1 Titili Takarata a Pierre ko̱ dé 5:1 - Féké Testament 1947

¹ Mono, mè wara tangchidoli on ko̱ kaou an woro baï, mè ko̱ ba ndo̱ko̱ba tangchido jing kli, da njou‐ko̱na to̱ko̱nassé a Christ, da ko̱ ndé mi ya jonafèn kéng, ko̱ nding baï guina.

1 Titili Takarata a Pierre ko̱ dé 5:1 ပူးပေါင်းရင်းမြစ်များ

Saint Luc 24:48

Da oui ba njou‐sana bongbaïli toul fènli on.

Pinali a Njou‐Mboro‐Pinali 1:22

tinassaonkè jing baptême a Jean bo̱l tèn name on ko̱ kème hé sé guè siya an woro na, an zéng akli on, dadaon njoukouna mbéo mi gui ba njou‐sana bongbaï jing na toul tomnahoul amè.

Pinali a Njou‐Mboro‐Pinali 1:8

Da yé oui ma ya njèran ko̱ Saint‐Esprit mi gui toul baï, da yé oui ma sa bongbaï ni pou Jérusalem, da an guèl Judée, da an guèl Samarie, da do̱li sé bo̱l tèn sèkèrè guèl ndèk an koukoula aïn.

Pinali a Njou‐Mboro‐Pinali 11:30

Da klime nding on da pi hi tangchidoli, da klime hi bi ndo̱ka Barnabas da Paul.

Pinali a Njou‐Mboro‐Pinali 14:23

Da ko̱ klime sane tangchidoli manguèl égliseli bon, kli hiou Ouone ka chang laka da pèng kli bi ndo̱ka Nanjou, kè on ko̱ klime la bilaou‐è.

Pinali a Njou‐Mboro‐Pinali 15:4

Da ko̱ klime kan pou Jérusalem tou, église da njou‐mboro pinali tèn tangchidoli mi pame kli, da klime to̱ko̱ bong fènli bon on ko̱ Ouone mi nding jing kli.

Pinali a Njou‐Mboro‐Pinali 15:6

Da njou‐mboro‐pinali da tangchidoli mi ndoï jing hana baï foula fal baï aïn.

Pinali a Njou‐Mboro‐Pinali 2:32

Jésus aïn ko̱ Ouone mi tome nè tou; da na bon ba njou‐sana bongbaï on.

Pinali a Njou‐Mboro‐Pinali 20:17

An pou Milet Paul mi pi, ka di tangchidoli a église an pou Éphèse an klime gui monè.

Pinali a Njou‐Mboro‐Pinali 20:28

Oui pèng mone baï fèn baï bèlta, an douk on bon ko̱ Saint‐Esprit mi bi oui ba njou‐onabong pinali an ndourou, baï ko̱ra église a Nanjou, on ko̱ kème zé jing dodok séme nè fènè.

Pinali a Njou‐Mboro‐Pinali 21:18

Ko̱ guèlapélé mi taka tou, na jing Paul mi sé guè voula Jacques, da tangchidoli bon mi ndoï an ndourou.

Pinali a Njou‐Mboro‐Pinali 3:15

Da ouime i Zaworo a yana tou, kè on ko̱ Ouone mi tome nè an wora houli, da na ba njou‐sana bongbaï toul baï on.

2 Corinthienli 5:1

Baï ko̱ name toutou ko̱ tokoré voul kli‐mona on ko̱ name bi an koukoula mi bèngnènrèn tou, name jing voul on an nonkalali ko̱ Ouone mi za, voul on ko̱ ndo̱ka njoukou mi tane ga za ya, ko̱ ba voul name kambèlè.

2 Corinthienli 5:8

da mème sa ko̱ na bi hang na ndourou, da on mi bi wélé toula baï oura an kli‐mone aïn, baï bina pou jing Nanjou.

Philippienli 1:19

Baï ko̱ mème toutou ba fèn aïnli ma féré baï ni ba yana‐baï‐toul, mbo̱l sana jo̱jo̱ Ouone abaï da lénambèl a Esprit a Jésus‐Christ.

