1 Timothée 2:1 - Féké Testament 1947

¹ Mono on, mè wara mo ka titilikè toul fènli bon, oui oui nyéta ka hiouna Ouone jing sana jo̱jo̱, da kaou koukoula hi Ouone baï toula njoukouli bon,

1 Timothée 2:1 ပူးပေါင်းရင်းမြစ်များ

2 Thessalonicienli 1:3

Dadaon an name kaou koukoula hi Ouone, baï toul baï guèbassoko, yindi, ko̱ ma an name nding, baï an tounassaon abaï mi taïnkon guèbambèl, da sénahang abaï mi gui guèbambèl jing hana mane mbéo mbéo bon.

TAKARATA A JACQUES KO̱ DÉ 5:16

Mono on, oui hèkè békéfèn abaïli bi kala jing hana, ka hiou Ouone baï toul hana, baï an mone baï mi haï. Sana jo̱jo̱ Ouone ka laou a njou‐guédék mi bassa ta ka pina nè.

Éphésienli 5:20

Oui kaou koukoula baï toul fènli bon guèbassoko hi Ouone Baba, ka bil ling a Nanjou na Jésus‐Christ.

2 Tim 2:24

Da tane ma an njou‐koï a Nanjou mi njaka ya, da kème nding fèn vo jing njoukouli bon, ka ma baï to̱ko̱nafèn hi njoukouli, da tou baï bouna toulè jing to̱ko̱nassé;

1 Timothée 2:4

Kè on ko̱ mi ji ba njoukouli bon mi kou, da kli ma baï touna babaï.

Philippienli 1:3

Mè kaou koukoula hi Ouone ni guèbassoko, ko̱ mème bi hang ni toul baï.

Hébreuli 6:11

Da na ji njoukou mbéo mbéo bon an woro baï mi to̱ko̱ mbé séna none mahana ko̱ mba bil go̱rè jing oliya bo̱l tèn sèkèrèkè.

Tite 3:2

klime tane poukou njoukouna mbéo ya, klime fa baï jing hana ya, klime kaou vomboï, da bou mone kli guè koukoula jing njoukouli bon,

Tite 2:11

Baï ko̱ ndingna mbo̱l a Ouone mi bi nonkè kala tou ko̱ mi gui jing yana‐baï‐toul hi njoukouli bon,

1 Timothée 5:5

Da kè on ko̱ ba waïn sé ka babaï, da kaou bo̱on, kème bi hang‐è toul oliya Ouone, da laïbi ka sa jo̱jo̱ nè da hiou Ouone ka hangnachoung tèn séssé.

1 Corinthienli 15:3

Baï ko̱ titili fènli bon ko̱ mème sa mboura hi oui, mème hi ba fèn on hi oui ko̱ mème ndé ya kéng, ko̱ Christ mi hou baï toul békéfèn nali, mahana ko̱ Takarata a Ouone mi sa;

Pinali a Njou‐Mboro‐Pinali 17:30

Mono ka saka tounafèn ya, Ouone mi ko̱ on na bo̱on, da kassénaï kème sa hi njaka njoukouli manguèl bon baï hèkèna akli.

1 Thessalonicienli 3:12

An Nanjou mi nding sénahang abaï taïnkon guèbambèl jing hana tèn njoukouli bon, mabahana ko̱ séna hang na mi ndé taïnkon jing oui kéng.

Romainli 6:17

Da name kaou koukoula hi Ouone, baï ko̱ oui ba koïli a békéfèn jinguèl, da kassénaï oui ji bo̱ko̱kè jing mèrèn to̱ko̱nafèn on, ko̱ mi to̱ko̱ an bil go̱ro̱ baï.

Romainli 1:8

Ka titilikè, mè kaou koukoula hi Ouone ni, baï toul baï bon, ka mbora Jésus‐Christ, baï ko̱ klime sa toula tounassaon a baï ko̱ mi ti manguèl an mona njou‐koukoulali bon.

2 Corinthienli 8:6

Mono on, name wara Tite, baï ko̱ ka mboro on ko̱ kème tissaon ti dambèl an kème ndé o̱ro̱ ndingna mbo̱l on an bil baï kéng.

Éphésienli 3:13

Baï toul baï on, mè sa jo̱jo̱ baï an ouime tane yèng noungna sél on ya, baï toul to̱ko̱nassé on ko̱ tèn mi baï toul baï; to̱ko̱nassé on ko̱ ba jonafèn abaï.

Éphésienli 6:18

Jing hiouna Ouone ka sana jo̱jo̱ nè oui hiou nè ka bila Esprit guèbassoko. Mono on, oui zèng mboro jing laïnabi ka sa jo̱jo̱ Ouone nyèta baï toula njou‐lana‐bilaouli bon.

Philippienli 4:6

Oui bi hang baï toul fèna mbéo ya, da toul fènli bon ko̱ ouime ji oui to̱ko̱ hi Ouone ka mboro hiouna nè, ka sa jo̱jo̱ nè, ka jone nè.