cho̱kna on mi tane ti ba cho̱kna ko̱ gui ka nonkala ya, da ba a koukoula, an naïn‐mone tèn a zabolo.