1 Timothée 5:1

Mo tane ba baï hi tangchido ya, da wara nè mahana ka baba; mo wara bala goundi mahana ka yindi,

1 Timothée 5:19

Mo tane la sana kita kon toula tangchido ya wara ko̱ njou‐sana bongbaïli makaou séré maléba saï ya.

2 Tim 4:8

Afal, kassénaï on mi pèng mbélé couronne a guédék bi koro mi, ko̱ yé Nanjou njou‐walabaï guédék ma hi mi ka name o̱kèo̱, da tane ti ba mè ka ho̱ko̱ ni ya da ba kli bon on ko̱ mi ndé sé hang guina nè kéng.

Tite 1:5

Baï on mi ko̱ mè yèng mo bi guèl Crète, an mome rèk fènli on ko̱ mi na pamzala, da mo sane tangchidoli mane bil pouli bon, mahana on ko̱ mème ti sa bi njako̱ jinguèl tou.

Philémon 1:9

Da baï toul sénahang, mè ji on ta baï sana jo̱jo̱ no baï ko̱ mè ba Paul hona njoukou da kassénaï ba ndé njou‐jo̱bo̱ a Christ‐Jésus kéng.

Hébreuli 12:1

Mono on, baï na kéng, ko̱ name ko̱ loukou yiri mbame a njou‐sana bongbaï nali gui ki na mahana on an name yèng holali bon bi, da békéfèn ko̱ gna na gata, an name laïbi fanabala ngouna on ko̱ bourou hi na.

1 Titili Takarata a Pierre ko̱ dé 1:12

Mi to̱ko̱ hi kli on, ko̱ on ti ba baï akli fèn kli ya, da ba baï abaï ko̱ klime nding bakara fèn aïnli, ko̱ kassénaï kli on ko̱ sa mboura bèlabaï mi sa hi oui tou, ka bila Saint‐Esprit ko̱ kè pi ka nonkala, da fèn on ko̱ angeli mi bi hang kli baï ko̱na saonkè.

1 Titili Takarata a Pierre ko̱ dé 1:7

baï léna tounassaon abaï ko̱ ba kakaïya fèn ta réme l’or on ko̱ limna (tongna ko̱ hèlè mi lé nè), mi wéré nonkè bi kala baï jona da hi jonafèn da dikna ka name guina a Jésus‐Christ,

1 Titili Takarata a Pierre ko̱ dé 4:13

Da mahana ko̱ oui ba ndo̱ko̱ba to̱ko̱nassé a Christ on ko̱ kème to̱ko, oui kaou ka jangnandaï, mono on, ka name guina jing jonafèn nè, oui ma jangndaï ka wala nyèta kéng.

1 Titili Takarata a Pierre ko̱ dé 5:4

Da ko̱ zaworo njou‐kora badoua mi gui, yé oui jing mbélé couronne jonafèn ko̱ mi tane yéli ya.

Titili Takarata a Jean ko̱ dé 3:2

Oui ko̱ mème sé hang baï ta, kassénaï na ba goundi a Ouone. Da mi tane ga wéré nonkè bi kala hi na kong ba na ma tèn ane dé ya. Da name toutou on ko̱ kème gui, yé na ma tèn mabahana ka kè, baï ko̱ yé na ma ko̱ nè mahana ka on ko̱ kè makaou.

2 Jean 1:1

Tangchido mi dé takarata aïn hi Kyria ko̱ Ouone mi sane nè, tèn goune nèli ko̱ mème sé hang kli ka babaï, da tane ti ba mè ka ho̱ko̱ ni ya, da kli on bon kéng ko̱ tou babaï,

Takarata Saïkè a Jean ko̱ dé 1:1

Tangchido mi dé takarata hi Gaïus ko̱ mè ji nè ta, ko̱ mè sé hang‐è ka babaï.

Apocalypse 1:9

Mè, Jean yine baï da ndo̱ko̱ba baï an guèl to̱ko̱nassé da bilkaou da laïnabi on ko̱ mi na an bila Jésus, mè makaou jinguèl an bil koua on ko̱ kli bi lingkè ba Patmos, baï a baïnjaka a Ouone da bongbaï a Jésus.