1 Timothée 3:16 - Féké Testament 1947

¹⁶ Da ka njakana ya, didissi baï a pèngna bong njaka Ouone ba loukoukè. Ouone mi wéré nonkè bi kala an naïn‐mone tou, da ba guédék ka esprit, da angeli mi ko̱ nè, ka sa mboura nè an wora mèran gentili ko̱ mi la bilaou‐è an mona njou‐koukoulali, da mi ya nè sé guè nonkala ka jonafèn.

1 Timothée 3:16 ပူးပေါင်းရင်းမြစ်များ

Saint Jean 1:14

Baïnjaka gui naïn‐mone tou, da bi an woro na tou, da kè mba jing ndingna mbo̱l da babaï, da name ko̱ jonafèn nè mahana ka jonafèn a pomboï goune ko̱ mi gui ka Baba.

Hébreuli 1:3

Kè on ko̱ ba chana a jonafèn a Ouone, da kè ba gba dodok tétéme amè fènè, da tone fènli bon, ka baïnjaka njèran nè, ko̱ kè fènè mi tourou békéfènli bon guèfal tou, da kaou mboro wonron ndo̱ka Gangna a Ouone an sèkèrè guèl ndèk an nonkala.

Saint Marc 16:19

Mono, afal ko̱ Nanjou mi sa baï hi kli o̱tou, mi bi nè sé guè nonkala, da kème kaou mboro wonron ndo̱ka Ouone.

Romainli 16:25

Da an kè on ko̱ njèrèn baï pouna mone baï ka mbora bèlabaï ni, ka mboro sana mboura a Jésus‐Christ mabong baï on ko̱ mi wéré nonkè bi kala, didissi baï on ko̱ mi mou ka foli jinguèl ka titilikè ambèl hi name mossona koukoula.

Saint Luc 24:4

Da baï mi gui mahana ka on, ko̱ klime pane kaouna chon, njoukounali séré mi o bèl mone kli da la kli mi o̱ ta.

Colossienli 1:23

Tokoré oui mi laïbi pou da kaou wang jing tounassaon, da oui mi tane ga yèng oliya bèlabaï ya, ko̱ oui mi la jinguèl, ko̱ mi sa mbourakè hi njoukouli bon an bo̱ko̱ nonkala baï on, mi ko̱ Ouone hi mi, mè Paul ba njou‐bakara a Ouone.

Titili Takarata a Jean ko̱ dé 1:2

da yana on mi wéré nonkè bi kala tou, da name ko̱ nè tou, da name sa bongbaï nè, da name to̱ko̱ yana on hi oui ko̱ ba yana kambèlè, ko̱ mi na jinguèl an bèl mona Baba fènè, da mi wéré nonkè bi kala hi na tou,

1 Titili Takarata a Pierre ko̱ dé 3:22

kè on ko̱ makaou mboro wonron ndo̱ka Ouone baï ko̱ kème hé sé nonkala tou, da kè bou angeli da nanjoukaouli da njèranli baï kaouna bo̱ko̱ ndo̱kè.

1 Titili Takarata a Pierre ko̱ dé 1:12

Mi to̱ko̱ hi kli on, ko̱ on ti ba baï akli fèn kli ya, da ba baï abaï ko̱ klime nding bakara fèn aïnli, ko̱ kassénaï kli on ko̱ sa mboura bèlabaï mi sa hi oui tou, ka bila Saint‐Esprit ko̱ kè pi ka nonkala, da fèn on ko̱ angeli mi bi hang kli baï ko̱na saonkè.

Colossienli 2:2

baï an klime bi hang kli guè tiya, ko̱ klime vo jing hana ka sénahang, da klime jing nguèra cho̱kna on ko̱ mba, an klime tou didissi baï a Ouone nguite on ko̱ ba Christ,

Colossienli 1:27

kli on ko̱ Ouone mi ji baï to̱ko̱na nguèra jonafèn a didissi baï on hi kli an woro mèran gentili, mini ko̱ ba Christ an bil baï, oliya jonafèn.

