1 Timothée 2:6 - Féké Testament 1947

⁶ kè on ko̱ mi hi monè fènè ba fèn chona baï toula njoukouli bon. Baï ko̱ bongbaï nè fènè ma to̱ko̱ name nè.

1 Timothée 2:6 ပူးပေါင်းရင်းမြစ်များ

Saint Matthieu 20:28

mahana ka Goune a njoukou mi tane ga gui ba baï yana bakara ya, da ba baï ndingna bakara tèn baï hina yana nè baï chona njoukouli nyèta.

1 Titili Takarata a Pierre ko̱ dé 3:18

Baï ko̱ Christ kéng mi hou baï a békéfènli bo̱ko̱ mbéo, kè ko̱ ba njou‐guédék baï toula njou‐maï maïli, mono on, an kème lang na guè mona Ouone, baï ko̱ mi i nè jing naïn‐mone, da mi féré nding hi nè da kè yan ka bila esprit.

Galateli 4:4

Da ko̱ namkè mi mabongkè tou, Ouone mi pi Goune nè gui koukoula ko̱ waïn mi mboung nè, da kème tèn an bo̱ko̱ guingna.

Apocalypse 1:5

da on ko̱ mi ourou an Jésus‐Christ, ko̱ ba lodok gba sana bongbaï, ko̱ ba boutaïn tomna an wora houli da zaworo a nanjoukaouli an koukoula! Da kè on ko̱ sé hang na ta, ko̱ sél na guè fal an békéfèn nali ka séme nè,

Titili Takarata a Jean ko̱ dé 4:10

Da on ba sénahang, tane ti ba name ko̱ sé hang a Ouone ti dambèl ya, da ba kème ko̱ sé hang na, ka pi Goune nè, baï tèna ba sacrifice‐cho̱ko̱kè baï chona békéfèn nali.

Tite 2:14

kè on ko̱ mi hi monè fènè baï toula, baï an kème ma baï chona na an mboro séla guingna bon, da baï a kè fènè mi tourou mèran njoukou tang fofoto, baï tèna ba dodok njoukou nèli, ko̱ none mi sènta baï ndingna bèla pina bon.

1 Corinthienli 1:6

mahana ka on ko̱ bongbaï a Christ mi ba pou an woro baï.

1 Timothée 6:15

kè on ko̱ yé kè ma to̱ko̱ bi kala ka name nè fènè, kè on ko̱ ba loukou nanjoukaou mbéo bo̱l ka babaï, ko̱ mi jing jangnandaï Nanjoukaou a nanjoukaouli da Nanjou a nanjouli.

Éphésienli 5:2

da oui sé jing sénahang, mahana ko̱ Christ mi ndé sé hang, da kème hi monè fènè baï toula, mahana ka offrance da sacrifice hi Ouone, ko̱ baïnkè mi fon bèlta.

1 Titili Takarata a Pierre ko̱ dé 2:24

kè on ko̱ hol békéfèn nali bi monè fènè an toul di, mono on baï ko̱ na mi hou jing békéfènli, na mi yan baï ndingna guédék; mbo̱l nongno nè mi mone baï haï.

Tite 1:3

da ka name nè fènè, kème bi none baïnjakè kala ka mboro sana mboura on, ko̱ mi hi bi ndo̱ko̱ ni baï pèngnakè, ka mboro bina baïnjaka guingna a Ouone Njou‐yana‐baï‐toul ama on.

2 Corinthienli 5:21

Kè on ko̱ mi tane ga tou békéfèn bo̱ko̱ mbéo ya Ouone mi nding nè tèn ba békéfèn baï toula, baï an name gui guédék a Ouone ka bilè.

Romainli 5:6

Da ko̱ name tane ti ka njèran ya, namkè mi mabongkè tou, Christ mi hou baï toula njou‐pongna Ouone.

Saint Jean 10:15

mahana ko̱ Baba fènè mi toutou mi da mè toutou Baba. Da mème yèng yana ni baï toula badouali.

Saint Jean 6:51

Mè ba mapa yana, on ko̱ mi diri gui tiya ka nonkala tou. Tokoré njoukouna mi son mapa aïn, kè ma yan kambèlè; da mapa aïn ko̱ mè ma hi, on ba naïn‐moni, baï hina yana hi njou‐koukoulali.

Saint Marc 10:45

Baï ko̱ Goune a njoukou mi tane ga gui ba baï yana bakara ya, da ba baï ndingna bakara, tèn baï hina yana nè baï chona njoukouli nyèta.

Apocalypse 5:9

Da kli di féké sing, ka sa: Mo mi ma baï yana takarata on da sél fèn mbo̱lali an ndourou: baï ko̱ mi i mo jinguèl, da mo zé njoukouli ka mèran kadoukli bon jing séme no baï a Ouone, da ka njaka baïli bon, da njoukouli toutoul bon, da pime pouli bon.

Hébreuli 9:12

Kè ri bilkè ka séme a halali maléba goune ndaïyali ya. Da kè ri guèl tangna fofoto ka dodok séme nè bo̱ko̱ mbéo bo̱l baï kambèlè, da kè jing mboro chona kambèlè.

2 Tim 1:8

Mono on, chonron mi tane sé mo baï toul bongbaï a Nanjou na gounfènakè ya, tèn mè ko̱ ba njou‐jo̱bo̱ nè, da mo bou toulo̱ to̱ko̱nassé jing mi baï toul bèlabaï ka mboro njèran a Ouone.

2 Thessalonicienli 1:10

Da ko̱ kème gui ka name o̱kèo̱ baï jingna jonafèn an bila njou‐lana‐bilaou nèli, da baï ko̱ none kli mi na ènrèn guè monè nyèta, an bila njoukouli bon on ko̱ mi la bilaou, baï ko̱ ouime la bilaou sana bongbaï on ko̱ name to̱ko̱ hi oui jinguèl.

Romainli 16:26

Da kassénaï mi tèn kala an bil Takarata a Ouone a prophèteli mahana ka bina baïnjaka Ouone kambèlè, da mi to̱ko̱ hi mèran pime pouli bon baï an klime la ka bong tounassaon.

Éphésienli 1:17

baï an Ouone a Nanjou na Jésus‐Christ ko̱ ba Baba a jonafèn mi hi esprit cho̱kna tèn esprit tounafèn hi oui baï an ouime tou nè;

Éphésienli 1:7

Da an bilè ko̱ name jing fèn chona na, ka mboro séme monè, da yèngna bi mboro békéfèn nali ma bong nguèra ndingna mbo̱l nè,

Éphésienli 3:5

Ko̱ nonkè mi tane ga wéré bi kala hi goundi a mèran njoukouli jinguèl ya, mahana on ko̱ mi wéré bi kala kassénaï hi njou‐mboro‐pinali tang fofoto tèn prophèteli ka bila Esprit.

Saint Marc 1:15

Da klime sa: Name mapélékè tou, da bilkaou a Ouone mi hèdi tou. Oui hèkè békéfèn baï, ka la bilaou bèlabaï.

Galateli 1:4

kè on ko̱ mi hi monè fènè jinguèl, baï toul békéfèn nali, an kème ya na guèfal an bil béké saka aïnli kassénaï, ka mboro on ko̱ mi na mara fal toula Ouone Baba na;