1 Titili Takarata a Pierre ko̱ dé 4:11 - Féké Testament 1947

¹¹ Tokoré njoukouna mi sa baï; an kè mi sa toul baïnjaka a Ouone; tokoré njoukouna mi nding bakara, an kè mi nding bakara ba mboro njèran on ko̱ Ouone mi hi, mono on, an Ouone mi jing jonafèn an bil fènli bon ka mbora Jésus‐Christ, ko̱ ba jonafèn da njaka bara kambèlè go̱ kambèlè. Amen!

1 Titili Takarata a Pierre ko̱ dé 4:11 ပူးပေါင်းရင်းမြစ်များ

1 Corinthienli 10:31

Mono on, tokoré ouime son, maléba ouime njo, maléba fèna ko̱ ouime nding, oui nding fènli bon baï toul jonafèn a Ouone.

Éphésienli 6:10

Da mono, gara baï on ko̱ pane, mone baï mi pou oui ka bila Nanjou, jing mboro bassana njèran nè.

1 Titili Takarata a Pierre ko̱ dé 4:10

Mahana ko̱ njoukouli mane mbéo mbéo bon mi ya toul ndo̱ko̱, mono on oui nding bakara hi hana jing rou mabahana ka bèla njou‐ona bong fènli a ndingna mbo̱l toutoul a Ouone.

Pinali a Njou‐Mboro‐Pinali 7:38

Kè ba kè on ko̱ mi kaou an bil église ka tang ambèl jinguèl an guèl woropa, ko̱ jing ange on ko̱ mi sa hi nè an toul laou souraguèl Sinaï, da jing tangko nali, kè on ko̱ Ouone mi hi baïnjaka yana nè hi nè baï hina na,

Éphésienli 4:29

Oui yèng an fona baïli mi tane tèn kala an njaka baï ya, da oui sa ba bèla baïli ko̱ ma baï pouna mona njoukou on ko̱ fèn mi nak nè da an ouime hi ndingna mbo̱l hi kli on ko̱ mi la baï on.

Romainli 3:2

Mi nding bèlta mane mboro bon, ka titilikè Ouone mi hi baïnjakè bi ndo̱ko̱ kli.

TAKARATA A JACQUES KO̱ DÉ 1:19

Oui toutou on, yine nili, ko̱ mème sé hang baï ta. Dadaon an njoukouli mane mbéo mbéo bon mi la baï gata, ka tane sa baï gata ya, tane joungna hèrè gata ya;

Colossienli 4:6

An baïnjaka abaï mi na jing ndingna mbo̱l guèbassoko da ri jing tome, baï an ouime tou mboro féra baï hi njoukouli mane mbéo mbéo bon.

1 Corinthienli 12:4

Toul ndo̱ko̱li mi na toutoul, da Esprit ba mbéo bo̱l,

1 Titili Takarata a Pierre ko̱ dé 2:5

Da oui kéng, mahana ka kondi ko̱ mi ya, kè mosso oui baï guina voulou an Esprit baï guina tangna fofoto sacrificateurli, baï hina sacrificeli a Esprit on ko̱ mapélékè jing ba Ouone ka mboro Jésus‐Christ.

Jude 1:25

an Ouone mbéo bo̱l njou‐yana‐baï‐toul ama, ka mbora Jésus‐Christ Nanjou na, jonafèn mi guè monè, da gangna njaka bara tèn njèran, da jinguèl ka titilikè bon da kassénaï da kambèlè! Amen!

Hébreuli 5:12

Baï ko̱ saka nyèta kassénaï mono an ouime ma baï guina ba njou‐to̱ko̱nafènli, da oui pènrèn fèn mahana ka on, dadaon an njoukouna mi féré ka to̱ko̱ titili fènli a none baïnjaka Ouone hi oui, da oui mahana ka kli on ko̱ ji ba pame, da oui ma baï sona laka ko̱ pouta ya.

1 Timothée 6:16

Bo̱l ba kè on ho̱kè ko̱ mi ba houl tane tiya, ko̱ bi an bil takanafèn on ko̱ njoukouna mi tane ma baï kana rou ya, ko̱ njou kouna mbéo mi tane ga ko̱ nè ya, maléba njoukouna mi tane ma baï ko̱na nè ya. Amè, ba dikna da njèran kambèlè go̱ kambèlè. Amen.

1 Timothée 1:17

Da an nanjoukaou a saka kambèlè, kè on ko̱ ba poumna tane tiya da ko̱ none mi ko̱ ya, ko̱ ba Ouone mbéo bo̱l, ko̱ ba baï dikna da jonafèn hi nè kambèlè go kambèlè! Amen!

1 Corinthienli 3:10

Da ka mboro ndingna mbo̱l a Ouone ko̱ kème hi mi tou, mème mosso bètè voulou mahana ka cho̱kna njou‐onatoul zana voulou, da njoukou aféké mi za voulou bi toulkè. Da an njoukouli mane mbéo mbéo bon mi ènrèn mboro on ko̱ klime guè zana bi toulkè.