Colossienli 1:6

On ko̱ mi gui mone baï mahana ko̱ mi ndé kan mane koukoula bon kéng, da mi lé lénakè ka taïnkon mahana ko̱ mi ndé nding an bil baï kéng, ka titili name on ko̱ oui mi la jinguèl, da tou ndingna mbo̱l a Ouone nguite ka babaï.

Saint Luc 22:43

Da ange mbéo an nonkala mi tèn guè monè da hi njèran hi nè.

Saint Matthieu 3:16

Da ko̱ Jésus mi ya baptême tou, koukoulion kè tèn kala an bil mbi. Da mono, nonkala mi bourou, da kè ko̱ Esprit a Ouone mi diri gui mahana ka guédé da kaou laou toulè.

Titili Takarata a Jean ko̱ dé 3:5

Da oui toutou ko̱ Jésus mi gui ba baï ko̱na békéfènli pa. Da békéfèn mi tane ti bilè gounfènakè ya.

Hébreuli 12:2

Da nona mi ènrèn gui ba mona Jésus ko̱ ba zaworo a tounassaon na da njou‐ndingnakè guédék, kè on ko̱ to̱ko̱ssé an di‐croix ka jèk chonron baï ba jangnandaï on ko̱ mi yèng bi baï nè, da kème kaou tou ka mboro wonron ndo̱ko̱ kangala njaka bara a Ouone.

1 Timothée 3:9

Kli pèng didissi baï a tounassaon jing laou‐tounafèn ko̱ mi na tang fofoto.

Saint Jean 20:12

da kème ko̱ angeli séré ko̱ bou pouki la; aïn mbéo mi o an mboro laou toulè, an guèl on ko̱ houla Jésus mi na ndourou, da kènkè an mboro taka bo̱kè.

Saint Matthieu 1:23

Oui ko̱, tikila ko̱ mi mbabil tou, kè ma mboung ba goune wonron, Da yé kli bi ling‐è ba Emmanuel, on mi sa ba Ouone jing na.

Apocalypse 7:9

Da afal fèn aïnli, mè ko̱ da mono, njoukouli ro̱ko̱ta ko̱ njoukou mbéo tane ma baï kèna kli ya, kli gui ka pime pouli, njoukouli bon, kadouk bon, da mèran njoukouli toutoul bon, da ka njakabaïli bon. Kli o bèl kangala njaka bara da mona Goune badoua, kli bou pouki la da kli ba di ndèng‐è an ndo̱ko̱ kli.

1 Titili Takarata a Pierre ko̱ dé 1:20

Kè on ko̱ kè badi guina amè ka titilikè ambèl mossona koukoula, da kè tèn nè bi kala ka sèkèrè name aïn baï toul baï,

Hébreuli 7:7

Da tane fanabaï, kè on ko̱ ba loukoukè same kè on ko̱ ba lélékè.

Éphésienli 6:19

Da oui ndé hiou Ouone kon touli kéng, baï an mème sa baï ka mboro mboura njaka ni, baï to̱ko̱na didissi fèn a bèlabaï ndo̱t tane waou.

Éphésienli 1:9

da kème to̱ko̱ hi na didissi baï on ko̱ mi na mara fal toulè, ko̱ mi na hang‐è bèlta ko̱ kème badi ti dambèl ka bilè fènè,

Galateli 4:4

Da ko̱ namkè mi mabongkè tou, Ouone mi pi Goune nè gui koukoula ko̱ waïn mi mboung nè, da kème tèn an bo̱ko̱ guingna.

1 Corinthienli 15:47

Titili njoukou mi gui ka sissili, da kè ba an koukoula, njoukou on sérékè ba a nonkala.

1 Corinthienli 2:7

da name sa ba mboura cho̱kna Ouone jing didissi, da cho̱kna on ko̱ mi mou ka tang ambèl jinguèl, da ko̱ Ouone mi badi ka tang ambèl jinguèl hi sakali bon baï toul jonafèn na,

Romainli 10:18

Da mè sa: Klime lala tou ya lé? Kli lala ka babaï! Tiribaï kli mi ti ka sèrè mane toul koukoula bon, Da baïnjaka kli mi sé bo̱l tèn guè mona sèkèrè njou‐koukoulali bon.

