1 Timothée 3:7 - Féké Testament 1947

⁷ Dadaon njoukouli an kala mi sa bèla bongbaï toulè, baï ko̱ ka touya kè ma lé ka chonron a njoukouli da ndaou a zabolo.

1 Timothée 3:7 ပူးပေါင်းရင်းမြစ်များ

2 Corinthienli 8:21

baï ko̱ name bi hang na ba toul fèn mbonatoul, tane ti ba baï nona Nanjou ka ho̱kè ya, da ndé tèn an nona njoukouli kéng.

2 Tim 2:26

Da kli ma kèrè fal mone kli tangta, ka ourou an ndaou a zabolo, baï ko̱ kème ba kli baï ndingna fèn on ko̱ mi na mara fal toulè.

Colossienli 4:5

Oui sé ka cho̱kna an nona kli on ko̱ mi kaou an kala da oui pame name abaï.

1 Timothée 6:9

Kli on ko̱ mi kèrè baï jingna nguèra klime lé guèl yaknafèn, ka ba ndaou jing nzala ngawa maïya, tèn nzala on ko̱ mi hi go̱ro̱ séta, fèn on ko̱ mi bine njoukouli ka bo kli, da klime hou an guèl hèlè.

1 Thessalonicienli 4:12

An ouime ma baï séna mapélékè an nona kli on ko̱ mi kaou kala, da fèna ma pènrèn an ndo̱ko̱ baï ya.

2 Corinthienli 6:3

Name tane ga bou fèn bèna ka mboro mbéo ya, baï an klime tane ma baï sana kon toul bakara na ya.

1 Corinthienli 10:32

Oui tane bou ba fèn bèna hi Juifli, maléba hi Grecli, maléba hi église a Ouone ya.

Pinali a Njou‐Mboro‐Pinali 6:3

Mono on, yindi, oui nza njoukounali difala‐séré an woro baï on, ko̱ njoukouli mi sa bèla tiri baï bon toul kli, ko̱ klime mba ka Esprit da ka chokna, an name di kli baï onabong pina aïn.

Tite 2:8

Jing njèran baïnjaka on ko̱ njoukou mi tane ma baï sana baï kon toulkè ya, mono on an chonron mi sé bakèo̱, da kè ma jing fèna bèlya baï sana kon toul ling na ya.

Tite 2:5

mang mone kli, klime ba bako̱la wonron ya, klime nding pina bil voul klili bèlta, ka nding bèlafèn ta, da kaou bo̱ko̱ ndo̱ka wa klili, mono on an mi tane poukou baïnjaka Ouone ya.

1 Thessalonicienli 5:22

Oui chang mèran fènli bon ko̱ bèlya.

1 Timothée 5:14

Mono on, mè ji an waïn soréli on ko̱ mi pane ba tikila, klime é wonron ka mboung goundi, da miri njou‐voul klili an mboro mi tane ti jing bakèo̱ baï ouina njaka kli ya;

1 Corinthienli 5:12

On ba baï ni baï wala baï an njoukouli on ko̱ mi kaou an kala ane mèlé? Oui wal ba baï an kli on ko̱ mi kaou an bilkè ya lé?

Pinali a Njou‐Mboro‐Pinali 22:12

Da njoukouna ko̱ ling‐è ba Ananias, njoukou on ko̱ mi pèng bong njaka Ouone ka mboro guingna, da Juifli bon on ko̱ bi an ndourou mi sa bongbaï toulè bèlta.

Pinali a Njou‐Mboro‐Pinali 10:22

Da klime sa: Corneille, ko̱ ba kabita pèngna tourougouli té njoukou guédék da njoukou ko̱ mi waou nona Ouone, da pime pou Juifli bon mi sa bongbaï toulè bèlta, Ouone mi pi tangna fofoto ange nè guè monè baï wara nè, an kème pi gui mono baï dina mo, an mome guè voulè, baï an kème la baï an njako̱.

Saint Marc 4:11

Da kème sa hi kli: Ba baï abaï baï touna didissi fèn toul bilkaou a Ouone; da ba baï akli on ko̱ kaou kala, mi ko̱ fènli bon ko̱ to̱ko̱ ka ba ébèlbaïli,

Takarata Saïkè a Jean ko̱ dé 1:12

Njoukouli bon da babaï fènè sa bèla bongbaï toula Démétrius; da na kéng na sa bongbaï toulè, da mo tou ko̱ bongbaï ama ba babaï.

1 Timothée 3:6

Dadaon kème tane ti ba féké njou‐yana bèlabaï koukoulion ya, baï ko̱ ka touya kè ma tèn ba njou‐gnaïna da lé bo̱ko̱ barabaï on ko̱ mi na toula zabolo.