Saint Matthieu 6:13

da yèng na sé guèl yaknafèn ya, da lé mbèla an kè on ko̱ ba békékè. Baï bilkaou ba amo, da njèran da jonafèn, kambèlè Amen!

1 Titili Takarata a Pierre ko̱ dé 5:11

Mi hi njaka bara hi nè kambèlè go̱ kambèlè! Amen!

TAKARATA A JACQUES KO̱ DÉ 1:26

Tokoré njoukouna mi kèrè ka laou‐è ko̱ kè ba njou‐lana baï a Ouone, da tane ga miri léme sélè ya, kème mong ba go̱rè, da tènrèn baï a Ouone a njoukou aïn mi na bo̱on.

Philippienli 2:11

da yé léme sél mane mbéo mbéo bon ma sa bi kala ko̱ Jésus‐Christ ba Nanjou ka hi jonafèn hi Ouone Baba fènè.

Éphésienli 5:20

Oui kaou koukoula baï toul fènli bon guèbassoko hi Ouone Baba, ka bil ling a Nanjou na Jésus‐Christ.

1 Corinthienli 6:20

Baï ko̱ mi cho oui jing cho̱ko̱kè nyèta. Mono, baï on oui hi jonafèn hi Ouone jing kli‐mone baï da jing esprit baï ko̱ ba a Ouone.

Romainli 11:36

Baï ko̱ fènli bon mi gui ka monè, da fènli bon mi gui ka mboro nè, da fènli bon ba amè. Mi hi jonafèn hi nè, kambèlè! Amen!

Philippienli 1:11

Da an ouime mba ka léna a guédék on ko̱ mi ba ka mbora Jésus‐Christ, baï hina jonafèn ka jone Ouone.

2 Corinthienli 9:13

Baï ko̱ ka mboro léna oui jing bakara on, ouime jone Ouone baï toul bongbaï on ko̱ ouime sa bi kala toul bèlabaï a Christ, da baï toul hina toul ndo̱ko̱ abaï ka laou baï hi kli tèn njoukouli bon;

Romainli 16:27

Mi hi jonafèn hi ba Ouone ka ho̱kè, ko̱ mi cho̱kta, ka mbora Jésus‐Christ kambèlè! Amen!

Saint Jean 13:31

Da mono, ko̱ Judas mi tèn sé kala tou, Jésus mi sa: Kassénaï Goune a njoukou mi ya jonafèn tou, da Ouone mi jing jonafèn an bilè.

Romainli 12:3

Mbo̱l ndingna mbo̱l on ko̱ mi hi mi, mè sa hi oui mane mbéo mbéo bon, ko̱ ka u jing oui, an kème bi hang‐è fènè ka tane joung monè ta guèlkè ya, da kème bi hang‐è baï bouna monè guè koukoula, mabong tounassaon on ko̱ Ouone mi lé hi njoukouli mane mbéo mbéo bon.

2 Corinthienli 2:17

Baï ko̱ name tane ga ti mahana ka njoukou hanali nyèta on ya ko̱ klime yéli baïnjaka Ouone tèn ba fèn cho̱ko̱; da jing ba déléng da mi gui ka mona Ouone, ko̱ name sa ka bila Christ an nona Ouone.

Éphésienli 1:19

da ko̱ ba bassana kakaïya njèran nè baï toula, ko̱ mi la bilaou, ka mboro ndingna bakara bassana njèran nè,

1 Thessalonicienli 2:4

Da mahana ko̱ name mabongkè an nona Ouone kème bi laou‐è toula jing bèlabaï baï sanakè, mono on, name sa, tane ti ba baï bina wélé toula njoukouli ya, da ba Ouone ko̱ mi guèk go̱ro̱ na.

Tite 2:1

Da amo, mo sa fènli bon ko̱ ma njèran to̱ko̱nafèn.

Tite 2:15

Mo sa fèn aïnli ka wara fèn, da mo ba baï toul békéfèn a njoukouna bi kala, ka mboro bina baïnjaka. Mo yèng an njoukouna mbéo mi tane jèk mo ya.

Hébreuli 13:7

Oui bi hang baï toula kli on ko̱ to̱ko̱ mboro hi oui, njoukouli on ko̱ sa baïnjaka Ouone hi oui jinguèl; oui ènrèn bèlta ka mboro séna akli, da oui nding mahana ka kli ka mboro tounassaon akli.

1 Titili Takarata a Pierre ko̱ dé 2:12

Da mboro séna a baï bèlta an wora gentili, mono on, ko̱ kli sa kon toul baï, yé ba njou‐ndingna bèlyali, kli ma jone Ouone ka name on ko̱ kè gui baï ko̱na kli, baï bèla pina abaï on ko̱ klime ko̱.

1 Titili Takarata a Pierre ko̱ dé 4:16

Da tokoré njoukouna mi to̱ko̱ssé baï ko̱ kè ba chrêtien, dadaon chonron mi sé nè ya, an kème jone Ouone ka ling aïn.