Pinali a Njou‐Mboro‐Pinali 20:28

Oui pèng mone baï fèn baï bèlta, an douk on bon ko̱ Saint‐Esprit mi bi oui ba njou‐onabong pinali an ndourou, baï ko̱ra église a Nanjou, on ko̱ kème zé jing dodok séme nè fènè.

Galateli 2:8

baï kè on ko̱ mi hi Pierre jinguèl pina njou‐mboro‐pina a njou‐ina gassa, kème ndé hi mi pina a mèran gentili kéng.

Romainli 9:5

kli on ko̱ ba titili tangkoli, da Christ mi tèn an bil mèrèn kli, ka mboro naïn‐mone, kè on ko̱ o toul fènli bon, Ouone on ko̱ mi jing samnafèn kambèlè. Amen!

Pinali a Njou‐Mboro‐Pinali 10:34

Da Pierre mi bourou njakè, ka sa: Ka babaï, mè toutou ko̱ Ouone mi tane ga jone njoukouna mbéo baï nonè ya,

Romainli 8:3

Baï fèn on ko̱ guingna mi tane ga ma baï ndingnakè ya, baï ko̱ njèran nè ka mboro naïn‐mone mi tane ga tiya, Ouone mi kon barabaï toul békéfèn an bil naïn‐mone, ko̱ kè pi dodok Goune nè ka tétéme naïn‐mone békéfèn, da baï toul békéfèn.

Pinali a Njou‐Mboro‐Pinali 14:27

Da ko̱ klime kan soko tou, ka ndoï jing hana, kli to̱ko̱ bong fènli bon on ko̱ Ouone mi nding jing kli, da ko̱ kème bourou mboro tounassaon hi pime pouli tou.

Saint Jean 16:28

Mè ourou gui ka mona Baba, da gui mona njou‐koukoulali tou. Kassénaï mè ma ourou an koukoula aïn da sé guè mona Baba.

Saint Jean 13:3

Jésus toutou baï ko̱ Baba mi hi fènli bon bi ndo̱kè tou, da kème ourou gui ka mona Ouone, da kaïn féré sé guè mona Ouone,

Saint Luc 24:51

Da baï mi gui mahana ka on, ko̱ kè same kli, kè yèng kli, ka hé sé guè nonkala.

Apocalypse 17:7

Da ange on sa hi mi: Laou‐o̱ dou baï fèn lé? Yé mè to̱ko̱ hi mo didissi baï a waïn on da naïn on ko̱ holè, kè on ko̱ jing toulèli difala‐séré da tèwèli bo.

Apocalypse 17:5

Da ko̱ dé ling bi njaka moung‐è didissi baï; Babylone loukoukè ma a waïn ndingna maïnli da sènafèn an toul koukoula.

Hébreuli 8:1

Da saou baï on ko̱ na sa ba on: Na makaou jing zaworo sacrificateur, ko̱ kaou mboro wonron ndo̱ko̱ kangala njaka bara a Gangna a Ouone an nonkalali.

2 Thessalonicienli 2:7

Baï ko̱ didissi baï toul séla guingna mi nding amè kassénaï; da bo̱l ba kè on ka ho̱kè, ko̱ mi dèn mborokè kassénaï bi, mi ourou guèfal da.

2 Thessalonicienli 1:10

Da ko̱ kème gui ka name o̱kèo̱ baï jingna jonafèn an bila njou‐lana‐bilaou nèli, da baï ko̱ none kli mi na ènrèn guè monè nyèta, an bila njoukouli bon on ko̱ mi la bilaou, baï ko̱ ouime la bilaou sana bongbaï on ko̱ name to̱ko̱ hi oui jinguèl.

Pinali a Njou‐Mboro‐Pinali 1:19

Da njoukouli bon ko̱ bi an pou Jérusalem mi toutou on, da kli bi ling an goune sél koukoula on ka njaka kli ba Hakeldama, on ko̱ sa ba, sél koukoula séme.

Saint Jean 17:5

Da kassénaï Baba, mo hi jonafèn no hi mi fèno, jonafèn on ko̱ na jing mi ko̱ mème pane jing mo ka tang ambèl hi name mossona koukoula aïn.

Saint Jean 15:26

Da ko̱ Kè‐baïlénambèl mi gui, kè on ko̱ mè ma pi nè gui hi oui ka mona Baba fènè, kè ba Esprit a babaï, kè on ko̱ ma ourou gui ka mona Baba, yé kè ma sa bongbaï ni.

Saint Jean 6:62

Yé oui nding ba fèn tokoré ouime ko̱ Goune a njoukou mi hé sé guè nonkala an guèl on ko̱ kème kaou ndourou ti dambèl lé?

Saint Luc 2:32

Takanafèn baï chana kon toula mèran gentili, Da jonafèn a njou‐Israëli, njoukou noli.

Saint Marc 16:5

Da ko̱ klime ri guè bil pal on, kli ko̱ bala goune makaou mboro wonron ndo̱ko̱, ka bou pouki la, da laou kli mi sé siya.

Saint Marc 1:13

Da kème kaou an woropa ma name bongkè‐nèng, da Satan mi yak nè. Kème kaou jing naïnli a woropa, da angeli mi nding bakara hi nè.

Saint Matthieu 28:2

Da mono, koukoula mi to̱ nyèta; baï ko̱ ange a Nanjou mi diri ka nonkala, da gui koukoula ka bourou kone saou guèfal, da kaou toulkè.

Saint Matthieu 13:11

Da Jésus mi féré sa, ka sa hi kli: Ba abaï, baï touna didissi fèn toul bilkaou a nonkala, da tane ti baï hina kli ya.

Saint Matthieu 4:11

Da on zabolo yèng nè. Da mono, angeli mi gui ka nding bakara hi nè.

1 Titili Takarata a Pierre ko̱ dé 3:18

Baï ko̱ Christ kéng mi hou baï a békéfènli bo̱ko̱ mbéo, kè ko̱ ba njou‐guédék baï toula njou‐maï maïli, mono on, an kème lang na guè mona Ouone, baï ko̱ mi i nè jing naïn‐mone, da mi féré nding hi nè da kè yan ka bila esprit.

Romainli 10:12

Baï Juif da Grec, sélkè tane tiya, baï ko̱ Nanjou akli bon ba mbéo bo̱l, da kème nguèrè ta baï akli on bon ko̱ mi di ling‐è.

Romainli 3:4

Tane ti on ya. Oui yèng ka ko̱ Ouone ba babaï, da njoukouli bon ba njou‐bana wo̱ko̱li, mahana ko̱ mi dé: An klime ko̱ mo ba guédék ka mboro baïnjako̱, Da ko̱ mome tèn gui guèl walabaï mo ma sa mba kli.

Romainli 16:26

Da kassénaï mi tèn kala an bil Takarata a Ouone a prophèteli mahana ka bina baïnjaka Ouone kambèlè, da mi to̱ko̱ hi mèran pime pouli bon baï an klime la ka bong tounassaon.

2 Corinthienli 1:19

Baï ko̱ Goune a Ouone Jésus‐Christ ko̱ mè kira Silvain da Timothée ko̱ name sa mboura nè an woro baï, kème tane ti ba ii da haï ya, da ba ii mi ko̱ na an bilè.

1 Titili Takarata a Pierre ko̱ dé 1:21

ko̱ mbo̱l kè oui ba njou‐lana bilaouli a Ouone, ko̱ tome nè an wora houli, da hi jonafèn hi nè, an tounassaon abaï da oliya mi na bila Ouone.

Titili Takarata a Jean ko̱ dé 3:8

Kè on ko̱ mi nding békéfèn, kè ba a zabolo, baï ko̱ zabolo mi ti nding békéfèn jinguèl ka titilikè. Baï on mi ko̱ Goune a Ouone mi gui baï bona pina a zabolo.

Saint Luc 20:44

Mono on David mi di nè ba Nanjou; ka mbora hani mi kè ba goune nè lé?